त्वचेचं नुकसान टाळण्यासाठी ब्युटी केअर रुटीनमध्ये नैसर्गिक तसंच आयुर्वेदिक उपचारांचा समावेश करावा. त्वचेवर नैसर्गिक चमक यावी, यासाठी आपण मेथीच्या फेस पॅकचा उपयोग करू शकता. या फेस पॅकमधील औषधी गुणधर्मामुळे त्वचा सुंदर, डागविरहित आणि चमकदार होण्यास मदत मिळू शकते. कसे तयार करायचे हे फेस पॅक जाणून घेऊया सविस्तर माहिती...
(Natural Skin Care पोह्यांपासून तयार घरगुती नॅचरल स्क्रब, त्वचेसाठी स्वस्त व प्रभावी उपाय)
त्वचा होईल निरोगी व सुंदर
चेहऱ्यावरील मुरुमांची समस्या दूर करण्यासाठी मेथी फेस पॅकचा उपयोग करणं हा रामबाण उपाय आहे. मेथीमुळे त्वचेवरील मृत पेशींचीही समस्या दूर होण्यास मदत मिळते. ज्यामुळे त्वचेवर नैसर्गिक चमक येते. त्वचेवरील डाग देखील कमी होतात. मेथीमध्ये मोठ्या प्रमाणात अँटी-ऑक्सिडंट्सचा समावेश असतो, हे घटक आपल्या त्वचेसाठी लाभदायक असतात.
त्वचेसाठी घरगुती फेस पॅकचा वापर
त्वचा डागविरहित आणि मऊ राहावी, यासाठी मेथीच्या फेस पॅकचा उपयोग आपण करू शकता. यामुळे त्वचेशी संबंधित जवळपास सर्वच समस्या हळूहळू दूर होण्यास मदत मिळते. पण हा उपाय करण्यापूर्वी आपल्या ओळखीच्या डॉक्टरांचा सल्ला नक्की घ्यावा.
असे तयार करा मेथीचे फेस पॅक
सामग्री
- मेथीचे दाणे : एक मोठा चमचा
- पाणी : चार मोठे चमचे
- हळद : चिमूटभर
- लिंबाचा रस : एक मोठा चमचा
(चमकदार त्वचा व केस मिळवण्यासाठी असा करा पपईचा वापर, जाणून घ्या फायदे)
- एका मोठ्या वाटीमध्ये मेथीची दाणे घ्या. १५ ते २० मिनिटांसाठी मेथीचे दाणे पाण्यामध्ये भिजत ठेवा. आता भिजलेले मेथीचे दाणे मिक्सरच्या भांड्यामध्ये वाटून त्याची पेस्ट तयार करा.
- मेथीमध्ये अँटी-फंगल, अँटी-बॅक्टेरिअल आणि अँटी-इंफ्लेमेटरी गुणधर्मांसह प्रोटीन, निकोटिनिक अॅसिड आणि फायबर भरपूर प्रमाणात असतात. हे सर्व घटक आपल्या त्वचेची खोलवर स्वच्छता करतात आणि याद्वारे त्वचेला पोषण तत्त्वांचा पुरवठाही होतो.
फेस पॅक तयार करण्याची दुसरी पद्धत
- मेथी दाण्यांच्या पेस्टमध्ये आता किचिंतशी हळद आणि एक चमचा लिंबाचा रस मिक्स करा.
- हळदीतील पोषक घटकांमुळे त्वचेवरील मुरुमांची समस्या आणि ब्लॅकहेड्स दूर होण्यास मदत मिळते. तर लिंबूमधील ‘व्हिटॅमिन सी’ त्वचेचा रंग उजळण्याचे कार्य करतात.
- मेथीमधील अँटी-इंफ्लेमेटरी गुणधर्मामुळे त्वचेला थंडावा मिळतो, तसंच चेहरा चमकदार देखील होतो. यामुळे त्वचेवरील डागांची तसंच डार्क सर्कलचीही समस्याही दूर होते.
(मऊ व चमकदार केसांसाठी असे वापरा मेंदी-अंड्याचे हेअर मास्क)
फेस पॅकचा वापर करण्याची पद्धत
- फेस पॅक चेहऱ्यासह मानेवरही लावा. काही मिनिटांनंतर स्क्रब करून पॅक काढा आणि पाण्याने चेहरा स्वच्छ धुऊन घ्यावा.
- तुम्हाला आपल्या चेहऱ्यामध्ये सकारात्मक बदल दिसून येतील. या फेस पॅकमुळे त्वचा अधिक चमकदार आणि मऊ होते.
- आठवड्यातून तीन चे चार वेळा फेस पॅकचा वापर करावा. यामुळे त्वचेशी संबंधित समस्या दूर होण्यास मदत मिळेल.
(लवकर म्हातारे दिसण्याची इच्छा नाहीय? त्वचेसाठी कोणत्या प्रकारचे मॉइश्चराइझर आहे आवश्यक, जाणून घ्या)
NOTE त्वचेशी संबंधित कोणतेही उपाय करण्यापूर्वी आपल्या ओळखीच्या डॉक्टरांचा सल्ला घेणे आवश्यक आहे. तसंच दुसऱ्या व्यक्तीचे स्किन केअर रुटीन फॉलो करण्याची चूक करू नये, कारण प्रत्येकाच्या त्वचेचा प्रकार एकसारखा नसतो.