हो मैत्रीणींनो ही तीच मुलतानी माती आहे जी स्कीन केअर साठी कित्येक वर्षांपासून वापरली जात आहे. तुम्ही सुद्धा नक्कीच कधीना कधी याचा वापर केला असेल. शिवाय आम्ही तुम्हाला एक असाही खास उपाय सांगणार आहोत जो श्वेताला एजलेस म्हणजेच सदा तरूण राहण्यास मदत करतो. तिच्या चेहऱ्यावर कोणत्याही फाईन लाईन्स, लाफ लाईन्स, ऐक्ने, डलनेस दिसून येत नाहीत. चला जाणून घेऊया तिचे ब्युटी सिक्रेट्स!
रिंकल्स फ्री स्कीनचे रहस्य
रिंकल्स अर्थात सुरकुत्या कोणालाच आवडत नाही, श्वेता सुद्धा याला अपवाद नाही. तर श्वेता आपल्या स्कीनला रिंकल्स आणि फाईन लाईन्स पासून वाचवण्यासाठी चेहऱ्यावर मुलतानी माती पासून तयार केलेला फेसपॅक लावते. तुम्हाला आम्ही सांगू इच्छीतो की मुलतानी माती त्वचेला कॅल्शियम, आयर्न, फॉस्फरस आणि मॅग्नेशियम तत्वांचे पोषण देते. ही माती त्वचेवर लावल्याने त्वचेच्या पेशी स्वस्थ व निरोगी राहतात आणि त्यात ब्लड सर्कुलेशन अधिक चांगल्या पद्धतीने होते. यामुळे तुम्ही अधिक तरुण दिसता. म्हणजेच वाढते वय, प्रदूषण, टॅनिंग आणि स्ट्रेसचा कोणताही परिणाम तुमच्या त्वचेवर दिसून येत नाही.
(वाचा :- Kajol Anti-ageing skin : वयाच्या 47शी मध्येही देतीये हॉट-बोल्ड अभिनेत्रींसोबतच स्वत:च्या लेकीलाही तगडी टक्कर, चेह-यावर नाही एकही सुरकुती!) (फोटो साभार: Indiatimes/Instagram)
कसा बनवावा हा सीक्रेट फेसपॅक
श्वेता तिवारी वापरात असलेला हा मुलतानी मातीचा सिक्रेट फेसपॅक तयार करण्यासाठी तुम्हाला काही साध्या सोप्प्या गोष्टींची गरज आसते. या गोष्टी तुम्हाला बाजारात सहज मिळतील. हा फेसपॅक बनवण्याआधी 2 चमचे मुलतानी माती, 1 चमचा दही किंवा दूध, 1 चमचा गुलाबजल आणि 2 चिमुटभर हळद हे साहित्य जमा करावे. फेसपॅक तयार करण्यासाठी काही वेळ आधीच मुलतानी माती पाण्यात भिजवत ठेवावी. जेणेकरून ही माती पाणी शोषून घेईल आणि सॉफ्ट होईल. यानंतर सर्व गोष्टी मिक्स करून पेस्ट बनवावी आणि 20 ते 25 मिनिटे चेहऱ्यावर लावावी. यानंतर ताज्या पाण्याने चेहरा स्वच्छ धुवून घ्यावा.
श्वेताने दिल्या अजून स्पेशल टिप्स
श्वेता अजून काही स्पेशल ब्युटी टिप्स देताना सांगते की आपल्या स्कीनला पिंपल्स, ऐक्ने आणि टॉक्सिन्स पासून प्रोटेक्शन देण्यासाठी दर दिवशी पुरेश्या प्रमाणात पाणी प्यावे. त्वचा हायडड्रेटेड राखणे हा या समस्यांपासून वाचवण्याचा सर्वात मोठा उपाय आहे हे ती ठामपणे सांगते. दर दिवशी जर तुम्ही किमान 3 लिटर किंवा 8 ते 10 ग्लास पाणी पीत असाल तर यामुळे शरीरातील सर्व टॉक्सिन्स बाहेर फेकले जातात आणि स्कीन क्लीन राहते. त्यामुळे तुम्ही सुद्धा ही महत्त्वाची गोष्ट लक्षात ठेवा आणि ह्या टिप्स फॉलो करा.
मुलीचे सौंदर्य सुद्धा पडते फिके
श्वेता तिवारीचे वय आता 40 वर्षे आहे. हो मंडळी तिच्याकडे पाहून कोणीच तिचे खरे वय गेस करू शकत नाही इतकी ती आजही तरुण दिसते. शिवाय श्वेता वयात आलेल्या दोन मुलींची आई आहे हे सांगितले तर अनेकांचा आजही विश्वास बसत नाही. पण या मागे तिची मेहनत सुद्धा आहे. तिने घरगुती उपायांचा वापर करून आणि स्वत:च्या डाएटवर नियंत्रण ठेवून हे सुंदर रूप कायम ठेवले आहे. सामान्यत: या वयात स्कीनची नैसर्गिक आर्द्रता कमी होऊ लागते. ऐक्ने, डलनेस, रिंकल्स आणि फाईन लाईन्स ठळकपणे दिसू लागतात. पण श्वेता आणि तिची मुलगी पलक तिवारी यांना एकत्र पाहिल्यास श्वेता पलकची आई कमी आणि मोठी बहिण जास्त वाटते.
श्वेताच्या केसांचे सिक्रेट सुद्धा घ्या जाणून
केवळ त्वचाच नाही तर श्वेताचे केस सुद्धा अत्यंत मजबूत आणि घनदाट आहेत. तिने एका मुलाखती मध्ये सांगितले होते की दर दिवशी रात्री झोपताना ती ऑलिव्ह ऑईलने आपल्या केसांना मसाज करते आणि दुसऱ्या दिवशी शॅम्पूने केस धुते. यामुळे केस निरोगी राहतात आणि गळत नाहीत. सोबतच डैंड्रफची समस्या सुद्धा तिला सतावत नाही. इतका साधा सोपा उपाय जर तुम्ही रोज केलात तरी तुम्हाला श्वेता तिवारी सारखे सुंदर आणि लांबसडक केस मिळतील. तुम्ही काही दिवस ट्राय करून त्यातून मिळणारे परिणाम पाहू शकता.
दु:खावरही भारी पडली ही सुंदरा
श्वेता टीव्ही जगतातील सर्वात सुंदर अभिनेत्री मानली जाते. एक काळ होता जेव्हा श्वेताचे सौंदर्य आणि अभिनय कौशल्यासमोर सर्व अभिनेत्री फिक्या ठरायच्या. पण आजही श्वेताला पाहून असे वाटत नाही की ती हिच अभिनेत्री आहे, जी तिच्या वैयक्तिक आयुष्यात भयानक आणि पूर्ण तोडून ठेवणा-या अशा चढ-उतारांना सामोरी गेली आहे. श्वेता तिवारी बऱ्याच काळापासून तिच्या वैयक्तिक आयुष्याबद्दल चर्चेत आहे. विशेषतः तिच्या दुसऱ्या घटस्फोटानंतर लोक तिच्याबद्दल वेगवेगळ्या प्रकारे टिका करत आहेत आणि तिला सतत जज करत आहेत. श्वेताने स्वतः तिच्या मुलाखती दरम्यान याबद्दल सांगितले. पण हा सर्व स्ट्रेस सांभाळत श्वेताने या घटनांचा तिच्या चेहऱ्यावर आणि मनाच्या सौंदर्यावर काडीमात्र परिणाम होऊ दिला नाही.