ब्लॅकहेड्समुळे नाक दिसते घाण, लावा ओट्सचा घरगुती मास्क!

ब्लॅकहेड्सच्या समस्येतून सुटका मिळविण्यासाठी तुम्ही ओट्सचा मास्कचा उत्तम वापर करून घेऊ शकता. त्यासाठी काय करावं -

• अर्धा कप ओट्स
• पाव कप दही
• १ चमचा ऑलिव्ह ऑईल
• १-२ थेंब लिंबाचा रस

कसा कराल वापर -

• ओट्स तुम्ही मिक्सरमध्ये घालून त्याची पावडर घालून घ्या
• त्यानंतर दोन लहान वाटीमध्ये २ चमचे ओट्स पावडर घ्या, त्यात दही मिक्स करा आणि ऑलिव्ह ऑईल, लिंबाचा रस घालून व्यवस्थित मिक्स करा
• आता या मिश्रणाची तयार झालेली पेस्ट तुम्ही नाकावरील ब्लॅकहेड्सला लावा
• हा मास्क वापरण्यापूर्वी तुम्ही तुमचा चेहरा धुऊन घ्या. टॉवेलने चेहरा स्वच्छ पुसा
• साधारण १०-१५ मिनिट्स हे तसंच नाकावर राहू द्या आणि मग स्वच्छ पाण्याने चेहरा धुवा

• तुमची त्वचा तेलकट असेल तर तुम्ही ओट्सच्या या मास्कचा नक्की वापर करावा. कारण त्वचेवरील सूज कमी करण्यासाठीही याचा उपयोग करून घेता येतो
• तुमच्याजवळ फेसवॉश नसेल तर तुम्ही ओट्सच्या मदतीने चेहरा स्वच्छ करून घेऊ शकता
• त्वचा हायड्रेट ठेवण्यासाठी जर तुम्ही बाजारातील केमिकलयुक्त क्रिम्स वापरत असाल तर तुम्ही त्याऐवजी ओट्सच्या पेस्टचा वापर करा. नैसर्गिक असून हा घरगुती मास्क तुमची त्वचा अधिक चांगली राखण्यास मदत करतो
• तसंच तुमच्या त्वचेवर याचा मॉईस्चराईजरसारखाही उपयोग होतो

• जर तुम्ही रोज सकाळ आणि रात्री झोपण्यापूर्वी दोन वेळा चेहरा स्वच्छ कराल तर ब्लॅकहेड्स होणार नाहीत
• त्वचेत अधिक तेल जमा झाल्याने ब्लॅकहेड्स होतात. त्यामुळे या समस्येतून सुटका मिळविण्यासाठी तुम्ही त्वचेवर ऑईल फ्री उत्पादनांचा वापर करू शकतो
• आपल्या स्किन केअर रूटीनमध्ये मास्क आणि स्क्रबिंगचा वापर नक्की करून घ्या. मास्क आणि स्क्रब करण्यामुळे आपला चेहरा स्वच्छ राहतो

• ब्लॅकहेड्स काढण्यासाठी कधीही नखांचा वापर करू नका. यामुळे ब्लॅकहेड्सवर मुरूमं येतात आणि चेहऱ्यावर डाग पडण्याची शक्यता असते
• ब्लॅकहेड्स त्वचेवर अन्य ठिकाणी पसरतात, त्यामुळे जर तुम्ही ब्लॅकहेड्स काढत असाल तर त्याच्या स्वच्छतेकडे व्यवस्थित लक्ष द्या

(फोटो सौजन्य - Pexels)

विशेष सूचना - त्वचेवर कोणत्याही पदार्थांचा वापर करण्यापूर्वी पॅच टेस्ट करून घ्या. तसंच तुम्हाला हवं असल्यास, त्वचा विशेतज्ज्ञांचा तुम्ही सल्ला घ्यावा.