जवळपास 20 ते 25 टक्के स्त्रियांना पहिल्या तीन महिन्यात स्पॉटिंग होते आणि अनेकदा तर दुसऱ्या तिमाहीमध्ये देखील स्पॉटिंग होते. काही अशा स्थिती आहेत ज्यामध्ये स्पॉटिंग होणे हा एक गंभीर विषय बनू शकतो. आज आम्ही तुम्हाला या लेखातून काही कारणे सांगत आहोत, यामुळे जर तुम्हाला स्पॉटिंग होत असेल तर त्याकडे दुर्लक्ष करू नये.
हेवी ब्लीडिंग होणे
स्‍पॉटिंगचा अर्थ आहे हळूहळू ब्लीडींग होणे. ही मासिक पाळी सारखी नसते. मासिक पाळीमध्ये हेवी ब्लीडींग होते आणि थोड्या थोड्या वेळाने टेम्पोन वा पॅडस बदलण्याची गरज भासते. जर तुम्हाला गरोदरपणामध्ये स्‍पॉटिंगमुळे मासिक पाळीसारखे सतत पॅडस बदलावे लागत असतील तर ही एक चिंता निर्माण करणारी गोष्ट आहे. स्पॉटिंग ऐवजी जर मध्यम वा हेवी ब्लीडींग दिसून लागली तर लगेच आपल्या गायनेकोलोजिस्‍टशी संपर्क साधावा आणि गरज भासल्यास उपचार सुरु करावेत. अशावेळी केलेला दुर्लक्षितपणा बाळासाठी धोकादायक ठरू शकतो.
(वाचा :- डिलिव्हरीनंतर पहिल्या २४ तासांत अशी केली जाते आई व बाळाची देखभाल, 'ही' आहे योग्य पद्धत!)
स्पॉटिंग आणि कंबरदुखी
जर गरोदरपणामध्ये स्पॉटिंग सोबत कंबर सुद्धा जोरात दुखत असेल आणि असह्य वेदना होत असतील तर हा नक्कीच एक चांगला संकेत नाही आहे. मासिक पाळीच्या वेळी कंबर दुखी सतावणे एक सामान्य गोष्ट आहे परंतु गरोदरपणाच्या काळात अचानक कंबर दुखी सुरु होणे आणि सोबत स्पॉटिंग दिसणे ही गंभीर गोष्ट असू शकते. शिवाय स्पॉटिंग सोबत ताप आणि थंडी वाजत असेल तर लगेच डॉक्टरांना दाखवावे. गरोदरपणाच्या काळात कोणतीही गोष्ट सामान्य म्हणून सोडून देऊ नये. जर तुमच्या मनात भीती उत्पन्न होत असेल तर एकदा डॉक्टरांशी नक्की बोलून घ्यावे.
(वाचा :- बाळाला दूध पाजत असाल तर नियमित प्या ‘हे’ स्पेशल पाणी, बाळाचा विकास होईल जलद गतीने!)
गडद रंगाचे रक्त
हेवी ब्लीडिंगच नाही तर रक्ताच्या रंगाने सुद्धा तुम्ही ही गोष्ट जाणून घेऊ शकता की स्‍पॉटिंगची समस्या सिरीयस आहे की नाही. जर फिकट रंगाऐवजी रक्ताचा रंग गडद आणि चमकदार असेल तर ही एक सिरीयस गोष्ट आहे. अनेकदा ब्लीडींग मध्ये रक्ताच्या गाठी आणि उती सुद्धा येतात. या गोष्टीकडे देखील दुर्लक्ष करू नये. या अशा गोष्टी आहेत ज्या सामन्यत: गरोदरपणात होत नाहीत. फार कमी स्त्रियांना अशा समस्यांना सामोरे जावे लागू शकते. अशावेळी घरगुती उपचारांच्या भरवश्यावर न राहता आपल्या डॉक्टरांशी बोलून घ्यावे.
(वाचा :- प्रेग्नेंसीमध्ये योनीशी संबंधित ‘ही’ समस्या देते खूप वेदना, अनेकदा बसणं देखील होतं मुश्किल!)
चक्कर येणे
हेवी स्पॉटिंग सोबत चक्कर येणे हा देखील सिरीयस गोष्टीचा संकेत आहे. चक्कर येणे आणि गरोदरपणाची कमी लक्षणे दिसणे हा मिसकॅरेज अर्थात गर्भापाताचा संकेत आहेत. जर तुम्हाला हे दु:ख टाळायचे असेल तर अवश्य लवकरात लवकर डॉक्टरांना सांगा आणि त्यांच्या मार्गदर्शनाखाली उपचार करा. अशा स्थितीमध्ये ओळखीच्या व्यक्तीकडून व नातेवाईकांकडून सल्ले घेत बसण्यापेक्षा थेट जाणकार व तज्ज्ञांशी बोला. ते तुमच्या समस्येचे योग्य निराकरण करू शकतात. जर काहीच समस्या नसेल तर उत्तम मात्र जर समस्या असेल तर त्यावर वेळीच उपचार करता येऊ शकतात.
(वाचा :- ‘या’ ऋतूत होतात सर्वात जास्त प्रिमॅच्युर डिलिव्हरी, बचावासाठी उपाय करा नाहीतर बाळ राहिल सतत आजारी!)
काय म्हणतात डॉक्टर?
आईवीएफ एक्‍सपर्ट डॉ. सुची कालिया यांच्या मते गरोदरपणाच्या कोणत्याही महिन्यामध्ये स्पॉटिंग वा ब्लीडींग होणे चांगला संकेत नाही आणि खास करून पहिल्या तीन महिन्यात असे होत असेल तर स्त्रीने लगेच डॉक्टरांना सांगितले पाहिजे. त्यांचे म्हणणे आहे की संपूर्ण नऊ महिन्यांच्या काळात अनेक कारणांमुळे स्त्रीला ब्लीडींग होऊ सकते, मात्र कोणत्याही कारणामुळे होत असलेली ब्लीडींग दुर्लक्षित करू नये. एका हलगर्जीपणामुळे आई आणि बाळ दोघांचे आयुष्य धोक्यात येऊ शकते. त्यामुळे जर तुम्ही गरोदर असाल आणि ब्लीडींग वा स्‍पॉटिंगचा सामना करत असाल तर त्वरित डॉक्टरांना दाखवा.
(वाचा :- आई-बाबा बनण्यास अडथळा आल्यास समुपदेशनासाठी का व कोणत्या डॉक्टरकडे जावं व याचे फायदे काय?)