फर्मेंटेड राईस
कोरिया मध्ये फर्मेंटेड राईस स्कीन केअरचा प्रमुख भाग मानले जाते. यामुळे डॅमेज स्किन ठीक होते. स्कीन रिपेअर होते. स्कीन हेल्दी होते. शिवाय यामुळे स्कीन मधील कोलेजन उत्पादनाला सुद्धा चालना मिळते. यामुळे स्कीन वरच्या सुरकुत्या आणि अन्य समस्या सुद्धा दूर होतात. यासाठी तांदळाचे पाणी उकळून घ्या आणि मग ते गाळून घ्या. नंतर स्प्रे बॉटल मध्ये भरून हे पाणी 2-3 दिवसांसाठी फर्मेंट होण्यासाठी सोडून द्या. नंतर याचा वापर तुम्ही सकाळ संध्याकाळ फेस मिस्ट सारखा करू शकता. (फोटो साभार: indiatimes)
ग्रीन टीचा वापर
त्वचेचा ग्लो अजून जास्त वाढविण्यासाठी कोरियन स्त्रिया वापरत असलेल्या ग्रीन टी फेस पॅकचा सुद्धा वापर करतात. अँटीएजिंग, एक्ने आणि इतर स्किन प्रॉब्लेम्ससाठी ग्रीन टी सर्वोत्तम इंग्रेडिएंट मानली जाते. त्यात असलेले औषधी गुणधर्म अनेक प्रकारे त्वचेला फायदा पोहचवतात. तुम्ही वापरलेल्या ग्रीन टी बॅगला कापून त्याच्या आतील पानांचा वापर करू शकता. किंवा ग्रीन टी पावडर घेऊन सुद्धा फेस पॅक बनवू शकता. यासाठी 1 एक गरम पाणी घ्या आणि त्यात ग्रीन टी चांगली उकळवून घ्या. आता हे पाणी थंड होऊन द्या. फेसवॉश केल्यानंतर या पाण्याने चेहरा धुवून घ्या. ब्रेकआउट आणि सुरकुत्यांसाठी दिवसातून 2 वेळा या पाण्याचा वापर करा. ग्रीन टी पावडर ही बेसन, गहू किंवा तांदळाच्या पिठात मिक्स करून गुलाबजल सोबत त्याचा मस्त फेस पॅक बनवावा आणि चेहऱ्यावर नियमित लावावा. यामुळे चेहऱ्याची डलनेसही दूर होईल. या फेसपॅकचा चेहऱ्यावर पहिल्याच वेळी त्वरित प्रभाव दिसेल.
टॉवेलचा वापर
कोरियन स्त्रिया डेड स्कीनला त्वचेवरून हटवण्यासाठी टॉवेलचा वापर करतात. हा सोप्पा स्कीन केअर उपाय त्वचा साफ करण्यासाठी अत्यंत उपयुक्त मानला जातो. यासाठी एका सोफ्ट टॉवेलचा वापर करा. आधी गरम पाण्यात टॉवेल बुडवून घ्या. मग चांगल्या पद्धतीने पिळून घ्या. आता या टॉवेलने त्वचा एक्सफोलिएट करा. चेहऱ्याच्या डीप क्लिनिंगसाठी हा उपाय खूपच उपयुक्त मानला जातो. (फोटो साभार: pexels)
होममेड फेस मास्क
- राइस आणि गुलाबजल
कोरिया मधील स्कीन केअर बाबत बोलायचे झाले तर कोरियन स्त्रिया सफेद तांदळाचा वापर करतात. कोरियन सौंदर्य शास्त्रामध्ये सफेद तांदळाला खूप महत्त्व आहे आणि अनेक ब्युटी केअर टिप्सचा सफेद तांदूळ एक महत्त्वपूर्ण भाग आहे. तांदूळ शिजवून गुलाबजल सोबत वाटून घेतल्यावर तयार केलेली ही राईस क्रीम त्वचा उजळवण्यासाठी खूप जास्त प्रभावी आहे. तुम्ही हवं तर गुलाबजलच्या जागी साध्या पाण्याचा देखील वापर करू शकता. पण गुलाबजल मुळे या क्रीमची गुणवत्ता अधिक वाढेल कारण गुलाबजल सुद्धा त्वचेसाठी लाभदायक असते. यामुळे तुमच्या त्वचेवर कोरियन स्त्रियांसारखा ग्लो आणि चमक येईल. जगभरात हा उपाय स्त्रियांमध्ये याच कारणामुळे खूप प्रसिद्ध आहे.
- राइस आणि एलोवेरा जेल
तांदूळ केवळ मृत त्वचाच काढून टाकत नाहीत तर त्वचेचा रंगही सुधारतात. यासाठी तुम्ही तांदळाचे पीठ आणि कोरफडीचा गर किंवा जेल वापरू शकता. तांदळाचे पीठ आणि एलोवेरा जेल दोन्ही घटकांचे मिश्रण घ्या आणि चेहऱ्यावर लावा. 20 मिनिटांनी सामान्य पाण्याने चेहरा धुवा. कोरियन मुली हे दोन्ही पदार्थ भरपूर वापरतात. तुम्हाला हवे असल्यास, तुम्ही या फेस मास्कमध्ये इतर घटक देखील समाविष्ट करू शकता. (फोटो क्रेडिट: pexels)
दही सुद्धा आहे परिणामकारक
दह्याला कोरियन सौंदर्यशास्त्रामध्ये खूप जास्त महत्त्व आहे. एक चमचा दही, ओटमिल आणि मध मिक्स करा आणि या सर्व गोष्टी मिक्स करून त्याची चांगली पेस्ट तयार करा. आता ही पेस्ट तुम्ही आपल्या चेहऱ्यावर लावा. किमान 15 मिनिटे तरी ही पेस्ट चेहऱ्यावर अशीच असू द्या आणि मग आपला चेहरा स्वच्छ पाण्याने धुवू घ्या. हा उपाय नियमित केल्यास त्याचा फायदा तुम्हाला नक्की दिसून येईल. तर मैत्रीणींनो हे आहेत साधेसोपे उपाय जे तुम्हाला कोरियन स्त्रियांसारखे सौंदर्य मिळवून देऊ शकतात.