ब्रिटनची ही कंपनी पुरवते 'नग्न' नोकर

मटा ऑनलाइन वृत्त । लंडन

ब्रिटनमधील एक कंपनी 'विशेष' पुरुष नोकर पुरवण्याचे काम करते. विशेष यासाठी कारण हे नोकर अर्धनग्न अवस्थेत काम करतात.

२००१ मध्ये माजी नौदल अधिकारी जेसन डिडकॉट यांनी ही कंपनी स्थापन केली होती. 'बटलर्स इन द बफ' असं या कंपनीचं नाव आहे. नग्न पुरुष नोकर पुरवणारी ही जगातील पहिली कंपनी आहे. तुमच्याकडे कितीही उच्च पदवी असली तरी ही कंपनी फक्त शानदार शरीरयष्टी आणि व्यक्तित्व असलेल्या तरुणांनाच नोकरीवर घेते. एवढचं नव्हे ज्या तरुणांचा पार्श्वभाग सुडौल आहे, अशांना प्राधान्य दिलं जातं.



कंपनीच्या नोकरांना आपल्या मालकांच्या घरी वाढदिवसाच्या पार्ट्या, कॉर्पोरेट इव्हेंट्स आणि इतर कार्यक्रमांमध्ये काम करावं लागतं. पाहुण्यांना भेटणं, त्यांचं आदरातिथ्य करणं, त्यांना ड्रिंक्स देणं ही कामं हे नोकर करतात. 'चार्मिंग, इनोसंट अॅण्ड जस्ट अ लिटिल चिकी', असं त्यांचं ब्रीद वाक्य आहे. हे एक प्रकारे 'सेक्सी' काम आहे. पण चिंताजनक बाब ही आहे की हा ट्रेंड वाढतच चालला आहे. कंपनीच्या या सेवेला खास पसंती दिली जात आहे. अनेक लोकं या सेवा घेत आहेत.