यादरम्यान रेखा यांना बराच मानसिक त्रास सहन करावा लागला होता. आज बॉडी शेमिंगबाबत बोलताना लोकं दहा वेळा विचार करतात. मात्र पूर्वी असं काहीच नव्हतं. त्याकाळी अभिनेत्री म्हणजे उजळलेला चेहरा आणि सडपातळ बांधा. अशा परिस्थितीमध्ये रेखा यांनी हार न मानता स्वतःवर अधिक मेहनत घेतली. आणि आजही त्यांचं सौंदर्य, त्यांचा उत्साह तरुण अभिनेत्रींना लाजवेल असाच आहे. How Rekha Transformed Herself
रेखा यांच्यामध्ये बदल कसा घडून आला?
- करिअरच्या सुरुवातील सौंदर्यावरून रेखा यांना बरंच ऐकून घ्यावं लागलं खरं पण त्यानंतर त्यांच्यामध्ये बदल कसे घडून आले? त्यांचा कायापालट कसा झाला हा प्रश्न निर्माण होतोच. कारण ट्रान्सफॉर्मेशन म्हणजे काही जादू नव्हे. त्यासाठी विशेष मेहनत देखील घ्यावी लागते. रेखा यांचं सौंदर्य कसं खुलत गेलं आणि तुमच्यासाठी काही खास टिप्स आम्ही तुम्हाला सांगणार आहोत.
- वजन नियंत्रणात आणण्यासाठी रेखा यांनी सुरुवातीला आपल्या डाएटकडे लक्ष दिलं. घरगुती, सात्विक आहाराचा आधार त्यांनी घेतला. फक्त वजन नियंत्रित करण्यासाठीच नव्हे तर आयुष्यभर स्लिम फिगर राहावी म्हणून त्यांनी हाच आहार सुरु ठेवला. आजही त्या कमी तेल आणि कमी मसाल्यांमधील खाद्यपदार्थांचेच सेवन करतात.
(एका रात्रीतच मेकअपविनाही दिसेल चमकदार चेहरा, फक्त झोपण्यापूर्वी ट्राय करा ‘हे’ ४ सोपे उपाय)
सात्विक आहार म्हणजे काय?
सात्विक आहार त्याला म्हणतात ज्यामध्ये सामान्यतः योगी तसेच तपस्या करणाऱ्या व्यक्ती या आहाराचे सेवन करतात. या आहारामध्ये मांसाहारी पदार्थांचा समावेश नसतो. तसेच हा आहार तयार करत असताना तेल तसेच मसाल्यांचा वापर देखी एकदम कमी प्रमाणात करण्यात येतो. या आहाराचे सेवन केल्यास शरीर निरोगी राहण्यास मदत मिळू शकते. तुम्ही विचार करत असाल की असा आहार कोण तयार करतं? पण आयुर्वेदिक पद्धतीने आयुष्य जगणारे लोकं हा आहाराचे सेवन करतात. हे जेवण अधिक पौष्टिक असतं. यामुळे शरीरामध्ये उर्जा देखील निर्माण होते.
रेखा ‘या’ गोष्टीपासून राहिल्या दूर
- रेखा यांनी आहार आणि मनावर नियंत्रण तर मिळवलंच. पण त्याचबरोबरीने त्यांनी आयुष्य जगत असताना देखील स्वतःसाठी काही नियम तयार केले. आणि हे नियम त्यांनी फॉलो देखील केले. रात्री उशीरापर्यंत पार्टी, रात्री लवकर झोपण्याकडे त्यांनी अधिक भर दिला. तसेच आजही संध्याकाळी ७.३० पूर्वी त्या रात्रीचं जेवण करतात. यामुळे पचनक्रिया देखील सुधारते.
- सकाळी सुर्योदयापूर्वी रेखा उठतात. झाडांबरोबर काही वेळ घालवतात. तसेच देव पूजा देखील करतात. यामुळे मन शांत होतं. त्याचबरोबरीने आत्मविश्वास देखील वाढतो. सुर्योदयापूर्वी उठल्याने त्वचेवरील नैसर्गिक चमक देखील वाढते.
घरगुती उपाय
- रेखा यांनी सुंदर चेहऱ्यासाठी बेसन आणि चण्याच्या डाळीचा वापर केला. प्रत्येक दिवशी बेसन आणि चण्याच्या डाळीचा उपयोग त्या वेगवेगळ्या स्वरुपात करतात. त्वचेसाठी त्या बेसन पिठापासून तयार करण्यात आलेला फेस पॅक वापरतात. तसेच डोक्याला चण्याच्या डाळीची पेस्ट तयार करून लावतात.
- चण्याच्या डाळीचा स्क्रब, घरगुती फेस पॅक या उपायांच्या सहाय्याने रेखा यांचं सौंदर्य तसेच केसांवरील चमक अधिकच वाढत गेली. घरगुती उपायांचा वापर केल्यामुळे वयाची साठी ओलांडल्यानंतरही आजही त्यांच सौंदर्य अगदी खुलून दिसतं.
योग महत्त्वाचा
फिट राहायचं असेल, चेहऱ्यावरील चमक कायम टिकवून ठेवायची असेल तर अनेक नावाजलेल्या बॉलिवूड अभिनेत्री योग करण्याचा सल्ला देतात. रेखा देखील नियमित योग करतात. चेहऱ्यावरील नैसर्गिक चमक कायम टिकून राहावी म्हणून एकही दिवस त्या योग चुकवत नाहीत. योगमुळे चेहऱ्यावरील नैसर्गिक चमक वाढते हे ऐकून तुम्हाला आश्चर्य वाटेल पण यामध्ये तथ्य आहे. योग फ्क्त फिटनेससाठी नव्हे तर चेहऱ्यासाठी देखील उपयुक्त आहे. रेखा याचं जिंवत उदाहरण आहेत.
मेडिटेशनला प्राधान्य
- रेखा योगबरोबरच प्रत्येक दिवशी कमीतकमी ३० मिनिटे मेडिटेशन करतात. योग आणि मेडिटेशन नियमित केलं तर तुम्हाला तुमच्यामध्ये सकारात्मक बदल देखील जाणवतील.
- रेखा यांनी स्वतःसाठी काही नियम तयार करत त्याचे काटेकोरपणे पालन केलं. आजही त्या शिस्तबद्ध पद्धतीने आपलं जीवन जगतात. म्हणूनच वयाच्या साठीनंतर देखील त्या तरुण दिसतात. योग आणि मेडिटेशनमुळे तुमचं लक्ष विचलित होत नाही. तणाव कमी होतो. तुम्ही तणावमुक्त राहिलात तर शरीराबरोबरच चेहऱ्यावर देखील याचा परिणाम जाणवतो.
(Beauty Tips : बॉलीवूडच्या बेबी डॉलवर लाखो हृदयं फिदा, प्रत्येक लुकमध्ये करते तरुणांना घायाळ!)