आपल्या आयुष्यात कोणताही महत्त्वाचा कार्यक्रम आल्यास आपण अभिनेत्रींचे कपडे मेकअप यांसारख्या गोष्टी पाहत असतो. या अभिनेत्रीपैकी कोणी बाहेरील सौंदर्याला महत्त्व देताना दिसत आहे तर कोणी आंतरिक सौंदर्यकडे भर देताना आपल्याला दिसतात. चला तर मग जाणून घेऊयात कोणत्या आहेत त्या गोष्टी.
(फोटो सौजन्य : टाईम्स ऑफ इंडिया )
मसाज आणि दीपिका पदुकोण
दीपिका पदुकोण कामातून येणाऱ्या ताणाला लांब ठेवण्यासाठी नियमित पूर्ण शरीर मालिश करते. त्यातही ती खोबरेल तेलाने बॉडी मसाज घेण्यास प्राधान्य देते. ती नियमितपणे स्टीम बाथ आणि बॉडी मसाज करते. मालिश केल्यामुळे सुरकुत्या आणि वृद्धत्वाची चिन्हे नियंत्रित ठेवता येतात. त्यामुळे तुम्हालाही दिपिकासारखी त्वचा हवी असेल तर तुम्ही देखील मसाजचा वापर करु शकता.
(वाचा :- Lipstick Tips : लिपस्टिक लावल्यामुळे तुमचे ओढ फाटतात? 5 टिप्स ठेवतील अतिशय मुलायम)
करीना कपूर आणि बदाम तेलाचे
करीना कपूरच्या स्किनकेअर रूटीनमध्ये बदामाच्या तेलाचा वापर करते . ती तिच्या चेहऱ्याला मालिश करण्यासाठी बदामाचे तेल वापरते. बदामाचे तेल हे व्हिटॅमिन ईचा समृद्ध स्रोत आहे. यामुळे त्वचेला फायदा होतो. त्याच प्रमाणे करीना मॉइश्चरायझिंग फेस पॅक म्हणून वापरण्यासाठी दहीमध्ये बदामाचे तेल देखील मिसळते.
अनुष्का शर्माची फ्रूटी स्किन केअर
अनुष्का शर्मादेखील तीचे स्किन केअर सोशल मीडियावर शेअर करत असते. ती मोठ्या प्रमाणात फ्रूट फेस पॅक वापरताना दिसते. तिच्या आवडत्या फेस पॅकमध्ये दूध, मध, पपई आणि केळी असतात. फळांच्या पॅकमध्ये जीवनसत्त्वे, खनिजे, एन्झाईम्स आणि अँटिऑक्सिडंट्स भरपूर असतात. अनुष्काच्या डाएट प्लॅनमध्ये कार्बोहायड्रेट्स, प्रथिने आणि फळांनी परिपूर्ण आहे. ती जंक फूड टाळते आणि दिवसभर पोटभर राहण्यासाठी नट, फळे आणि प्रोटीन बार खाण्याचा प्रयत्न करते. ती यासर्वाचे फोटो इंस्टाग्रामवर टाकत असते.
(वाचा :- चेहऱ्याचे तेज हरवलंय का ? मग उन्हाळ्यात त्वचेची काळजी घेण्यासाठी या भन्नाट टिप्स नक्की फॉलो करा)
आलिया भट्ट आणि तिचे आंतरिक सौंदर्य
आलिया भट्टने तिच्या लग्नात केलेल्यासाध्या मेकअपने सर्वांचेच लक्ष वेधून घेतले. त्वचा साफ राखण्यासाठी ती भरपूर पाणी पिते. पाणी प्यायल्याने शरीरातील विषारी पदार्थ बाहेर टाकण्यास मदत होते. ती व्हिटॅमिन A, C आणि E यासह मल्टीविटामिन्स देखील घेते. योग्य खाण्याने ती स्वतःला आतून निरोगी ठेवते. जेव्हा तुम्ही आतून निरोगी असता तेव्हा ते बाहेरून सुंदर दिसू लागता या गोष्टीवर तीचा पूर्ण विश्वास आहे. त्यामुळे जर तुम्हाला जास्त कष्ट घ्यायचे नसतील तर अलियाची ही आयडिया तुम्ही देखील वापरु शकता.
(वाचा :- फाउंडेशन खरेदी करताना गोंधळून जाताय ? मग या ५ गोष्टी करतील मदत)
शिल्पा शेट्टीचा फंडा
गेल्या काही वर्षात शिल्पा शेट्टी स्वत:मध्ये खूप बदल केले आहेत. सोशल मीडियावर ती तिच्या सौंदर्यसंबंधीत टिप्स देत असते. तिच्या नितळ कांतीसाठी शिल्पा साबण बंद केला आहे. रात्री ती कोमट पाण्याने चेहरा स्वच्छ करते. त्यानंतर चेहऱ्याला मसाज करते यासाठी ती जॉन्सनचे बेबी ऑईल, ऑलिव्ह ऑईल आणि बायो-ऑइल यांचे मिश्रण वापरते. शिल्पाचा हा फंडा तुम्ही देखील वापरु शकता.
(वाचा :- उन्हाळ्यातही नितळ कांती हवा असेल तर, हे 5 फेसपॅक नक्की ट्राय करा)