तिथून तिने ज्या पद्धतीने आपल्या स्वप्नाचा ध्यास घेतला आणि ज्या पद्धतीने स्वत:ला बदलले ते खरंच अद्भुत आहे. आज आपल्याला दिसत असलेली दिशा आणि तेव्हाची दिशा यांच्यात जमीन अस्मानचा फरक आहे. चला जाणून घेऊया कसा होता तिचा हा प्रवास!
सिंपल ते सुपर हॉट
दिशाचे हे दोन फोटोज पहा यात तुम्हाला भयंकर फरक दिसेल. तर दिशा पूर्वी दिसायला अशी होती पण बॉलीवूड मध्ये पाऊल ठेवल्यापासून तिचा लुक मोठ्या प्रमाणावर बदलला. सिंपल पासून सुपर हॉट होण्यचा तिचा हा प्रवास नक्कीच सोप्पा नव्हता. पण दिशाने ते करून दाखवले. हे दोन फोटोज पाहून विश्वास बसतच नाही की या दोन्ही व्यक्ती एकच आहे. मंडळी यालाच म्हणतात कायापालट! एक असे बदलले रूप जे समोरच्याला विश्वासच बसू देणार नाही की नव्याने दिसत असलेली व्यक्ती तुम्ही आहात. पण यासाठी मेहनत सुद्धा खूप घ्यावी लागते आणि दिशाने ती घेतली.
(वाचा :- कोणीच लावू शकणार नाही तुमच्या ख-या वयाचा अंदाज, सदा चिरतरुण राहण्यासाठी वरदान आहे ‘हे’ खास मीठ!)
मेकअपचे ज्ञान
दिशाला आपला फेस कट आणि फिचर्स माहित आहेत आणि त्यानुसार आपल्या चेहऱ्यावर मेकअप कसा असावा याचे सुद्धा तिला अगदी चांगल्या प्रकारे ज्ञान आहे. पण तिला ड्रेस सेन्स बद्दल जास्त माहित नाही असे दिसते. कारण अनेकदा तिने असे काही ड्रेस कॅरी केले होते जे तिला अजिबात सूट करत नव्हते आणि त्यामुळे तिचे चाहते देखील नाराज झाले होते. पण मेकअपच्या बाबतीत तिचा हात कोणी पकडू शकत नाही. या फोटोत तिने डोळ्यांना निळं आयलाईनर लावलं आहे, जे तिच्या फ्लोरल ड्रेस ला अगदी सूट करतं आहे. लिपस्टिकच्या जागी लिप्सचा मूळ कलरच ठेवला आहे आणि हँगिंग चेन इयररिंग्ज परिधान केले आहेत जे अजून भारी वाटतायत.
सुंदर कर्ल्स आणि हेअर कलर
दिशा आपल्या लुक्स बाबत नेहमीच नवनवीन प्रयोग करत असते. यात हेअर कलर आणि स्टायलिंगशी निगडीत प्रयोग सुद्धा येतात. दिशा सहसा आपले केस मोकळेच सोडते. तिच्यावर मोकळ्या केसांची हेअरस्टाईल खूप सुंदर वाटते. या लुक मध्ये सुद्धा पहा दिशाचे ब्राऊन हेअर ओपन वेव्स स्टाईल मध्ये कसले कुल वाटतायत ना! बॉलीवूड मध्ये ज्या अभिनेत्रींचे केस अत्यंत सुंदर आहेत त्यापैकी एक दिशा आहे आणि ती आपल्या केसांची सुद्धा खूप काळजी घेते आणि सहसा केमिकल फ्री ब्रँडेड प्रोडक्ट्सच वापरते.
बेढब शरीर ते सुपरफिट
दिशा जेव्हा कॉलेज मध्ये होती तेव्हा तिचे वजन जास्त होते. ती एकदम जाडी नव्हती पण शरीर तिचे बेढब होते. पण आज तिच्याकडे पाहिल्यावर विश्वासच बसत नाही की कधीकाळी ही मुलगी एकदम लठ्ठ व साधारण दिसत असेल. आज तिने इतकी भारी फिटनेस मिळवली आहे की बॉलीवूड मध्ये सुपरफिट अभिनेत्रींमध्ये तिचा क्रमांक सर्वात वर लागतो. पण ही फिगर एका रात्रीत तिला मिळालेली नाही. यासाठी तिने दिवस रात्र कित्येक महिने मेहनत केली आहे. पूर्ण डाएट फॉलो केले आहे. कित्येक तास जिम मध्ये जाऊन घाम गाळला आहे आणि तेव्हा तिला अशी आकर्षक फिगर मिळाली आहे.
बोल्ड लिप
एकतर दिशा जसे नैसर्गिक ओठ तिला लाभले आहेत त्याच रुपात दिसते किंवा मग जेव्हा जेव्हा ती लिपस्टिक लावते तेव्हा कायम बोल्ड रंगांचीच निवड करते. बहुतेक वेळा तिच्या ओठांचा रंग एकदम बोल्ड असतो. विशेष गोष्ट अशी आहे की दिशाची ही धाडसी निवड तिच्या चेहऱ्याला चांगली सुट होते. दिशाला कॉलेजच्या दिवसांत पाहून क्वचितच कोणाला वाटले असेल की एक दिवस ही मुलगी बॉलिवूडच्या सर्वात हॉट आणि बोल्ड अभिनेत्रींपैकी एक असेल.
टीकाकारांकडे दुर्लक्ष
सुंदर राहायचे असेल तर सर्वात महत्त्वाचा उपाय आहे मानसिकरित्या स्वस्थ राहणे आणि शांत राहणे. दिशाने यात अगदी प्राविण्य मिळवले आहे असे म्हटले तरी वावगे ठरू नये. कारण दिशाचे जेवढे चाहते आहेत तेवढेच तिला ट्रोल कारणाने आणि तिच्यावर टीका करणारे टीकाकार सुद्धा आहे. जे तिच्या प्रत्येक फोटोवर वा फोटोशुट वर नेहमीच टीका करत असतात. पण दिशाने आता अशा लोकांकडे लक्ष न देण्याचे कसब अवगत केले आहे. तिला समजून चुकले आहे की या जगातील सर्वच लोक आपली स्तुती करणार नाहीत, त्यामुळे आपण केवळ अशांनाच महत्त्व द्यायचं ज्यांना आपण आवडतो. (फोटो साभार: Indiatimes/TOI/instagram)