पुणे टाइम्स टीम
तुम्ही एखाद्या मीटिंगमध्ये आहात आणि अचानक तुम्हाला एक मेसेज आला, ‘तुझ्यामुळे माझं आयुष्य खूप सुंदर झालं आहे,’ तर तुम्हाला नक्कीच छान वाटेल. तो मेसेज कुणाचा वगैरे गोष्टींचा विचार तुम्ही नंतर करालही; पण तुमचा मूड छान व्हायला तर यामुळे नक्कीच मदत होईल. अशाच गोष्टी तुमच्या प्रियकरालाही ऐकायला आवडतात. तुम्हाला तुमच्या प्रिय व्यक्तीकडून अनपेक्षित प्रशंसा मिळाली, तर तुमचा दिवस खूप मस्त जाऊ शकतो.
आपल्या आवडत्या व्यक्तीकडून झालेली आपली प्रशंसा नेहमीच गालातल्या गालात हसू आणते आणि त्याचा आपण लाजतच; पण मनोमन स्वीकारही करतो. दिवस तर भारी जातोच; शिवाय अचानक अनेक गोष्टींकडे पाहाण्याचा दृष्टिकोनच एकदम सकारात्मक होऊन जातो. जसं कौतुक केलेलं प्रेयसीला आवडतं, तसंच ते प्रियकरालाही आवडणं स्वाभाविकच आहे. जरी त्यांनी दाखवलं नाही, तरी मनातून कुठेतरी तो त्या चार चांगल्या शब्दांची अपेक्षा करत असतोच. तुमचं प्रेम नव्यानं खुलेल अशा तुम्ही केलेल्या किंवा म्हटलेल्या कुठल्या गोष्टी तुमच्या प्रियकराला आवडतील, याविषयी...
‘तुझा सुगंध मला भुरळ पाडणारा आहे’
प्रियकराला थेट असं म्हटलात, तर तो आनंदी होऊ शकतो. त्याचा डिओ किंवा ‘आफ्टर शेव्ह’ या व्यतिरिक्त त्याला त्याच्या शरीराचा विशिष्ट वासच सुंदर आहे, असं सांगितलं, तर तुम्ही त्याचंच कौतुक करताय, हे त्याच्या नीट लक्षात येईल. त्यानंही तो आनंदी होईल. त्याचा विशिष्ट मर्दानी वास तुम्हाला वेड लावत असेल, तर तू जवळ आलास, की त्या वासानं मला वेडं व्हायला होतं, हे आवर्जून त्याला सांगा. तुमच्या एका मेसेजनं त्याचा दिवस भन्नाट जाईल, एवढं नक्की.
‘तू कामात अत्यंत चोख असतोस’
त्याच्या कामाचं कौतुक करायला विसरू नका. तुमच्या प्रियकराला हेच आवर्जून सांगा, की तो सगळ्या गोष्टी व्यवस्थितपणे पार पाडतोय आणि त्याचं कामही तो चोख करतोय. त्याचा स्वतःच्या कामाविषयीचा आत्मविश्वास वाढेल आणि त्याचं काम तो अधिक ऊर्जेनं आणि उत्साहानं करेल, यासाठीही त्याला तुम्ही केलेल्या कामाविषयीच्या कौतुकाचा फायदा होईल. यामुळे त्याला हेही समजेल, की तुम्ही त्याच्या आयुष्यातील बारीकसारीक गोष्टींकडेही लक्षपूर्वक पाहाताय. त्यामुळे त्याला स्वतःचं आयुष्यही सुंदर वाटू लागेल. आपण कुणाला तरी इतकं महत्त्वाचं वाटतोय, ही भावना खूपच सुंदर आहे.
‘मला तुझ्याबरोबर सुरक्षित वाटतं’
प्रत्येक प्रियकराला साहजिकच आपली प्रेयसी आपल्याबरोबर सुरक्षित असावी, किमान तिला तसं वाटावं, असं वाटत असतं. सुरक्षिततेची व्याख्या म्हणजे फक्त दुसऱ्या कुणाच्या चुकीच्या वागण्यापासून आपल्याला वाचवणं इतकंच नव्हे, तर तिला हवे तसे कपडे घालू देणं, तिला हवं ते खाण्या-पिण्याची – बोलण्याची आणि राहण्याची मुभा असणं, तिच्या पद्धतीनं ती तिचं आयुष्य जगत असताना दुसऱ्या कुणी ते नाकारायचा प्रयत्न केला, तर त्याविरुद्ध तिच्या बाजूनं उभं राहाणं यांसारख्या गोष्टींतही स्त्रीला सुरक्षितता वाटत असते. तीच मला तुझ्या सहवासात जाणवते, हे त्याला सांगितल्यावर त्यावेळी तो तुम्हाला प्रेमानं मिठीत घेतल्याशिवाय राहणार नाही, हे नक्की!
‘तुझ्याबरोबर आयुष्य धमाल असतं’
तुम्हाला त्यानं सांगितलेल्या विनोदावर हसू येत असेल, काही वेळा त्याच्या स्मार्ट कमेंट्सवर खळखळून हसायला येत असेल, तर त्यानं केलेले विनोद तुम्हाला आवडतात, हे त्याला त्यामुळे कळेलंच; पण तुम्ही हे त्याला स्वतःहून सांगितलं, तर त्याला अर्थातच ते जास्त आवडेल. यामुळे फक्त तुम्हीच नाही, तर तुमचं आयुष्यही आनंदी आणि धमाल झालं आहे, हेही त्याला सांगा.
‘तू सध्या फिट दिसतोयस’
आपल्या प्रेयसीला ‘इम्प्रेस’ करायला प्रत्येकच प्रियकराला आवडतं. त्यासाठी तो काही वेळा दैनंदिन कार्यक्रमांपलीकडे जास्तीचे कष्टही घेत असण्याची शक्यता आहे. याचसाठी तो जिमला जात असेल, टेकडी चढत असेल किंवा सायकलिंग, बॅडमिंटन, ट्रेकिंग वगैरे करत असेल आणि त्याच्या फिटनेसवर विशेष लक्ष देत असेल, तर ‘तू सध्या चांगलाच फिट दिसू लागलायस’ असं त्याला नक्की सांगा. म्हणजे तो तुमच्यासाठी करत असलेल्या प्रयत्नांकडे तुमचं लक्ष आहे आणि त्यामुळे काहीतरी फरक पडल्याचं तुम्हालाही जाणवतंय, हे पाहून त्याला नक्कीच छान वाटेल. तो अर्थातच तुमच्यासमोर फिट आणि हॉट दिसण्याचा प्रयत्न करणारंच. त्याचं फक्त क्रेडिटच नाही, तर त्याच्या प्रयत्नांना दादही द्या. त्याच्या फिटनेसमुळे तो चार्मिंग दिसत असल्याचंही त्याला सांगा. तो तुम्ही केलेलं कौतुक अजिबात विसरणार नाही आणि विशेष आनंदी राहील.
तुम्ही एखाद्या मीटिंगमध्ये आहात आणि अचानक तुम्हाला एक मेसेज आला, ‘तुझ्यामुळे माझं आयुष्य खूप सुंदर झालं आहे,’ तर तुम्हाला नक्कीच छान वाटेल. तो मेसेज कुणाचा वगैरे गोष्टींचा विचार तुम्ही नंतर करालही; पण तुमचा मूड छान व्हायला तर यामुळे नक्कीच मदत होईल. अशाच गोष्टी तुमच्या प्रियकरालाही ऐकायला आवडतात. तुम्हाला तुमच्या प्रिय व्यक्तीकडून अनपेक्षित प्रशंसा मिळाली, तर तुमचा दिवस खूप मस्त जाऊ शकतो.
आपल्या आवडत्या व्यक्तीकडून झालेली आपली प्रशंसा नेहमीच गालातल्या गालात हसू आणते आणि त्याचा आपण लाजतच; पण मनोमन स्वीकारही करतो. दिवस तर भारी जातोच; शिवाय अचानक अनेक गोष्टींकडे पाहाण्याचा दृष्टिकोनच एकदम सकारात्मक होऊन जातो. जसं कौतुक केलेलं प्रेयसीला आवडतं, तसंच ते प्रियकरालाही आवडणं स्वाभाविकच आहे. जरी त्यांनी दाखवलं नाही, तरी मनातून कुठेतरी तो त्या चार चांगल्या शब्दांची अपेक्षा करत असतोच. तुमचं प्रेम नव्यानं खुलेल अशा तुम्ही केलेल्या किंवा म्हटलेल्या कुठल्या गोष्टी तुमच्या प्रियकराला आवडतील, याविषयी...
‘तुझा सुगंध मला भुरळ पाडणारा आहे’
प्रियकराला थेट असं म्हटलात, तर तो आनंदी होऊ शकतो. त्याचा डिओ किंवा ‘आफ्टर शेव्ह’ या व्यतिरिक्त त्याला त्याच्या शरीराचा विशिष्ट वासच सुंदर आहे, असं सांगितलं, तर तुम्ही त्याचंच कौतुक करताय, हे त्याच्या नीट लक्षात येईल. त्यानंही तो आनंदी होईल. त्याचा विशिष्ट मर्दानी वास तुम्हाला वेड लावत असेल, तर तू जवळ आलास, की त्या वासानं मला वेडं व्हायला होतं, हे आवर्जून त्याला सांगा. तुमच्या एका मेसेजनं त्याचा दिवस भन्नाट जाईल, एवढं नक्की.
‘तू कामात अत्यंत चोख असतोस’
त्याच्या कामाचं कौतुक करायला विसरू नका. तुमच्या प्रियकराला हेच आवर्जून सांगा, की तो सगळ्या गोष्टी व्यवस्थितपणे पार पाडतोय आणि त्याचं कामही तो चोख करतोय. त्याचा स्वतःच्या कामाविषयीचा आत्मविश्वास वाढेल आणि त्याचं काम तो अधिक ऊर्जेनं आणि उत्साहानं करेल, यासाठीही त्याला तुम्ही केलेल्या कामाविषयीच्या कौतुकाचा फायदा होईल. यामुळे त्याला हेही समजेल, की तुम्ही त्याच्या आयुष्यातील बारीकसारीक गोष्टींकडेही लक्षपूर्वक पाहाताय. त्यामुळे त्याला स्वतःचं आयुष्यही सुंदर वाटू लागेल. आपण कुणाला तरी इतकं महत्त्वाचं वाटतोय, ही भावना खूपच सुंदर आहे.
‘मला तुझ्याबरोबर सुरक्षित वाटतं’
प्रत्येक प्रियकराला साहजिकच आपली प्रेयसी आपल्याबरोबर सुरक्षित असावी, किमान तिला तसं वाटावं, असं वाटत असतं. सुरक्षिततेची व्याख्या म्हणजे फक्त दुसऱ्या कुणाच्या चुकीच्या वागण्यापासून आपल्याला वाचवणं इतकंच नव्हे, तर तिला हवे तसे कपडे घालू देणं, तिला हवं ते खाण्या-पिण्याची – बोलण्याची आणि राहण्याची मुभा असणं, तिच्या पद्धतीनं ती तिचं आयुष्य जगत असताना दुसऱ्या कुणी ते नाकारायचा प्रयत्न केला, तर त्याविरुद्ध तिच्या बाजूनं उभं राहाणं यांसारख्या गोष्टींतही स्त्रीला सुरक्षितता वाटत असते. तीच मला तुझ्या सहवासात जाणवते, हे त्याला सांगितल्यावर त्यावेळी तो तुम्हाला प्रेमानं मिठीत घेतल्याशिवाय राहणार नाही, हे नक्की!
‘तुझ्याबरोबर आयुष्य धमाल असतं’
तुम्हाला त्यानं सांगितलेल्या विनोदावर हसू येत असेल, काही वेळा त्याच्या स्मार्ट कमेंट्सवर खळखळून हसायला येत असेल, तर त्यानं केलेले विनोद तुम्हाला आवडतात, हे त्याला त्यामुळे कळेलंच; पण तुम्ही हे त्याला स्वतःहून सांगितलं, तर त्याला अर्थातच ते जास्त आवडेल. यामुळे फक्त तुम्हीच नाही, तर तुमचं आयुष्यही आनंदी आणि धमाल झालं आहे, हेही त्याला सांगा.
‘तू सध्या फिट दिसतोयस’
आपल्या प्रेयसीला ‘इम्प्रेस’ करायला प्रत्येकच प्रियकराला आवडतं. त्यासाठी तो काही वेळा दैनंदिन कार्यक्रमांपलीकडे जास्तीचे कष्टही घेत असण्याची शक्यता आहे. याचसाठी तो जिमला जात असेल, टेकडी चढत असेल किंवा सायकलिंग, बॅडमिंटन, ट्रेकिंग वगैरे करत असेल आणि त्याच्या फिटनेसवर विशेष लक्ष देत असेल, तर ‘तू सध्या चांगलाच फिट दिसू लागलायस’ असं त्याला नक्की सांगा. म्हणजे तो तुमच्यासाठी करत असलेल्या प्रयत्नांकडे तुमचं लक्ष आहे आणि त्यामुळे काहीतरी फरक पडल्याचं तुम्हालाही जाणवतंय, हे पाहून त्याला नक्कीच छान वाटेल. तो अर्थातच तुमच्यासमोर फिट आणि हॉट दिसण्याचा प्रयत्न करणारंच. त्याचं फक्त क्रेडिटच नाही, तर त्याच्या प्रयत्नांना दादही द्या. त्याच्या फिटनेसमुळे तो चार्मिंग दिसत असल्याचंही त्याला सांगा. तो तुम्ही केलेलं कौतुक अजिबात विसरणार नाही आणि विशेष आनंदी राहील.