केसातील कोंडा, केस गळणे या समस्या सामान्य आहेत. पण त्याचबरोबरीने आणखी एक समस्या म्हणजे केस पांढरे होणे. अलिकडे तरुण वयोगटातील मुला-मुलींचे केस देखील पांढरे होतात. वयोवृद्ध व्यक्ती म्हणजेच तिचे केस पांढरे असतात असं आता काही राहिलेलं नाही. केस पांढरे दिसू लागले की केसांचे सौंदर्य देखील नाहीसं होतं. पण केस पांढरे होण्यामागचं कारण काय? आणि यासाठी उपाय नेमके कोणते केले पाहिजेत? हे या लेखाच्या माध्यमातून आपण जाणून घेणार आहोत. Stop Gray Hair Problem
केस पांढरे का होतात?
- केस पांढरे होण्यासाठी काही विशिष्ट वय राहिलेलं नाही. खूप वर्षांपूर्वी केस पांढरे होणे म्हणजे वय वाढत असल्याचं चिन्ह मानलं जायचं. पण आता असे काही राहिलेलं नाही. आत अगदी कमी वयामध्ये देखील मुलांचे केस पांढरे होतात. म्हणूनच केस पांढरे होण्यासाठी ठराविक वय असावं लागतं किंवा असतं हे आपण आता ठामपणे बोलू शकत नाही.
- काही दिवसांपूर्वी कोलंबियामध्ये करण्यात आलेल्या संशोधनामधून हे समोर आलं की, कमी वयामध्ये केस पांढरे होणे म्हणजे तणावाची लक्षणं आहेत. तुम्ही जेवढं तणावामध्ये राहणार तितके तुमचे केस अधिक पांढरे होण्याची शक्यता असते.
पांढऱ्या केसांवर आयुर्वेदीक उपाय
- जी लोकं अधिक तणावामध्ये सतत असतात अशा लोकांची केस लवकरात लवकर पांढरे होण्याची प्रक्रिया सुरू होते. तणाव हा शब्द जरी वाचायला आणि दिसायला लहान असला तरी यामुळे असंख्य तोटे देखील होतात. आणि याचा परिणाम आपल्या निरोगी आरोग्यावर देखील होतो.
- आयुर्वेदामध्ये देखील तणावामुळे केस पांढरे होतात असं सांगण्यात आलं आहे. जर एखाद्या व्यक्तीचे कमी वयात केस पांढरे झाले असतील आणि पांढऱ्या केसांवर त्याचे उपचार सुरु असतील तर त्यांना काही औषध दिली जातात. त्यामुळे मन शांत राहण्यास देखील मदत मिळते.
पुन्हा होऊ शकतात काळे केस
- आयुर्वेदानुसार एखाद्या व्यक्तीचे केस वयापूर्वीच पांढरे होत असतील तर ते केस पुन्हा काळे होऊ शकतात. केसांना कोणताही कलर किंवा डाय न लावता केस काळे होऊ शकतात. अगदी नैसर्गिक पद्धतीने तुमचे केस पूर्वीसारखे सुंदर दिसू शकतात.
- यासाठी तुम्हाला आयुर्वेदानुसार जीवनशैली आणि खाण्या-पिण्याच्या वेळेमध्ये बदल करणं गरजेचं आहे. तसेच कोलंबियामध्ये करण्यात आलेल्या संशोधनामधून देखील हे समोर आलं आहे की, कमी वयातच तणावामुळे केस पांढरे होत असतील तर तणाव कमी झाल्यास खाण्या-पिण्याची वेळ योग्य असेल तर पुन्हा केस काळे होऊ शकतात.
तणावामुळे केस पांढरे का होतात?
- मानसिक तणावामुळे केस पांढरे का होतात? हा प्रश्न देखील अनेकांच्या मनात असतो. संशोनामधून ही गोष्ट सिद्ध झाली आहे की, अधिक तणावामुळे केसांमध्ये समाविष्ट असलेल्या ३०० प्रकारच्या प्रोटीनमध्ये विविध बदल होत असतात. यामुळे केसांचा रंग देखील बदलतो.
- मानसिक तणावमुळे केसांमध्ये अनेक बदल दिसू लागतात. तसेच यामुळे केसांचे सौंदर्य देखील नाहीसे होते. यामुळेच तणावापासून दूर राहण्याचा तुम्ही प्रयत्न केला पाहिजे.
कलर, औषधांशिवायच होतील काळे केस
- पांढरे झालेले केस तुम्ही औषध किंवा कलर, डायचा वापर केल्याशिवायच काळे करू शकता. तुम्ही केसांसाठी आवळा आणि शिकेकाईचा वापर करू शकता. आठवड्यातून फक्त एकदाच तुम्ही हा उपाय करा. तसेच आठवड्यातून एकदा केसांना कांद्याचा रस आवश्य लावा.
- तसेच ब्राह्मी आणि शंखपुष्पी टॉनिकचे तुम्ही सेवन करू शकता. या दोन्ही टॉनिकमुळे मेंदू शांत राहतो. तसेच झोप देखील चांगली येते. तसेच यामुळे अनेक शारीरिक लाभ देखील मिळतात.