केसांचे आरोग्य निरोगी राहावे, यासाठी तेल मसाजपासून ते नैसर्गिक सामग्रींच्या मदतीनं तयार करण्यात येणाऱ्या हेअर मास्कचा वापर करावा. केमिकलयुक्त प्रोडक्ट वापरण्याऐवजी घरामध्ये मोहरीपासून हेअर मास्क तयार करा आणि वापरा. मोहरीमध्ये नैसर्गिक स्वरुपातील कंडिशनरचे गुणधर्म आणि केसांच्या वाढीस उपयुक्त घटकांचा समावेश आहे. मोहरीतील पोषण तत्त्वांमुळे कोंड्याची समस्या दूर होते. कारण यामध्ये अँटी फंगल गुणधर्मही अधिक प्रमाणात आहेत.
टाळू निरोगी राहण्यासाठी
टाळूची त्वचा निरोगी असेल तर कोंडा तसंच केसांशी संबंधित समस्या उद्भवणार नाहीत. यासाठी आपल्या हेअर केअर रुटीनमध्ये मोहरीच्या पावडरचा समावेश करा. यापासून हेअर मास्क तयार करा. या हेअर मास्कमुळे तुमचे केस जाड, घनदाट आणि मजबूत होतील. जाणून घेऊया हेअर मास्क तयार करण्याची पद्धत.
(Hair Care Tips स्ट्रेसमुळे ३ प्रकारे होतो केसगळतीचा त्रास, जाणून घ्या लक्षणे)
चमकदार केसांसाठी हेअर मास्क
प्रदूषण, धूळ आणि खराब हवामानामुळे आपल्या केसांवर वाईट परिणाम होतात. वेळेतच तुम्ही केसांची योग्य पद्धतीने काळजी घेतली नाही तर केस खराब होतील. यानंतर कितीही काळजी घेतली तरी उपयोग होणार नाही. ही समस्या टाळण्यासाठी कोरड्या, निर्जीव केसांवर वेळीच उपाय करा. तुमच्या केसांवरील चमक कमी होत असेल तर मोहरीचे हेअर मास्क वापरण्यास सुरुवात करा. यातील पोषण तत्त्वांमुळे केस चमकदार होतील.
(चेहऱ्यावरील मुरुम आणि सुरकुत्या होतील कमी, जाणून घ्या शिकेकाईचे फायदे)
हेअर मास्कसाठी लागणारी सामग्री
मोहरीची पूड, एक अंडे, एक चमचा बदामाचे तेल
हेअर मास्क तयार करण्याची पद्धत : स्टेप १ - एका बाउलमध्ये अंडे चांगल्या पद्धतीने फेटून घ्या.
स्टेप २ - बदामाचे तेल आणि मोहरीची पूड एकत्र घ्या. सर्व सामग्री एकत्र मिक्स करून घ्या. केसांसाठी जाडसर पेस्ट तयार करून घ्या.
स्टेप ३- आता ही पेस्ट आपल्या केसांना आणि केसांच्या मुळांना देखील लावा.
स्टेप ४ - ३० ते ४० मिनिटांसाठी हेअर मास्क लावून ठेवा. यानंतर कोमट पाण्याने केस स्वच्छ धुऊन घ्या.
(White Hair आवळ्यापासून तयार करा घरगुती डाय, पांढऱ्या केसांची समस्या होईल दूर)
हर्बल शॅम्पूचा वापर करावा
अंड्याच्या वापरामुळे केसांना वास येण्याची शक्यता असते. केसांना दुर्गंध येऊ नये, यासाठी हर्बल शॅम्पूने केस स्वच्छ धुऊन घ्या. यानंतर केस नैसर्गिकरित्या सुकू द्यावे. ड्रायरचा वापर करणं टाळावे. ड्रायरच्या अति वापरामुळे केस कोरडे होण्याची शक्यता असते. केस कोरडे झाल्यास केसगळती, केस तुटणे, कोंडा इत्यादी समस्या उद्भवतात.
(केसगळती रोखण्यासाठी रामबाण उपाय, वापरा हे घरगुती आयुर्वेदिक तेल)
लांब केसांसाठी हेअर पॅक
केसगळतीच्या समस्येचा तुम्ही सामना करत असाल यावर वेळीच उपाय करा. पोषण तत्त्वांची कमतरता आणि टाळूवर जमा झालेल्या दुर्गंधीमुळे केसगळती होऊ लागते. केसांची चांगली वाढ होण्यासाठी तेल मसाज करा. केस निरोगी राहण्यासाठी आपल्या आहारामध्ये पौष्टिक पदार्थांचा समावेश करावा. केसांच्या वाढीसाठी खालील मास्क वापरावे.
आवश्यक सामग्री : मोहरी पूड, अर्ध केळ, दोन चमचे ऑलिव्ह ऑइल, एक व्हिटॅमिन ई कॅप्सूल
(चेहरा व केसांच्या सौंदर्यासाठी संजीवनी ठरेल हे घरगुती आयुर्वेदिक तेल)
मास्क तयार करण्याची पद्धत
स्टेप १- एका बाउलमध्ये अर्धे केळ घ्या आणि मॅश करा.
स्टेप २- ऑलिव्ह ऑइल आणि व्हिटॅमिन ई तेलाची कॅप्सूल मिक्स करा.
स्टेप ३- पेस्ट जास्त पातळ तसंच जास्त जाड ही तयार करू नका.
स्टेप ४- एक ते दोन मोठे चमचे मोहरीचे पावडर यामध्ये मिक्स करा.
स्टेप ५ - हे मास्क आपल्या केसांवर ३० मिनिटांसाठी लावून ठेवा.
स्टेप ६- मास्क सुकल्यानंतर केस कोमट पाण्याने धुऊन घ्या.
जर तुमच्याकडे ऑलिव्ह ऑइल नसेल तर बदाम, आवळा किंवा नारळाच्या तेलाचा वापर करू शकता.
(Hair Care थंड की गरम? केस धुण्यासाठी कोणते पाणी ठरेल लाभदायक)