एक असा पार्टनर जो अनेक गोष्टी न सांगता सुद्धा समजू शकेल. या लेखातून तुम्हाला अनेक मुलांची चॉईस आणि गर्लफ्रेंड बाबत असणारा त्यांच्या दृष्टीकोन याबद्दल माहिती मिळेल. मग तुम्ही सहज ही गोष्ट समजू शकाल की एखाद्या मुलाला आपल्या गर्लफ्रेंडला नक्की कोणत्या रुपात पाहायला आवडते.
मुलींमध्ये मुलं नेमकं शोधतात तरी काय?
आजकालची मुलं मुलींच्या फिजिकल ब्युटीला जास्त प्राधान्य देत नाहीत. उलट ते लाईफ पार्टनर म्हणून एका मेंटली स्ट्रॉन्ग आणि मॅच्युअर मुलीच्या शोधात असतात. यातून तुम्ही समजून घेऊ शकता की जो मुलगा केवळ तुमची शारीरिक सुंदरता पाहून तुमच्या सोबत रिलेशनशिप मध्ये आला आहे किंवा ज्याचे लक्ष केवळ तुमचे कपडे, लुक्स आणि गोऱ्या रंगावर असते अशा मुलासोबत तुम्ही रिलेशनशिप मध्ये न राहिलेलेच बरे! कारण अशी मुले मुलींकडे फक्त एक टाईमपास म्हणून पाहत असतात.
आजच्या पिढीतील मुलाचे मत
व्हिडिओ एडीटर म्हणून काम करणारा शिवांग प्रताप सिंह म्हणतो की, “मला माझ्या गर्लफ्रेंडचा लुक कसा आहे, ती काळी आहे की गोरी आहे याबद्दल काहीच फरक पडत नाही. हा पण तिची ड्रेसिंग सेन्स चांगली असायला हवी आणि ती जॉली नेचरची असली पाहिजे. माझ्यासाठी सौंदर्य हे दुय्यम स्थानावर येते, मी जास्तीत जास्त प्राधान्य तिच्या स्वभावाला देतो. तिच्यात मॅच्युरिटी असावी आणि ती खूप समजूतदार असावी ही एक माझी अपेक्षा असते. महत्त्वाची गोष्ट म्हणजे जरी ती कधी विदाउट मेकअप माझ्या सोबत आली तरी मला काही वाटत नाही.”
गोरेपणापेक्षा या गोष्टीवर असते बारीक नजर
आपल्या समाजातील अनेक मुलींना आजही हेच वाटते की, मुलांना फक्त गोऱ्या मुलीच आवडतात. ही गोष्ट काही वर्षांपूर्वी पर्यंत खरी होती सुद्धा, पण आताची मुलं पुढारलेल्या विचारांची आहेत. सध्याची शिकलेली, समजूतदार मुलं मुलींच्या स्कीनचा रंग कोणता याला जास्त प्राधान्य देत नाही. हा पण त्यांची एक अपेक्षा असते की आपल्या पार्टनरच्या स्कीनचा ग्लो मात्र नॅच्युरली खुललेला असावा. यामुळे अर्थातच ती सुंदर दिसते. तिला मेकअपची आवश्यक सुद्धा भासत नाही. म्हणून मुलींनो आपली स्कीन गोरी करण्याऐवजी ती हेल्दी व निरोगी ठेवण्यावर भर द्या. टॉप मीडिया संस्थेचे अँकर अभिषेक त्रिपाठी म्हणतात, 'जर एखाद्या मुलीला माझ्या आयुष्यात विशेष स्थान द्यायचे असेल, तर माझ्यासाठी तिच्या बाह्य रूपापेक्षा हे महत्त्वाचे आहे की, आम्ही दोघे एकमेकांसोबत किती कम्फर्टेबल आहोत. मग ती मेकअप करो किंवा न करो, दागिने किंवा कपडे कोणते घालते याने मला फारसा फरक पडत नाही. तिच्या फक्त या गोष्टींमध्ये सहजता, सोज्वळता आणि साधेपणा हवा.
जास्त ज्वेलरी नको
प्रत्येक वेळी शरीरावर खूप सारे दागिने घालून फिरणाऱ्या मुली आजकालच्या तरूण मुलांना अजिबात आवडत नाहीत आणि हे सत्य आहे. हा जर एखादा सण समारंभ असेल आणि साडी परिधान केली असेल तर तेवढ्या एका दिसावापुरता त्या रूपात आपल्या पार्टनरला पाहणं मुलांना नक्कीच आवडतं, पण दरोरोज भरमसाठ ज्वेलरी घालून फिरणा-या मुली फार काही त्यांच्या पसंतील उतरत नाहीत. त्यामुळे तुम्ही सुद्धा ही चूक करू नका आणि आपल्या ड्रेसच्या हिशोबानेच ज्वेलरी परिधान करा आणि नैसर्गिकरित्या सुंदर दिसण्यावर अधिकाधिक भर द्या. कारण मुलींनी त्यांची आवड व कम्फर्ट जपणं मुलांना आवडतं. त्यामुळे कोणाला खुश करण्यासाठी मुलींना मनाविरूद्ध मेकअप व ज्वेलरी कॅरी करण्याची काहीही गरज नाही.
जास्त मेकअप नको
मुलींना मेकअप करायला खूप आवडतो. गी गोष्ट चांगलीच आहे. पण खूप मेकअप करायला आवडतो ही गोष्ट किंचित वाईट आहे. कारण मुलांना जास्त मेकअप थापून फिरणाऱ्या मुली आवडत नाहीत हे निदर्शनास आले आहे. मुलींचे खास करून प्रेयसी किंवा पत्नीचे सौंदर्य जितके नैसर्गिक असेल तेवढी ती मुलगी अधिकाधिक आकर्षक दिसते. मुलींनी डोळ्यात हलके काजळ लावलेले मुलांना खूप आवडते. म्हणून तुम्ही काजळ, मस्कारा आणि आयपपेन्सिलचा वापर अवश्य करा. खास गोष्ट ही आहे की तुम्ही दिवसा किंवा रात्री कोणत्याही वेळी यांचा वापर बिनधास्त करू शकता आणि एक मस्त लुक मिळवू शकता.
तुमचा ‘वी-टाइम’ लुक
तुमच्या व्ही-टाइममध्ये असा ड्रेस परिधान करा जो तुम्हाला नाजूक आणि प्रिन्सेस लुक देईल. जेणेकरून तुमच्या आत दडलेली ती सुंदरता मोकळेपणाने बाहेर पडू शकेल, जी मुली अनेकदा मॅच्युरिटीच्या नावाखाली लपवून ठेवतात. या प्रकारचा लुक सहसा रेयॉन, शॅटन आणि सिल्कच्या ड्रेसमध्येच येतो. विशेषत: वन-पीस किंवा गाऊन घातल्यावर. (फोटो साभार: Indiatimes)