Cold Shower फ्रीजमधील एक बॉटल थंड पाण्याने वाढेल तुमचा हॉटनेस, चमकदार त्वचेसाठी उपाय
उन्हाळ्यामध्ये बहुतांश जण दिवसभरातून दोनदा आंघोळ करतात. या दिवसांत आपण थंड पाण्याने (Cold Shower) आंघोळ केल्यास त्वचा चमकदार (Glowing Skin Tips) होण्यास मदत मिळेल. जाणून घ्या सविस्तर माहिती...
या समस्या दूर करण्यासाठी आंघोळ करताना आपण एक गोष्ट कायम लक्षात ठेवल्यास तुमची त्वचा चमकदार (Glowing Skin With Cold Water ) होण्यास मदत मिळेल. तसंच त्वचेवर आलेली चमक दीर्घकाळापर्यंत टिकूनही राहील. त्वचा सुंदर व नितळ दिसण्यासाठी कोल्ड शॉवर (Cold Shower) म्हणजे थंड पाण्याने आंघोळ करावी. थंड पाण्याने आंघोळ करण्याची योग्य पद्धत आणि फायदे जाणून घेऊया…
(केसांची वाढ लवकरात लवकर व्हावी, अशी इच्छा आहे? मग करा ‘व्हिटॅमिन ई’युक्त हे उपाय)
कोल्ड शॉवरमुळे चांगला होतो मूड
- उन्हाळ्यामध्ये आंघोळ करताना आपण साध्या पाण्यामध्ये फ्रीजमधील दोन बॉटल थंड पाणी मिक्स केल्यास तुमचा मूड फ्रेश होण्यास मदत मिळेल. थंड पाण्याने आंघोळ केल्याने आपली त्वचा चमकदार होते. कारण या पाण्यामुळे त्वचा आणि त्वचेवर असणाऱ्या केसांमधील नैसर्गिक तेल टिकून राहते. त्यावर कोणत्याही प्रकारे दुष्परिणाम होत नाहीत.
- थंड पाण्याने आंघोळ केल्याने त्वचेवरील रोमछिद्रे बंद होतात आणि त्वचा सैल देखील पडत नाही. यामुळे त्वचा अधिक तरुण व प्रसन्न दिसते. केस धुण्यासाठीही आपण अशाच पद्धतीने उपयोग केल्यास केसगळतीची समस्या कमी होण्यास मदत मिळेल. पण यापूर्वी तज्ज्ञमंडळींचा सल्ला नक्की घ्यावा.
(मऊ, तजेलदार व चमकदार त्वचा हवीय, तर मग करून पाहा हे नैसर्गिक उपाय)
त्वचा होते सतेज
- थंड पाण्याचा आंघोळीसाठी उपयोग केल्यास आपली त्वचा सतेज होते. आंघोळीसाठी एक बादली साधे पाणी घ्या आणि त्यामध्ये फ्रीजमधील एक किंवा दोन बॉटल थंड पाणी मिक्स करा. सोबत थोडेसे गुलाब पाणी देखील मिक्स करू शकता.
- यामुळे शारीरिक व मानसिक थकवा दूर होण्यासह मूड फ्रेश होतो. त्वचेवर नैसर्गिक चमक येते.
(तेलकट त्वचेची समस्या असणाऱ्यांनी या ५ गोष्टींपासून राहावं दूर, सीबमची समस्या येईल)
शरीराच्या स्नायूंना मिळतो आराम
- गरम पाण्याचा शेक घेतल्याने शरीराच्या स्नायूंना आराम मिळतो. याच प्रमाणेच थंड पाण्याने आंघोळ केल्यानंही शरीराचे स्नायू रिलॅक्स होतात आणि शारीरिक थकवा - वेदना दूर होण्यास मदत मिळते.
- उन्हाळ्यामध्ये थंड पाण्याने आंघोळ केल्यास शरीरातील रक्त प्रवाह (blood circulation) देखील वाढतो.
- यामुळे शरीराच्या आतमध्ये आलेली सूज कमी होण्यास मदत मिळते. शारीरिक ताणतणाव दूर होऊन त्वचा अधिक चमकदार दिसू लागते.
(लहान मुलांसारखी मऊ होईल तुमची त्वचा, चेहऱ्यावर या ३ पद्धतींनी लावा मिल्क पावडर)
शारीरिक कार्यप्रणालीची गती वाढते
- थंड पाण्याने आंघोळ केल्यास शारीरिक कार्यप्रणालींची गती वाढण्यास मदत मिळते,असं तज्ज्ञांचं म्हणणं आहे. थंड पाण्याने आंघोळ केल्यास रक्तप्रवाहानुसारच शरीरामध्ये ऑक्सिजनचा प्रवाह देखील वाढतो. यामुळे आपला मेंदू अधिक सक्रिय पद्धतीने कार्य करतो.
- यामुळेच जेव्हा आपण सकाळच्या सुमारास थंड पाण्याने आंघोळ करता, त्यावेळेस आपण अधिक फ्रेश आणि अॅक्टिव्ह दिसता. थंड पाण्याने आंघोळ केल्यास शरीराचे तापमान संतुलित राहण्यास मदत मिळते. यामुळे त्वचेवरील चमक देखील टिकून राहते.
या गोष्टी देखील ठेवा लक्षात
- जर आपण हृदयाशी संबंधित एखाद्या समस्येचा सामना करत असाल तर थंड पाण्याने आंघोळ करणं टाळा.
- साध्या पाण्यामध्ये जास्त प्रमाणात थंड पाणी मिक्स केल्यास सर्दी-खोकल्याचा त्रास होऊ शकतो.
- शारीरिक वेदना जास्त प्रमाणात होत असल्यास थंड पाण्याने आंघोळ करू नये. काही प्रकरणात शरीराच्या वेदना अधिक वाढण्याची शक्यता असते.
- थंड पाण्यामध्ये सैंधव मीठ मिक्स केल्यास शारीरिक थकवा दूर होण्यास मदत मिळते आणि त्वचा हायड्रेट सुद्धा राहते.
NOTE त्वचा किंवा आरोग्याशी संबंधित कोणतेही दुष्परिणाम होऊ नये, यासाठी हा उपाय करण्यापूर्वी आपल्या ओळखीच्या डॉक्टरांचा सल्ला नक्की घ्यावा.