प्रेग्नेंसीमध्ये अजिबात करू नका ही ४ काम, प्रीमॅच्युअर डिलीवरीसोबत बाळासाठी मोठा धोका

गरोदरपणात महिलेच्या शरीरात अनेक बदल होत असतात. काही गोष्टी अशा होतात ज्या या आधी कधीच झालेल्या नसतात. जसे की, महिलेच्या निप्पलला खाज येणे किंवा थोडा दाब आल्यासारखं वाटणं. रिप्रॉडक्टिव्ह मेडिसिनमध्ये प्रकाशित झालेल्या अभ्यासानुसार, जेव्हा स्त्रिया त्यांच्या स्तनाग्रांना खाजवतात तेव्हा शरीर ऑक्सिटोसिन नावाचे हार्मोन सोडते ज्यामुळे अकाली प्रसूती होऊ शकते.

(वाचा - महिलांच्या शरीरातील आयर्नची कमतरता दूर करता मनुका; गरोदरपणात होतात ५ फायदे)

गर्भधारणेदरम्यान, महिलांना डॉक्टर अनेकदा व्यायाम करण्याचा सल्ला देतात.. यामुळे शरीर तंदुरुस्त राहते आणि महिलांनाही आराम वाटतो. यासोबतच गर्भावस्थेतील मधुमेधाचा धोकाही कमी होतो. मात्र हे ओव्हरबोर्ड करणे धोकादायक असू शकते. गर्भधारणेदरम्यान पोटावर दाब पडू शकेल असा कोणताही कठोर व्यायाम करून पाहिल्यास अकाली प्रसूतीची शक्यता वाढते. तसेच, कधीकधी बाळाला देखील याचा परिणाम होऊ शकतो.

(वाचा - मुलीला 'सेल्फ डिपेंडेंट' बनवायचंय मग ५ गोष्टी जरूर शिकवा, जीवनात कधीही मागे पडणार नाही)

गरोदरपणात पायांना मसाज केल्याने खूप आराम मिळतो. यावेळी तज्ञ महिलांना त्यांच्या पायाची मालिश करण्याचा सल्ला देखील देतात. परंतु अनेक संशोधनांनी असे सुचवले आहे की गर्भधारणेदरम्यान पायाची मसाज करू नये कारण ते गर्भाशयाला संकुचित करू शकते. प्रॅक्टिसिंग मिडवाइफ या जर्नलमधील अभ्यासानुसार, पाय, घोट्या आणि पायांमध्ये एक्यूप्रेशर पॉइंट्स आहेत. जे मोठ्या प्रमाणात प्रजनन प्रणालीशी संबंधित आहेत. पायांना मसाज केल्यावर त्यांच्यावर दबाव आल्याने प्रसूती वेळेपूर्वी होऊ शकते.

(वाचा - मुलांच्या विचित्र स्वभावाला पालकच जबाबदार, तुमच्या 'या' चुका ठरतात कारणीभूत)

हे ऐकून तुम्हाला नक्कीच विचित्र वाटले असेल, पण तुमची तोंडाची स्वच्छता ही प्रीमॅच्युअर डिलीव्हरीशी संबंधित आहे. जेव्हा तुम्ही तुमची मौखिक आरोग्याची स्वच्छता राखत नाही, तेव्हा तुमचे शरीर काही हार्मोन्स सोडते ज्यामुळे तोंडी संसर्ग तसेच अकाली प्रसूती होऊ शकते.

(वाचा - Sudha Murthy: सुधा मूर्ती यांचा पालकांना सतर्कतेचा इशारा, पालकत्वाच्या 'या' विचित्र सवयी ठरतात घातक) )