तर ही दुर्गंधी स्कॅल्प मध्ये विषाणू आणि जंतू वाढल्याने होते आणि ही एक नैसर्गिक गोष्ट आहे जी कोणासोबतही होऊ शकते. पण त्यावर उपाय काय करायचा आणि त्यावर मात कशी करायची ही फार कमी लोकांना ठावूक असते. आज आम्ही तुम्हाला अशाच काही खास उपायांबद्दल सांगणार आहोत. जे तुम्हाला केसांची दुर्गंधी घालवण्यास मदत करतील.
टी ट्री ऑईल
जर तुम्ही एखाद्या अशा तेलाच्या शोधात असाल जे केसांना मजबूत बनवण्यासोबतच कोंड्याची समस्या सुद्धा दूर करेल तर टी ट्री ऑईल तुमच्यासाठी एक चांगला उपाय आहे. यामुळे स्कॅल्प अर्थात टाळूमधून येणारी दुर्गंधी दूर होते. हे तेल अप्लाय करण्यासाठी 6 थेंब टी ट्री ऑईल आणि 2 मोठे चमचे बदाम तेल घ्या. दोन्ही चांगले मिक्स करा. आता हे मिश्रण आपल्या टाळू आणि केसांवर लावा. हलक्या हाताने मसाज करून 30 मिनिटांसाठी लावून सोडून द्या आणि मग शॅम्पूने केस धुवा.
लिंबाचा रस
जर तुमच्या केसांना डॅंड्रफमुळे दुर्गंधी येत असेल तर लिंबाचा रस सुद्धा एक उत्तम उपाय आहे. हे त्या जंतूंना मारण्यासाठी मदत करते जे स्कॅल्पवर एक तीव्र दुर्गंधी आणण्यास जबाबदार असतात. हा उपाय करण्यासाठी एका भांड्यात 2 छोटे चमचे लिंबाचा रस आणि 2 कप गरम पाणी घ्या. दोन्ही उत्तम प्रकारे मिक्स करा. आता आपल्या केसांना एका माईल्ड क्लींजरने धुवा. यानंतर केसांवर लिंबाचा रस लावा आणि केस पाण्याने स्वच्छ धुवून घ्या. जाणकारांच्या मते सुद्धा हा एक उत्तम उपाय असून यामुळे लवकर फरक दिसतो.
अॅप्पल सायडर व्हिनेगर
जर तुमच्या टाळूवर बॅक्टेरियाने घर केलं असेल किंवा केसांमध्ये उवा मोठ्या प्रमाणावर झाल्या असतील तर त्यासाठी अॅप्पल सायडर व्हिनेगर एक उत्तम पर्याय आहे. यामुळे डॅंड्रफ आणि स्कॅल्पची दुर्गंधी दूर होण्यास मदत होईल. हा उपाय करण्यासाठी अर्धा कप अॅप्पल सायडर व्हिनेगर आणि 2 कप पाणी घ्या. दोन्ही उत्तम प्रकारे मिक्स करा. आता आपल्या केसांना एका माईल्ड क्लींजरने धुवा. यानंतर केसांवर हे मिश्रण लावा आणि साध्या पाण्याने केस धुवून घ्या. जाणकारांच्या मते सुद्धा हा एक उत्तम उपाय असून यामुळे लवकर फरक दिसतो.
(वाचा :- ओठ राहतील गुलाबाच्या पाकळ्यांप्रमाणे मखमली व गुलाबी, फॉलो करा या ५ टिप्स)
टोमॅटोचा रस
जर तुमच्या टाळूमध्ये बॅक्टेरिया किंवा उवा वाढू लागल्या असतील तर त्यांना मारण्यासाठी वा नष्ट करण्यासाठी टोमॅटोचा रस हा सुद्धा एक उत्तम उपाय आहे. अँटीबॅक्टेरियल गुणांनी भरपूर असणाऱ्या टोमॅटो मध्ये जंतू आणि उवा मारण्याची मोठी क्षमता असते. हा उपाय करण्यासाठी एक मध्यम आकाराचा टोमॅटो घ्या. टोमॅटो मॅश करून किंवा त्यातील पल्प बाहेर काढून केसांवर लावा. 30 मिनीटांसाठी हे मिश्रण केसांवर लावून ठेवा आणि मग साध्या पाण्याने केस धुवून घ्या. जर हा उपाय केला तर लवकरात लवकर तुम्हाला फरक दिसून येईल.
(वाचा :- Beat The Heat : उन्हाळ्यात 'या' ५ ड्रिंक्सने मिळवा ग्लोइंग त्वचा, रेसिपी देखील अतिशय सोपी)
कांद्याचा रस
कांद्याचा रस केसांना मजबूत करण्यासोबतच केसांची वाढ सुद्धा करण्यास मदत करतो. यात सल्फरची जास्त मात्रा असल्याने केसांमधून येणारी दुर्गंधी कमी होण्यास मदत होते. हा उपाय करण्यासाठी 3 छोटे चमचे कांद्याचा रस आणि 2 छोटे चमचे लिंबाचा रस घ्या. दोन्ही रस मिक्स करा आणि मग आपल्या टाळूवर लावून घ्या. 30 मिनीटांपर्यंत लावून ठेवा आणि मग केस स्वच्छ धुवून घ्या.
टीप : हा लेख फक्त सामान्य माहितीसाठी आहे. हे कोणत्याही प्रकारे कोणत्याही औषधाचा किंवा उपचारांचा पर्याय असू शकत नाही. अधिक तपशीलांसाठी नेहमी आपल्या डॉक्टरांशी संपर्क साधावा.