आपला कोणताही हट्ट आनंदान पुरवणारी आजी... सारं दुखणं बाजूला ठेवून नातवंडांच्या सान्निध्यात स्वत: लहान मूल होऊन जाणारे आजोबा... तुमच्या-आमच्या सगळ्यांकडे आजी-आजोबांच्या अशा असंख्य आठवणींचा ठेवा आहे. पण हे जिव्हाळ्याचं नातं सध्या चर्चेत आलंय. आजी-आजोबा हे आपल्या मुलांचे 'बेबीसीटर' आहेत या कल्पनेतून पालकांनी बाहेर येण्याची गरज आहे. मुलं सांभाळणं ही त्यांची जबाबदारी नाही, असं नुकतंच कौटुंबिक न्यायालयानं स्पष्ट केलं आहे. आजच्या या टेकसॅव्ही युगात आपण आपल्या आजी-आजोबांना त्यांचा सन्मान देतोय का? नातवंड म्हणून आपली जबाबदारी आपण पूर्ण करतोय का? तुम्हा तरुणांच्या मते, तुमच्या आयुष्यात आजी-आजोबांचं महत्त्व किती आहे? रोजच्या धावपळीत आजी आजोबांसोबत असलेलं नातं आपण विसरत चाललो आहोत का? आपल्या सगळयांसाठीच जिव्हाळ्याच्या असलेल्या या विषयावर नक्की व्यक्त व्हा या आठवड्याच्या 'युवकट्टा'वर
आजी-आजोबांचं नातं हरवतंय?
आपला कोणताही हट्ट आनंदान पुरवणारी आजी सारं दुखणं बाजूला ठेवून नातवंडांच्या सान्निध्यात स्वत: लहान मूल होऊन जाणारे आजोबा...
Maharashtra Times 28 May 2018, 4:00 am