२६ वर्षांनी मोठ्या असलेल्या मिलिंद सोमणसोबत विवाहबद्ध होताना अंकिता नक्की कोणत्या गोष्टींवर भाळली?

अंकिताने एका मुलाखतीमध्ये सांगितले की, एका हॉटेलमध्ये तिची आणि मिलिंदची भेट झाली. मिलिंद हा एकप्रकारे तिचा क्रशच होता आणि एक चाहती म्हणून ती त्याला भेटली. पुढे एका नाईट क्लब मध्ये पुन्हा त्यांची भेट झाली आणि तेव्हा मित्रांचं एकून तिने मिलिंदला डान्ससाठी विचारणा केली आणि मिलिंदने सुद्धा होकार दिला. पुढे मिलिंदने सुद्धा ही गोष्ट सार्वजनिकपणे कबूल केली की पहिल्या भेटीत तो सुद्धा अंकिताकडे ओढला गेला होता. तर पहिल्याच भेटीत झालेलं दोघांचं प्रेम त्यांना लग्नापर्यंत घेऊन आलं.

(वाचा :- प्रत्येक मुलीने आपल्या होणा-या जोडीदाराला आवर्जून विचारले पाहिजेत ‘हे’ ५ प्रश्न!)

मिलिंदच्या आधी सुद्धा अंकिता रिलेशनशिप मध्ये होती. पण तिच्या बॉयफ्रेंडचा आकस्मिक मृत्यू झाला होता. ती कशीबशी पुन्हा आपलं जीवन पूर्वपदावर आणत होती आणि तेव्हाच तिची मिलिंद सोबत ओळख झाली. एक वेळ अशी आली की तिला स्वत:चीच शरम वाटू लागली कारण तिचं आधीचं रिलेशनशिप सोडून ती आता नवीन रिलेशनशिप मध्ये ओढली जाऊ लागली होती. मात्र मिलिंद आणि तिचं नातं इतकं सुंदर बहरत गेलं की हाच आपल्या आयुष्यभरच साथीदार आहे हे तिनेही मान्य केलं आणि दोघांचं गोड नातं सुरु राहिलं.

(वाचा :- मोठ मोठे कलाकार सोडून मोहिना कुमारी का भाळली सुयश रावतवर?)

जेव्हा अंकिताने मिलिंदला आपल्या आधीच्या रिलेशनशिप बद्दल आणि बॉयफ्रेंडच्या मृत्यूबद्दल सांगितलं तेव्हा तिला वाटलं होतं की मिलिंद हा रागवेल पण उलट मिलिंदने समजूतदारपणा दाखवत तिला समजावलं की, “मला तुझ्याशी जेव्हा प्रेम झालं तेव्हा ते तुझ्या आयुष्याच्या प्रत्येक गोष्टीवर झालं, म्हणजे तुझ्या मनावर जे आधीच्या रिलेशनशिपचं ओझं आहे ते माझं सुद्धा आहे आणि आपण दोघे मिळून तुझं ओझं दूर करण्याचा प्रयत्न करू.” मिलिंदचा हाच समजूतदारपणा अंकिताच्या मनाला भावाला आणि तिला खात्री पटली की हाच व्यक्ती आयुष्यभर आपला नीट सांभाळ करू शकेल आणि खूप प्रेम देईल.

(वाचा :- धोका दिल्यानंतर रणबीरला असा करावा लागला होता पश्चाताप, नात्याला खेळ समजणा-यांनी घ्यावा धडा!)

अंकिता आणि मिलिंद याचं नातं जेव्हा जगजाहीर झालं तेव्हा ती एक ब्रेकिंग न्यूज बनली. अनेकांनी त्यांच्यावर टीका केली, मिम्स बनवले, जोक्स तयार केले. पण दोघांनी कधीही त्याचं वाईट वाटून घेतलं नाही. मिलिंद तर सगळं हसण्यावारी न्यायाचा आणि तिच सवय त्याने अंकिताला सुद्धा लावली आणि त्यांच्या नात्याची खिल्ली उडवणाऱ्या कमेंटचा दोघेही हसत हसत आस्वाद घ्यायचे. या अनुभवातून एक गोष्ट अंकिताला मिलिंद कडून शिकायला मिळाली की काही घडलं तरी माणसाने सकारात्मक राहावं आणि स्वत:ला व आपल्या माणसांना खुश ठेवावं आणि वयावरून टोमणे मारणाऱ्यांबद्दलची अंकिताच्या मनातील भीती पूर्णपणे नाहीशी झाली.

(वाचा :- का केली नीता अंबानी यांनी श्लोका मेहताची सून म्हणून निवड?)

कोणत्याही नात्याचा ही गोष्ट म्हणजे पाया असतो. ज्या नात्यात जोडीदार एकमेकांना वेळ देत नाहीत ते नाते जास्त काळ नीट राहू शकत नाही. पण इथे मिलिंद आणि अंकिता दोघांना खूप वेळ देतात. दैनंदिन आयुष्यातील अनेक गोष्टी एकत्र करतात. कितीही बिझी असले तरी ठराविक वेळ एकमेकांना देतात. यामुळेच दोघांचे नाते अजूनही बहारदार आहे आणि आयुष्यभर ही गोष्ट पाळण्याचे वचन त्यांनी एकमेकांना दिले आहे त्यामुळेच मिलिंद आणि अंकिताचे नाते खूप स्पेशल आहे.

(वाचा :- मैं अपनी फेव्हरेट हूँ...असं म्हणून तर बघा, स्वत:वर प्रेम करुन तर पाहा!)