कल्पेशराज कुबल, कॉलेज क्लब रिपोर्टर
ज्या स्पर्धेसाठी दहा-दहा वर्ष फोटो पाठवूनही फोटोग्राफर्सना यश मिळत नाही त्या मानाच्या स्पर्धेत पहिल्याच वर्षी त्याने पुरस्कार पटकावला. नयन खानोलकरच्या या लखलखत्या यशाबद्दल त्याचं कौतुक होत आहे…
फोटोग्राफीच्या दुनियेत अत्यंत मानाचा समजला जाणारा 'बीबीसी फोटोग्राफर ऑफ द इयर’ हा पुरस्कार नयन खानोलकर या मराठमोळ्या फोटोग्राफरने पटकावला. तेवढंच नव्हे, तर त्याच्या आणखी एका नयनरम्य फोटोची दखल 'वर्ल्ड प्रेस'नं घेतली आहे. जगभरातल्या नामांकित व्यावसायिक फोटोग्राफर्सना मागे टाकत त्या फोटोसाठी नयननं नुकताच 'वर्ल्ड प्रेस फोटो ऑफ दी इयर' हा बहुमान पटकावला.
डोंबिवलीचा रहिवासी असलेल्या नयननं कोणत्याही आर्ट कॉलेजमधून फोटोग्राफीचं शिक्षण घेतलेलं नाही. फोटोग्राफी या विषयावरील वेगवेगळी पुस्तकं त्याने वाचली. त्याचबरोबर प्रत्यक्ष कॅमेरासोबत प्रयोग करून त्याने ज्ञान मिळवलं. नयन हा सेंट झेवियर्स कॉलेजच्या विज्ञान शाखेचा विद्यार्थी. परंतु कॅमेऱ्याविषयी असलेली ओढीतून त्याने फोटोग्राफीचा छंद जपला. गेली वीस वर्ष नयन फिल्म रोलपासून ते आजच्या डिजिटल कॅमेऱ्यात 'स्टोरी टेलिंग'वाले फोटो टिपतोय. 'बीबीसी' आणि 'वर्ल्ड प्रेस'चा मान मिळालेले बिबट्याचे त्याचे दोन्ही फोटो एकाच ठिकाणावरचे असले, तरी ते क्लिक करण्यामध्ये आठ महिने गेले आहेत.
'वर्ल्ड प्रेस'ची ही फोटोग्राफी स्पर्धा जगातली सगळ्यात जुन्या स्पर्धांपैकी एक आणि महत्त्वपूर्ण मानली जाते. यंदा तिचं साठावं वर्ष होतं. विशेष म्हणजे नयननं यंदा पहिल्यांदाच 'वर्ल्ड प्रेस' स्पर्धेसाठी फोटो पाठवला होता. अनेक नामंकित फोटोग्राफर्स दहा-दहा वर्षे त्यांचे फोटो 'वर्ल्ड प्रेस'साठी पाठवत असतात. परंतु नयननं पहिल्याच प्रयत्नात विजेतेपद पटकावलंय.
संजय गांधी राष्ट्रीय उद्यानातला बिबट्यांचा मानवी वस्तीतला वावर या विषयावरचा हा फोटो नयनने काढला होता. यातल्या एका फोटोला 'बीबीसी फोटोग्राफर ऑफ द इयर’ हा पुरस्कार मिळाला. इंग्लंडच्या राजघराण्यातल्या प्रतिनिधींच्या हस्ते लंडनच्या नॅचरल हिस्ट्री मुझियममध्ये तो प्रदान करण्यात आला. तर तिथल्याच दुसऱ्या फोटोला 'वर्ल्ड प्रेस फोटो ऑफ दी इयर'चा बहुमान मिळाला आहे. नयननं हे दोन्ही फोटो 'रिमोट कंट्रोल मोशन सेन्सर' प्रणाली वापरून क्लिक केले आहेत. विजेतेपद मिळालेल्या फोटोमध्ये कोणत्याही प्रकारे फोटोशॉपच्या माध्यमातून एडिटिंग करण्यात आलं नाही.
या दोन्ही पुरस्कारांनी मला जगभरात ओळख मिळवून दिली. आजच्या डिजिटल फोटोग्राफीच्या युगात फोटोग्राफीच्या कक्षा रुंदावल्या आहेत. दहा वर्षांपूर्वी आपण ज्या फोटोंचा विचारही केला नसेल ते फोटो आज आपण कॅमेऱ्यात पकडू शकतो. आपण असा फोटो क्लिक करावा ज्यातून एखादी गोष्ट सांगता येईल. आज सोशल मीडियावर दिवसाला लाखो फोटो अपलोड होत असतात. परंतु आपला फोटो सर्वात हटके हवा.
- नयन खानोलकर
ज्या स्पर्धेसाठी दहा-दहा वर्ष फोटो पाठवूनही फोटोग्राफर्सना यश मिळत नाही त्या मानाच्या स्पर्धेत पहिल्याच वर्षी त्याने पुरस्कार पटकावला. नयन खानोलकरच्या या लखलखत्या यशाबद्दल त्याचं कौतुक होत आहे…
फोटोग्राफीच्या दुनियेत अत्यंत मानाचा समजला जाणारा 'बीबीसी फोटोग्राफर ऑफ द इयर’ हा पुरस्कार नयन खानोलकर या मराठमोळ्या फोटोग्राफरने पटकावला. तेवढंच नव्हे, तर त्याच्या आणखी एका नयनरम्य फोटोची दखल 'वर्ल्ड प्रेस'नं घेतली आहे. जगभरातल्या नामांकित व्यावसायिक फोटोग्राफर्सना मागे टाकत त्या फोटोसाठी नयननं नुकताच 'वर्ल्ड प्रेस फोटो ऑफ दी इयर' हा बहुमान पटकावला.
डोंबिवलीचा रहिवासी असलेल्या नयननं कोणत्याही आर्ट कॉलेजमधून फोटोग्राफीचं शिक्षण घेतलेलं नाही. फोटोग्राफी या विषयावरील वेगवेगळी पुस्तकं त्याने वाचली. त्याचबरोबर प्रत्यक्ष कॅमेरासोबत प्रयोग करून त्याने ज्ञान मिळवलं. नयन हा सेंट झेवियर्स कॉलेजच्या विज्ञान शाखेचा विद्यार्थी. परंतु कॅमेऱ्याविषयी असलेली ओढीतून त्याने फोटोग्राफीचा छंद जपला. गेली वीस वर्ष नयन फिल्म रोलपासून ते आजच्या डिजिटल कॅमेऱ्यात 'स्टोरी टेलिंग'वाले फोटो टिपतोय. 'बीबीसी' आणि 'वर्ल्ड प्रेस'चा मान मिळालेले बिबट्याचे त्याचे दोन्ही फोटो एकाच ठिकाणावरचे असले, तरी ते क्लिक करण्यामध्ये आठ महिने गेले आहेत.
'वर्ल्ड प्रेस'ची ही फोटोग्राफी स्पर्धा जगातली सगळ्यात जुन्या स्पर्धांपैकी एक आणि महत्त्वपूर्ण मानली जाते. यंदा तिचं साठावं वर्ष होतं. विशेष म्हणजे नयननं यंदा पहिल्यांदाच 'वर्ल्ड प्रेस' स्पर्धेसाठी फोटो पाठवला होता. अनेक नामंकित फोटोग्राफर्स दहा-दहा वर्षे त्यांचे फोटो 'वर्ल्ड प्रेस'साठी पाठवत असतात. परंतु नयननं पहिल्याच प्रयत्नात विजेतेपद पटकावलंय.
संजय गांधी राष्ट्रीय उद्यानातला बिबट्यांचा मानवी वस्तीतला वावर या विषयावरचा हा फोटो नयनने काढला होता. यातल्या एका फोटोला 'बीबीसी फोटोग्राफर ऑफ द इयर’ हा पुरस्कार मिळाला. इंग्लंडच्या राजघराण्यातल्या प्रतिनिधींच्या हस्ते लंडनच्या नॅचरल हिस्ट्री मुझियममध्ये तो प्रदान करण्यात आला. तर तिथल्याच दुसऱ्या फोटोला 'वर्ल्ड प्रेस फोटो ऑफ दी इयर'चा बहुमान मिळाला आहे. नयननं हे दोन्ही फोटो 'रिमोट कंट्रोल मोशन सेन्सर' प्रणाली वापरून क्लिक केले आहेत. विजेतेपद मिळालेल्या फोटोमध्ये कोणत्याही प्रकारे फोटोशॉपच्या माध्यमातून एडिटिंग करण्यात आलं नाही.
या दोन्ही पुरस्कारांनी मला जगभरात ओळख मिळवून दिली. आजच्या डिजिटल फोटोग्राफीच्या युगात फोटोग्राफीच्या कक्षा रुंदावल्या आहेत. दहा वर्षांपूर्वी आपण ज्या फोटोंचा विचारही केला नसेल ते फोटो आज आपण कॅमेऱ्यात पकडू शकतो. आपण असा फोटो क्लिक करावा ज्यातून एखादी गोष्ट सांगता येईल. आज सोशल मीडियावर दिवसाला लाखो फोटो अपलोड होत असतात. परंतु आपला फोटो सर्वात हटके हवा.
- नयन खानोलकर