जावेद हबीब (jawed habib) हे कोण हे आता तुम्हाला वेगळ्याने सांगायची गरज नाहीच कारण त्यांच्या एका टीप साठी लोक लाखो रुपये मोजतात. पण आज तुम्हाला हा स्पेशल उपाय फुकट मिळणार आहे. जाणून घेऊया कोणता आहे तो जबरदस्त उपाय!
मेयोनीज स्पा
हा उपाय आहे मेयोनीज स्पाचा आणि घरच्या घरी हा स्पा कसा घ्यायचा तेच आपण जाणून घेणार आहोत. यासाठी तुम्हाला काही खास साहित्याची गरज नसते. घरच्या घरी अगदी 0 रूपयांत आणि स्वयंपाकघरात सहज आढळणा-या वस्तूंमध्ये तुमचे हे काम होऊ शकते. जसे की
- स्वच्छ पाणी
- स्प्रे बॉटल
- क्लचर
- कंगवा
- मेयोनी
- ब्रश हेअर कलर करण्यासाठी
- मोठा टॉवेल
- आणि हेअर स्टीमसाठी गरम पाणी होय.
हे साहित्य जमा केले कि तुम्ही घरच्या घरी स्वत:हून मेयोनीज स्पा घेऊन आपले केस अधिक जास्त सुंदर आणि हेल्दी बनवू शकता. जाणून घ्या हा स्पा स्वत:चा स्वत: तुम्ही कसा घेऊ शकता.
असा करावा हेअर स्पा
- हेअर स्पा करण्यासाठी सर्वात आधी आपल्या केसांच्या लांबीच्या हिशोबाने एका भांड्यात मेयोनीज काढून घ्या. आता आपल्या केसांना कंगव्याने व्यवस्थित विंचरून गुंता सोडवून घ्या. जेणेकरून ते नीट होतील आणि तुम्हाला त्यावर मेयोनीज लावताना कोणत्याही प्रकारचा त्रास होणार नाही.
- आता आपल्या केसांचे लहान लहान भाग करून त्यावर ब्रशच्या मदतीने मेयोनीज लावायला सुरुवात करा.
- अगदी हलक्या हाताने घाई न करता तुम्हाला तुमच्या सर्व केसांवर मेयोनीज लावायचे आहे. म्हणजे ते नीट प्रकारे स्प्रेड होईल.
चांगल्या रिझल्टसाठी
- मेयोनीज केसांना लावून झाल्यावर चांगल्या पद्धतीने चोळून घ्या. म्हणजेच तुम्हाला जी मेयोनी तुम्ही केसांना लावली आहे ती हाताने चोळून त्याने केसांची मालिश करायची आहे.
- जर तुमचे केस अधिक रूक्ष असतील तर तुम्हाला तुमच्या केसांचे सेक्शन तेवढाच छोटा ठेवा.
- प्रत्येक सेक्शन मध्ये मेयोनीजने चांगल्या प्रकारे मसाज करा. जेणेकरून मेयोनीज तुमच्या संपूर्ण केसांवर पसरेल आणि संपूर्ण केसांना त्याचा फायदा होईल आणि तुम्हाला खूप चांगले रिझल्ट मिळतील.
स्टीम आणि शॅम्पू
पूर्ण केसांवर सगळीकडे मेयोनीज लावून झाल्यावर जेव्हा तुम्ही मसाज करा तेव्हा केसांना क्लचरने होल्ड करून ठेवा. आता तुम्ही केसांना वाफ द्या. हेअर स्टीमसाठी तुम्ही गरम पाण्यात टॉवेल भिजवून ते चांगल्या प्रकारे पिळून सुद्धा घ्या. आता हे टॉवेल लगेच आपल्या केसांभोवती लपेटून घ्या आणि मग 5 मिनिटांसाठी असेच सोडून द्या. हेअर स्टीममध्ये जाड टॉवेलचा वापर केला जातो एवढे फक्त लक्षात ठेवा. यामुळे टॉवेल जास्त वेळ गरम राहते. स्टीम झाल्यावर शॅम्पू करा आणि मग केसांना नैसर्गिक पद्धतीने स्वत:च कोरडे होऊ द्या. हेअर ड्रायरचा उपयोग करू नका.
जावेद हबीब यांचा मोलाचा सल्ला
एक मोलाचा सल्ला जावेद हबीब नेहमी सगळ्यांना सांगतात तो म्हणजे महागडे तेल तुमच्या चांगल्या केसांची अजिबात गॅरंटी देत नाही. म्हणून महागड्या तेलाचा वापर करणे सोडा. त्यांच्या फंदात पडू नका. हा एक धंदा आहे आणि तुम्ही ग्राहक, त्यामुळे योग्य विचार करूनच पैसे खर्च करा. जावेद म्हणतात कि तेल कधीच केस वाढवण्यात मदत करत नाही ते केवळ एक मॉइश्चराइजर म्हणून काम करते. त्यामुळे तेलाचा वापर डॅमेज कंट्रोल आणि केसांना मॉइश्चराइज करण्यासाठीच करा. जावेद हबीब सारखा माणूस जर हे सांगत नसेल तर नक्कीच त्यामागे काहीतरी कारण असेल आणि त्यांचा स्वत:चा सुद्धा अभ्यास असेल. (फोटो साभार: Indiatimes/iStock)
NOTE :- प्रत्येकांच्या समस्या व केसांची पोत वेगवेगळ्या प्रकारची असते त्यामुळे हा उपाय प्रत्येकासाठीच किती रामबाण ठरेल हे ठामपणे सांगता येऊ शकत नाही. त्यामुळे आपल्या केसांची गरज ओळखून व एखाद्या ब्युटिशिअनचा सल्ला घेऊनच केसांवर उपाय करावेत.