तिच्यामध्ये एक सालसपणा आहे जो एका सुसंस्कृत भारतीय स्त्री मध्ये असतो आणि म्हणूनच की काय तिची इमेजच तशी निर्माण झाली आहे व तिला रोल्स सुद्धा तसेच मिळतात. आज आपण साक्षीच्या काही खास ब्युटी टिप्स जाणून घेऊ. साक्षीच्या सौंदर्यातून एक गोष्ट खास करून शिकायला मिळते ती म्हणजे ग्लॅमर आणि सालसपणा यांमध्ये संतुलन कसे राखले जाते. चला जाणून घेऊ.
साक्षीचे चॉकलेटी लिप्स
सामान्यत: महिलांना वाटते की त्यांच्या ओठांचा रंग हा गुलाबी असावा. पण आता हा एक स्टीरियो टाइप विचार समजला जातो. कारण लिप्स टिंट पिंक, लाइट पिंक पासून ते डार्क आणि चॉकलेटी शेड्सच्या स्किन टोन मध्ये सुद्धा असतात. ज्या काळात सुंदर ओठ म्हणजे केवळ गुलाबी ओठ असे समजले जात होते त्या काळामध्ये साक्षी तंवर ने आपल्या नैसर्गिक चॉकलेटी लिप्सने चाहत्यांना इतके घायाळ केले की कोणत्याही फिल्म अभिनेत्रीपेक्षा तिची प्रसिद्धी आणि चर्चा जास्त होती.
(वाचा :- Beauty Tips : बॉलीवूडच्या बेबी डॉलवर लाखो हृदयं फिदा, प्रत्येक लुकमध्ये करते तरुणांना घायाळ!)
साक्षीचे घरगुती उपाय
तुम्हालाही थोडे आश्चर्य वाटत असेल ना की एवढी मोठी टीव्ही स्टार एवढी साधं आयुष्य का जगते? पण ही गोष्ट खरी आहे की साक्षी आपल्या सुंदर सौंदर्याला टिकवून ठेवण्यासाठी अत्यंत बेसिक आणि घरगुती उपायांचा वापर करते. जसे की नारळाचे तेल वापरणे, बेसन लावणे, ओठांना एक खास आयुर्वेदिक क्रीम लावणे, ज्याची जाहिरात तिने स्वत: काही वर्षांपूर्वी केली होती. खास गोष्ट ही आहे की ही क्रीम आधीपासूनच भारतीय समाजात खूप जास्त लोकप्रिय आहे. पण साक्षीने या क्रीमची जाहिरात केल्याने त्याची लोकप्रियता अधिक वाढली.
साक्षीमधील सालसता
साक्षी तंवर म्हणजे सालसपणाची एक मूर्ती आहे असे म्हटले तरी वावगे ठरू नये. तिच्या चेहऱ्यावर तिच्या नैसर्गिक सौंदर्याची झलक अधिक स्पष्टपणे दिसते. जेव्हा तिची कोणते शूट नसते तेव्हा ती कोणत्या फंक्शन वा कार्यक्रमाला गेली तरी अगदी साध्या मेकअप मध्येच येते. तिला जास्त मेकअप करून वावरणे फार आवडत नाही. आपण जसे आहोत तसेच प्रेझेंट करायला तिला आवडते. केवळ लुक्सच नाही तर तिच्या बोलण्याची लकब आणि आवाज सुद्धा इतका गोड आहे की तिला भेटणारा तिच्यावर भाळतोच भाळतो.
साक्षीचा शृंगार
साडी पासून सूट पर्यंत सर्व काही परिधान करणारी साक्षी जास्त करून भारतीय कपड्यांमध्येच दिसून येते. ना कोणता दिखाऊपणा ना उगाचचे एक्सपोझ! पण ती जिथे जाते तिथे सर्वांचे लक्ष सहज खेचून घेते. साक्षीच्या मेकअप बद्दल बोलायचे झाले तर जसे की आम्ही तुम्हाला आधीच सांगितले आहे की जास्त करून ती नो-मेकअप लुक मध्येच दिसून येते. तिच्या चेहऱ्यावर मस्कारा किंवा काजळ तुम्हाला दिसेल. बाकी तिचे सौंदर्य खुलवण्यासाठी तिची स्माईलच पुरेशी आहे.
साक्षीची हेअरस्टाईल
साक्षी तंवरच्या हेअरस्टाईल बद्दल बोलायचे झाले तर तिची हेअरस्टाईल अत्यंत साधी असते. पण खास गोष्ट ही आहे की ती आपल्या या साध्या हेअरस्टाईलच्या जोरावर सुद्धा अन्य स्त्रियांमध्ये सर्वाधिक उठून दिसते. अर्थातच या मागे कारण आहे तिचे सौंदर्य आणि स्वत:ला साधेपणाने राहूनही प्रेझेंट करण्याची टेक्निक! साक्षी नेहमी स्माईल करताना दिसते आणि त्यामुळेच की काय तिच्याकडे पाहताना समोरचा अधिक आकर्षित होतो. साक्षी सहसा केस मोकळे सोडते. कधी कधी एका बाजूला भांग पाडते, तर कधी मधोमध भांग पाडते. मात्र या साध्या हेअरस्टाईल मध्ये सुद्धा ती अत्यंत गोड दिसते. साक्षी म्हणते की हेअरस्टाईल ही नेहमी तुमच्या फेसकटला विचारात घेऊन ठरवावी. इतरांना सुंदर दिसणारी हेअरस्टाईल तुम्हाला सूट करेल असे नाही. त्यामुळे आपल्यासाठी कोणती हेअरस्टाईल बेस्ट आहे हे आपण स्वत:च ठरवावे.