Benefits Of Skin To Skin Care With Dad Like Mom For Newborn Baby
आईप्रमाणेच वडिलांनीही करावी बाळाची 'स्किन टू स्किन केअर', जाणून घ्या कांगारू केअरचे महत्त्व
Authored byदिपाली नाफडे | महाराष्ट्र टाइम्स.कॉम24 Jan 2023, 2:56 pm
बाळाच्या जन्मानंतर आईशी बाळ अधिक जोडलेले असते हे सर्वांनाच माहीत आहे अगदी आईच्या अंगावर बाळ वाढते. पण आईबरोबरच वडिलांशीही ती जवळीक बाळाची असायला हवी. केवळ आईच नाही तर वडीलही आपल्या बाळाशी स्किन टू स्किन केअरद्वारे नातं तयार करू शकतात. बाळाला यामुळे आरोग्यालाही खूपच लाभ होतात. नक्की कांगारू केअर म्हणजे काय आणि स्किन टू स्किन केअरचे फायदे कसे होतात ते जाणून घेऊया. (फोटो क्रेडिटः @adityanarayanofficial Instagram)
स्किन टू स्किन केअर म्हणजे काय?
What is Skin To Skin Care: बाळाच्या जन्मानंतर काही दिवस आईला बाळासह स्किन टू स्किन वेळ घालवायला सांगण्यात येतो. यामध्ये बाळाला तुम्ही तुमच्या हृदयाजवळ घेऊन राहायचे असते. यामध्ये आई आणि बाळाचा स्किन टू स्किन कॉन्टॅक्ट वाढतो आणि त्यामुळे बाळाचं आणि आईचं नातं अधिक घट्ट होतं. नवजात बाळाच्या आरोग्यासाठीही ही पद्धत चांगली मानण्यात येते. पण हीच पद्धत तुम्ही बाळ आणि वडिलांमधील नातं अधिक घट्ट होण्यासाठीही वापरू शकता. बाळाला स्तनपान करण्याची क्षमता यामुळे आईतील वाढते. तर बाळाची प्रतिकारशक्तीही यामुळे वाढते असं सांगण्यात येते.
वडिलांद्वारे स्किन टू स्किन केअर
Benefits Of Kangaroo Care With Daddy: आई ही बाळाला नऊ महिने गर्भात वाढवते त्यामुळे आई आणि बाळामध्ये नैसर्गिक बाँडिंग असते. बाळ जन्मजातच आईचा आवाज आणि हृद्याचे ठोके ओळखू लागते. पण वडिलांसाठी नवजात शिशुसह असा स्किन टू स्किन केअर बाँड अधिक चांगला ठरतो. वडिलांद्वारे मुलांना असे जवळ घेतल्यास, ऑक्सिटोसिन नावाचे अर्थात लव्ह हार्मोन रिलीज होण्यास मदत मिळते. त्यामुळे दोघांमध्ये नैसर्गिक बाँड तयार होतो. बाळावर सकारात्मक प्रभाव पडतो.
काही शोधांवरून असे सिद्ध झाले की कांगारू केअर मिळणाऱ्या बाळांमध्ये अन्य बाळांच्या तुलनेत शारीरिक विकास अधिक चांगला होतो. यामध्ये बाळाची श्वासाची गती, हृदयाची गती आणि साखरेची पातळीही व्यवस्थित राहाते. आईने दिलेल्या स्किन टू स्किन केअरमुळे बाळांची प्रतिकारशक्ती वाढते असं सांगण्यात येते. मात्र वडिलांनी दिलेल्या स्किन टू स्किन केअर दिल्यानेदेखील बाळाची प्रतिकारशक्ती मजबूत होते. वास्तविक वडिलांच्या त्वचेद्वारे बाळामध्ये अँटीबॉडी जात असते आणि बाळाला अनेक रोगांपासून वाचवते. (वाचा - नवजात बाळाचे नाव नाही सुचत, उडतोय गोंधळ तर बारशासाठी अशी निवडा युनिक नावे)
बाळाच्या मेंदूच्या विकासासाठी
वडिलांद्वारे बाळाला जवळ घेतल्यानंतर बाळाच्या आवश्यक तंत्रिकामार्गांचा विकास होतो. यामध्ये बाळाच्या मेंदूचा विकास अधिक चांगला होतो असं मानण्यात येते. याशिवाय कांगारू केअरमुळे बाळाला अधिक चांगली झोप मिळते आणि बाळावर कोणताही तणाव राहात नाही. (वाचा - लहान मुलाच्या जेवणाचा पर्याय दूध असू शकतो का, तज्ज्ञांचे मत)
वजन चांगले वाढते
स्किन टू स्किन केअरमुळे बाळामधील Cortisol आणि Somatostatin चे स्तर कमी होतो आणि यामुळे बाळामधील गॅस्ट्रोइंटेस्टायनल समस्या कमी होण्यासह पोषक तत्व अधिक चांगले मिळते. यामुळे बाळाचे वजन चांगले राहते आणि शरीराचे तापमानही योग्य राहाते.
आईप्रमाणेच बाळाला वडिलांचे प्रेम आणि वडिलांकडून स्किन टू स्किन केअर मिळणे गरजेचे आहे. तुम्हीही नवजात पालक असाल तर ही थेरपी नक्की वापरा.
अशाच अधिक लाइफस्टाइल, हेल्थ, फॅशन, ब्युटी, होम डेकोर, रिलेशनशिप, हॅक्स यावरील अधिक माहितीसाठी क्लिक करा maharashtratimes.com
"दिपाली नाफडे प्रिंट, टेलिव्हिजन आणि डिजीटल मीडियामधील मराठी पोर्टल्सचा १५ वर्षांचा अनुभव असून पत्रकार आणि कंटेट रायटर म्हणून कार्यरत. न्यूज आणि नॉन-न्यूज दोन्ही मीडिया क्षेत्रातील कामाचा दांडगा अनुभव असून कोणत्याही विषयावर लिखाणाची जाण ही अनुभवातून आलेली आहे आणि याशिवाय विविध विषयांसंबंधी व्हिडिओदेखील केले आहेत. मनोरंजन, फिचर स्टोरीज, लाइफस्टाईल, ब्युटी, फॅशन, आरोग्य, फूड आणि सेलिब्रेटींची मुलाखत यासंबंधी लिखाण आणि व्हिडिओ दोन्हीमध्ये पारंगत. लोकांना वाचनात गुंतवून ठेवेल आणि माहितीपूर्ण असे लेख लिहिणे यावर नेहमीच भर देण्याचा अँगल. लेख असो अथवा डिजीटल व्हिडिओ असो प्रत्येक गोष्टीत बांधिलकी जपत योग्य आणि महत्त्वपूर्ण माहिती पोहचविण्याची जबाबदारी आणि योग्य दर्जा देत काम केले आहे. टीम लीडर म्हणून जबाबदारी गेल्या ५ वर्षांपासून पेलली असून स्वतःसह टीमचा विकास कसा होईल याकडे अधिक लक्ष पुरविले आहे. व्यावसायिक कामाव्यतिरिक्त मित्रमैत्रिणींसह वेळ घालवायला आणि जेवण बनवायला आवडते."... आणखी वाचा
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.