या १० कारणांनी डोळ्यांखाली येतात डार्क सर्कल्स, हे सोपे घरगुती उपाय करतील समस्येचा नाश

अनेकांच्या डोळ्यांखाली डार्क सर्कल येण्यामागे अनुवांशिकता हे कारण असतं. त्यामुळे अशा परिस्थितीत हे डाग पूर्णपणे घालवणं अवघड होतं. अनुवांशिकता हे कारण असल्यास ही काळी वर्तुळं थोडी पुसट करता येतात पण पूर्णपणे घालवता येत नाही.

लॅपटॉप टीव्ही, मोबाइल जास्त बघणं ही सवय डार्क सर्कलसाठी कारणीभूत ठरते. स्क्रीनवर सतत लक्ष केंद्रित केल्यानं डोळ्यांवर ताण येतो. त्याचा परिणाम म्हणूनही डोळ्यांखाली काळी वर्तुळं येतात. त्यामुळे जर तुम्ही सतत स्क्रीनसमोर असाल तर त्याचा वेळ कमी करा.

झोप पूर्ण न होणं, थकवा यामुळे डार्क सर्कल येतात. साधारणत: 7-8 तासांची झोप आवश्यक असते. पण काम, डिजीटल साधनं हाताळण्यात जाणारा वेळ यामुळे झोपेकडे दुर्लक्ष होतं. तुमची झोप पूर्ण करा यामुळे तुम्ही अनेक आजारांपासून देखील दुर राहाल.

अनेक कॉस्मेटिक्स असे असतात ज्यामुळे त्वचेला ॲलर्जी होते आणि नंतर त्यामुळे डार्क सर्कल्स पडतात. तसेच डोळ्यांना केलेला मेकअप चुकीच्या पध्दतीनं पुसणं हे डार्क सर्कल होण्यास कारणीभूत ठरतं.

सनस्क्रीनमुळे लोशनचा त्वचेच सूर्याच्या अती नील किरणांपासून संरक्षण होतं. हेच सनस्कीन डोळ्यांखालील नाजूक त्वचेचं संरक्षण करण्यासाठीही महत्वाचं असतं. पण सनस्क्रीन वापरण्यास टाळाटाळ केल्यास डोळ्याखालील त्वचेचं संरक्षण होत नाही आणि काळी वर्तुळं पडतात.

गरम पाण्यानं चेहेरा धुण्याची सवय त्वचेसाठी घातक असते. गरम पाण्यानं चेहेरा धुताना तेवढ्यापुरती छान वाटतं. पण त्यामुळे त्वचा खराब होते. त्वचेचा पोत बिघडतो. त्यामुळे चेहरा थंडपाण्याने धुवा.

आहारात मिठाचं प्रमाण जास्त असल्यास शरीरातील पेशी पाणी धरुन ठेवतात. यामुळे डोळ्याखालील त्वचा अधिकच पातळ होते आणि काळी पडते.

धूम्रपानाची सवय असल्यास कोलॅजन निर्मितीस अडथळा येतो, त्यामुळे त्वचा काळी पडते, खराब होते. त्वचेची लवचिकता कमी होते. त्वचेखालील रक्तप्रवाह बिघडतो आणि डोळ्यांखाली काळी वर्तुळं पडतात. त्यामुळे धूम्रपानाची समस्या कमी करा. (वाचा :- चेहऱ्यावरील केसांमुळे त्रस्त आहात ? मग हे काम करा वेदनाशिवाय मिळेल आराम, करीना कपूर देखील वापरते हा जालिम उपाय)

आजारपणामुळेही डोळ्यांखाली काळी वर्तुळं पडतात. आजारपणात नीट जेवण जात नाही. त्यामुळे शरीरास पोषक घटकांची कमतरता निर्माण होते. त्याचा परिणाम शरीर अशक्त होतं. चेहेरा काळवंडतो आणि डोळ्यांखाली काळी वर्तुळं निर्माण होतात. (वाचा :- Hair Growth Tips: नखांना नखं घासल्याने खरंच केस वाढतात का ? जाणून घ्या खरं उत्तर , या लोकांनी हा उपाय टाळाच)

• एलोवेरा लावल्याने पिगमेंटेशन कमी होऊन कोलेजन वाढण्यास मदत होते. तसेच यामुळे ‘विटामिन ई’ची कमतरता भरून निघते, त्यामुळे डार्क सर्कल्सपासून सुटका मिळवण्यासाठी एलोवेरा फायदेशीर मानले जाते.
• थंड दूधही पिगमेंटेशन कमी करून कोलेजन वाढण्यासाठी कायदेशीर मानले जाते. यासाठी कापसाचा बोळा थंड दुधात बुडवून तो चेहऱ्यावर लावावा.

(वाचा :- मुरुमांसाठी गर्भनिरोधक गोळ्या खाणं सुरक्षित आहे का? जाणून घ्या डॉक्टरांचे मत)