त्याच प्रमाणे आपण आजारी पडल्यावर त्याचा पहिला परिणाम आपल्या ओठावर होतो. उन्हाळ्यात उष्णतेमुळे कोरडे पडलेल्या ओठ्यांना बरं करण्यासाठी लोक लिपबाम लावतात, पण यामुळे ओठांची झालेले नुकसान भरुन निघणार नाही. चला तर मग जाणून घेऊयात या काळात आपण ओठांची कशी काळजी घ्यायला हवी.
(फोटो सौजन्य : टाईम्स ऑफ इंडिया )
ओठ द्या मध आणि साखरेचे पोषण
उन्हाळ्यात गरम हवा आणि उष्णतेमुळे ओठ कोरडे होऊ शकतात. अशा परिस्थितीत, आठवड्यातून किमान एकदा त्यांना मालिश करणे गरजेचे असते. यासाठी तुम्ही मध आणि साखर एकत्र करून ओठांवर लावू शकता. त्यानंतर हलक्या हातांनी त्याना मालिश करु शकता. काही वेळानी ओठ स्वच्छ धुवून टाका.
(वाचा:-साडीवर स्नीकर्स घालताय? मग 'या' टिप्स नक्की फॉलो करा)
ओठ नेहमी हायड्रेटेड ठेवा
ओठांना नेहमी हायड्रेट ठेवण्यासाठी विशेष काळजी घ्या. यासाठी तुम्ही अधिकाधिक पाणी पिणे योग्य राहिल. यासोबतच तुम्ही उन्हाळ्यात नारळ पाणी, लिंबाचा रस इत्यादींचे सेवन करू शकता. त्यामुळे तुमच्या ओठांना पोषण मिळेल.
ओठांना मसाज
आपल्या शरीराप्रमाणेच आपल्या ओठांचा मसाजची गरज असते. त्यामुळे ओठ फाटत नाहीत. ओठांचा मसाज करण्यासाठी तुम्ही क्रीम किंवा दही वापरु शकता. मसाज केल्याने ओठांचे रक्ताभिसरण चांगले होते आणि ओठ गुलाबी बनतात.
ओठांसाठी सन प्रोटेक्टर
उन्हाळ्यात (summer) ओठ काळे पडू नये यासाठी तुम्ही ओठांना सन प्रोटेक्टर (Sun Protector) वापरु शकता. त्याच प्रमाणे तुमच्या लिप बाममध्ये एसपीएफ असेल याची काळजी घ्या. या गोष्टीमुळे तुमचे ओठ काळे पडणार नाहीत.
ब्रशच्या मदतीने मृत त्वचेला करा बाय बाय
रोज सकाळी ब्रश करताना ओला ब्रश ओठांवरुन फिरवल्यास ओठावरील मृत त्वचा निघून जाण्यास मदत होईल. त्याच प्रमाणे तुम्ही ओठांनी लोणी आणि मीठ एकत्र करुन मसाज केल्यास देखील मृत त्वचा निघून जाण्यास मदत होईल.
(वाचा :- चेहऱ्याचे तेज हरवलंय का ? मग उन्हाळ्यात त्वचेची काळजी घेण्यासाठी या भन्नाट टिप्स नक्की फॉलो करा)