मी माझ्या बॉयफ्रेंडबद्दल सांगितले
कॉलेज मध्ये असताना मी एका मुलासोबत रिलेशनशिप मध्ये होते. पण आमचं नात काही लग्नापर्यंत गेलं नाही. ही गोष्ट मी वृषभला लग्नाआधीच सांगितली कारण मला वाटत होतं की आयुष्यातील ही महत्त्वाची घटना त्याला माहित असावी. मी त्याच्यापासून माझा भूतकाळ लपवला नाही आणि मलाही अपेक्षा होती की त्याने सुद्धा त्याचा भूतकाळ शेअर करावा, काहीच लपवू नये. पण असे काहीच घडले नाही आणि माझा एकप्रकारे विश्वासघात झाला. त्याला माहित होते की मला त्याने सत्य सांगितल्यावरही माझं प्रेम तसूभरही कमी होणार नव्हतं तरीही त्याने हा खोटेपणा करणं चूक होतं.
मला कपाटात काहीतरी सापडलं
लग्न होऊन काही वर्षे उलटल्यावर मला कपाटात एक छोटी बॅग सापडली. कुतूहलाने मी ती बॅग उघडली आणि माझं जणू अंगच थंड पडलं. त्या बॅगेत माझा पती वृषभ सोबत एका सुंदर स्त्रीचे काही फोटोज होते. ती त्याची गर्लफ्रेंड आहे हे न कळण्याइतपत दूधखुळी तर मी नक्कीच नाही.मी माझ्या पतीला विश्वासाने सगळ्या गोष्टी सांगितल्या आणि त्याने मात्र अत्यंत महत्त्वाची गोष्ट लपवली हे खोटंच मला सहन होईना. मला त्याच्याकडून याची उत्तरे हवी होती. माझ्यासाठी ही गोष्ट म्हणजे मोठा विश्वासघातच होता.
(वाचा :- माझी कहाणी :- मी माझ्या बॉसच्या बायकोसोबत अनेकदा शारीरिक संबंध ठेवले आणि मग पुढे…!)
त्याने सर्व कबूल केले
मी त्याला लागलीच जाब विचारताच त्याच्या चेहऱ्यावरचा रंग उडाला. काय बोलावे हे त्याला सुचेना. तो शांत झाला आणि त्याने कबूल केले की ती मुलगी त्याची एक्स गर्लफ्रेंड होती. मला उत्तर हेच मिळणार याची अपेक्षा होती. पण त्याच्या तोंडून ऐकताच मी अधिकच हादरली. मी त्याला एकच साधा प्रश्न केला की ही गोष्ट लपवली का गेली? मला का सांगितलं नाही? तर तो म्हणाला, "मी कधीच या आठवणी आणि तिला विसरू शकलो नाही आणि या जपलेल्या आठवणी मला मिटवायच्या नाहीयेत. पण याचा अर्थ हा नाही की माझे तुझ्यावर प्रेम नाही. प्लिज मला समजून घे."
फेसबुकवर अजून फोटो मिळाले
त्याच्या या उत्तराने मी तेवढ्यापुरती शांत झाले असले तरी माझे समाधान काही झाले नाही. कारण तो अजूनही मला या मागची कहाणी सांगत नव्हता. मी शेवटी सोशल मीडियावर जाऊन त्याचे जुने फेसबुक फोटोज चेक करायला सुरुवात केली. एक तास शोधल्यावर मला त्या दोघांचा एक फोटो मिळाला. तो फोटो खूप जास्तच क्लोज होता. तो फोटो पाहून मी आतून खूप तुटली. ती मुलगी माझ्या पतीची एक्स आहे या गोष्टीने मला प्रॉब्लेम नव्हता. मला वाईट याचं वाटत होतं की त्याने मला का सांगितलं नाही? त्याला माझ्यावर विश्वास नव्हता का? ही गोष्ट त्याला लपवून ठेवावी वाटली म्हणजे मी आजही त्याचा विश्वास व प्रेम जिंकू शकली नाहीये का?
मला रडू कोसळले
मी पुन्हा शांत झाले. मला त्यांची स्टोरी जाणून घ्यायचीच होती. खूप खोदून विचारल्यावर त्याने सांगितले की त्या दोघांची भेट कॉलेज मध्येच झाली होती. दोघांचे एकमेकांवर खूप प्रेम होते. पण घरच्यांनी त्यांच्या लग्नाला विरोध केला. खूप समजावून सुद्धा ते तयार झाले नाहीत तेव्हा दोघांना वेगळे होण्याचा निर्णय घ्यावा लागला. त्यांची ही कहाणी ऐकून मला अधिक रडू कोसळले आणि मी त्याचं दु:ख समजू देखील शकते. त्यामुळेच मी त्याला माफ केले. पण माझी अपेक्षा एवढीच होती की ही गोष्ट आधी समजली असती तर मला आता त्रास झाला तितका कदाचित झाला नसता.