जर तुम्ही देखील याच समस्येला तोंड देत असाल तर टेन्शन घेऊ नका कारण आम्ही तुम्हाला आज सांगणार आहोत असे खास घरगुती उपाय जे तुमच्या केसांना अधिक रेशमी, घनदाट, लांबसडक बनवून तुम्हाला मनासारखे व आकर्षक केस देऊ शकतात. आणि सर्वात महत्त्वाची गोष्ट म्हणजे हे उपाय वापरल्यावर अवघ्या महिन्याभारत तुम्हाला फरक दिसू लागेल. चला तर जाणून घेऊ.
असा करा कडीपत्त्याचा वापर
कडीपत्ता तुम्हाला उत्तम केस मिळवण्यात मदत करू शकतो. यासाठी कडीपत्त्यांची काही पाने घेऊन वाटून घ्या, त्यांची एक जाड पेस्ट तयार करा. आता या पेस्ट मध्ये 1 चमचा नारळ तेल मिक्स करा आणि हेअर पॅक सारखे केसांना लावा. किमान 30 मिनिटे तरी ही पेस्ट लावून ठेववा आणि मग धुवून घ्या. तुम्हाला तुमचे केस केवळ धुवायचे आहेत. शॅम्पू किंवा कंडीशनरचा वापर करू नका. हा पॅक लावल्याने तुमचे केस अजिबात चिपचिपीत होणार नाहीत. तुम्ही १ चमचा नारळ तेल, १ चमचा मेथी दाणे आणि कडीपत्याची काही पाने घालून ते तेल उकळवून घेऊ शकता. पुढे, हे तेल केसांना व टाळूला लावून मसाज करू शकता. यामुळे सुद्धा केस लांबसडक, चमकदार व नागिणीसारखे सळसळते व रेशमी बनतील.
कडीपत्त्यामुळे होणारे फायदे
कडीपत्ता तुमच्या केसांवर एखाद्या रामबाण औषधी वनस्पती सारखे काम करतो. कडीपत्ता खाल्ल्याने किंवा केसांवर लावल्याने सुद्धा तुमच्या केसांना फायदाच होतो. कडीपत्ता मध्ये मोठ्या प्रमाणात व्हिटॅमिन ए, बी, सी आणि ई आढळते. याच कारणामुळे कडीपत्ता तुमच्या केसांच्या मुळांना पोषण देऊन त्यांना अधिक मजबूत आणि सक्षम करतो. त्यामुळेच तुम्ही सुद्धा केसांच्या समस्येने त्रस्त असाल तर एकदा नक्कीच कडीपत्ताचा हा उपाय वापरून पहा.
(वाचा :- Beauty Tips : बॉलीवूडच्या बेबी डॉलवर लाखो हृदयं फिदा, प्रत्येक लुकमध्ये करते तरुणांना घायाळ!)
एग योकचा म्हणजेच पिवळा बलक वापर
केसांना एग योक म्हणजेच अंड्यातील पिवळ्या रंगाचं बलक लावून सुद्धा तुम्ही केसांना पोषण देऊ शकता. यासाठी अंड्यातील बलक घ्या आणि त्यात एक चमचा नारळ तेल टाकून चांगल्या प्रकारे ते मिश्रण मिक्स करून घ्या. आता केसांच्या मुळांना मालिश करा. अंड्याच्या तीव्र वासापासून बचाव म्हणून तुम्ही नारळ तेलाच्या काही एक चमचा मोहरीचे तेल सुद्धा टाकू शकता आणि सोबत त्यात अजून एखादे सुवासी तेल मिक्स करा. कमीत कमी 10 मिनिटे मालिश करा आणि 30 मिनिटे हा पॅक केसांना लावून ठेवा. त्यानंतर शॅम्पू आणि कंडीशनरचा वापर करा. आठवड्यातून एक वेळा रोज काही महिने हा प्रयोग सुरु ठेवा. तुमचे केस अधिक घनदाट आणि मजबूत होतील.
मेथी दाणा पेस्ट
आपल्या केसांची लांबी लक्षात ठेवून रात्री मेथीचे दाणे भिजत ठेवा. सकाळी मिक्सर मध्ये वाटून घेऊन याची पेस्ट तयार करा. या पेस्ट मध्ये एक छोटा चमचा लिंबू रस आणि एक चमचा नारळ तेल वा मोहरीचे तेल मिक्स करा. आता हेअर पॅक सारखी ही पेस्ट केसांना लावा. सकाळी सुकल्यावर पाण्याने हे केस धुवून घ्या. दुसऱ्या दिवशी तुम्ही शॅम्पू करू शकता. मेथी दाण्यांमुळे केस घनदाट होतात आणि अजिबात गळत नाहीत. मेथीचे दाणे वापरल्याने केसांमधील कोंडा दूर होतो. मेथी दाणे पोटॅशियम, लोह, कॅल्शियम आणि फोलिक अॅसिडने युक्त असल्याने केस झटपट वाढू लागतात.
स्थानिक तेलाचा वापर
हेअर स्पेशालिस्ट जावेद हबीब यांनी एका मुलाखतीत सांगितले होते की, “तुम्ही ज्या प्रदेशात राहता तेथील स्थानिक तेलाचाच वापर तुम्ही केला पाहिजे. जसे की जर तुम्ही उत्तर प्रदेशात राहता तर मोहरीचे तेल वापरा आणि जर तुम्ही दक्षिण भारतात राहता तर नारळाच्या तेलाचा वापर करा.” जावेद यांचा या मागचा तर्क असा आहे की जे क्षेत्र जसे असते त्याचप्रमाणे तेथील गरजेनुसारच तेथील प्रकृती तेथील गोष्टी निर्माण करते. उत्तर भारतात मोहरीचे पिक जास्त घेतले जाते आणि दक्षिण भारतात नारळाची झाडे खूप आढळतात. म्हणून तेथील लोकांच्या केसांची आणि शरीराची गरज पूर्ण करण्यासाठी तेथील स्थानिक तेलच योग्य आहे.