मुलांना मोकळेपणाने बोलण्याची संधी द्या
मुलांना कायमच मोकळेपणाने बोलण्याची संधी द्या. कारण यामुळे त्यांच्या मनातील असंख्य भावना बाहेर पडतात. आणि ते मोकळे होतात आणि ते तुमच्याशी मैत्रीपूर्ण व्यवहार करतात. यानंतर त्यांना काही अडचण आली तर मी तुझ्यासोबत नक्कीच आहे हा विश्वास त्यांना द्या. यामुळे त्यांच्यामध्ये लहानपणापासूनच आत्मविश्वास निर्माण होईल की त्यांचे पालक त्यांना समजून घेतील आणि ते त्यांना आधार देतील.
(वाचा - पालकत्वाचा आनंद घेण्यासाठी दोघांनी एकत्रितपणे करावीत 'ही' कामे, लवकरच घरी पाळणा हलेल)
मुलांप्रीत आपलं प्रेम व्यक्त करा
प्रेम तुमच्या मुलांना कधीच बिघडवत नसतं तर त्यांना चांगल माणूस होण्यास मदत करतात. जर तुमचे तुमच्या मुलावर प्रेम असेल तर ते मुलाला दाखवा. त्याच्यासमोर ते व्यक्त करा. जेणेकरून तुमच्या मुलांना हे समजेल आणि पुढे जाऊन याची त्याला जाणीव होईल. आपल्या मुलावर प्रेम करणे, त्याला मिठी मारणे, त्याच्यासोबत वेळ घालवणे आणि दररोज तिच्या समस्या गांभीर्याने ऐकणे इतके सोपे असू शकते. यामुळे मुलांच्या शरीरात ऑक्सिटोसिनसारखे फील-गुड हार्मोन्स वाढतात आणि यामुळे त्यांना आनंदी आणि सकारात्मक माणूस बनण्यास मदत होते.
(वाचा - स्मिता तांबेच्या मुलीचं नाव अतिशय हटके, तिचं वेगळेपण नावातूनच अधोरेखित होतं)
मुलांना सामाजिक होणे गरजेचे आहे
मुलांच्या मानसिक विकासासाठी तुम्ही त्यांना सामाजिक राहण्यास सांगणे आवश्यक आहे. यासाठी त्यांची लोकांशी ओळख करून द्या आणि त्यांच्याशी बोलायला शिकवा. त्यांना त्यांच्या मित्रांसमोर आणि नातेवाईकांसमोर मोकळेपणाने वागायला शिकवा. तसेच त्यांना बाहेरची कामे करू द्या. यामुळे ते बाहेरील लोकांशी मोकळेपणाने वागायला शिकतील आणि त्यामुळे त्यांचा आत्मविश्वासही वाढेल. अशा प्रकारे ते सामाजिकदृष्ट्या मजबूत बनतील.
(वाचा - मुलांना नशिबवान बनवायचंय, तर द्या ही प्रेमळ नावं; मुलं ठरतील अतिशय लकी आणि भाग्यवान)
मुलांना स्वतःच्या समस्या स्वतः सोडवू द्या
मुलांना त्यांच्या समस्या स्वतः सोडवू द्या. यामुळे मुलांमध्ये सकारात्मक बदल अनुभवायला मिळतात. मुलांना त्यांना त्यांच्या परिस्थितीला स्वतःहून सामोरे जाण्यास शिकवा. याचा सकारात्मक बदल तुम्हाला पाहायला मिळेल. यानंतर त्यांच्यासमोर कोणतीही समस्या आली तर ते मानसिक आजारी होणार नाहीत, तर समस्या समजून घेऊन त्याशी लढा देतील.
(वाचा - पालकांनी आपल्या डोक्यात फिट करा ही गोष्ट; मुलांच टॉपला जाणं अगदी निश्चित)