डिलिव्हरी नंतर स्त्रीचे वजन वाढते. मंदिरासाठी सुद्धा हा काळ अत्यंत कठीण होता. मात्र तिने अत्यंत मेहनत घेऊन 22 किलो वजन अगदी डिलिव्हरीनंतर काहीच दिवसात कमी केले. आज आपण तिने ही करामत कशी केली तेच जाणून घेणार आहोत. ज्यातून तुम्हाला देखील महत्त्वाच्या टिप्स मिळू शकतात.
झाले होते सिझेरियन ऑपरेशन
मुलगा वीर याला जन्म देताना मंदिराला सी-सेक्शन अर्थात सिझेरियन डिलिव्हरीला सामोरे जावे लागले होते. गरोदरपणाच्या काळात आणि त्यानंतर सुद्धा मंदिराचे वजन 54 किलोपर्यंत वाढले होते. डिलिव्हरीनंतर मंदिराने खूप मेहनत घेतली आणि पुन्हा तिने आपल्या कंबरेची साईज 26 इंच होईपर्यंत मेहनत घेतली. तिच्या याच प्रेरणादायी कामगिरीतून प्रेरणा घेऊन अनेक स्त्रिया डिलिव्हरी नंतर आपले वजन कमी करू शकतात. मंदिरा सुद्धा एक स्त्री आहे, जर ती हे करू शकते तर अन्य सामान्य स्त्री सुद्धा इच्छाशक्तीच्या जोरावर आपले वजन कमी करून दाखवू शकते.
(वाचा :- फर्टिलिटी वाढवून गर्भधारणेस मदत करेल पोटाचा ‘हा’ मसाज, घरीच मसाज करण्याची पद्धत जाणून घ्या!)
मंदिरा बेदीचा व्यायाम
मंदिराने डिलिव्हरी नंतर वजन कमी करताना व्यायाम करण्यावर सर्वाधिक भर दिला होता. मंदिराने डिलिव्हरी नंतर 41 व्या दिवसापासून हळूहळू चालायला सुरुवात केली होती. ती आठवड्यातून 5 वेळा जिम मध्ये व्यायाम करायची. अंगावरील फॅट कमी करण्यासाठी ती अधिकाधिक व्यायाम करायची. याशिवाय मंदिरा रोज एक तास सायकलिंग देखील करायची. याचाच फायदा मंदिराला डिलिव्हरी नंतर लगेच वजन कमी करण्यात झाला. तुम्ही सुद्धा वजन कमी करू इच्छित असाल तर जास्तीत जास्त व्यायाम करण्यावर भर द्या.
(वाचा :- जुळी बाळं हवी असल्यास ‘या’ पद्धतींनी वाढवा फर्टिलिटी!)
मंदिरा बेदीचा आहार
मंदिरा ही एगे‍टेरियन आहे आणि दिवसभर थोडं थोडं काही ना काही खात असायची. मंदिरा जास्त गोड खायची नाही. तिच्या मते जास्त गोड पदार्थ खाल्ल्याने वजन लगेच वाढते. तिच्या डाएट मध्ये कमीतकमी कार्ब्स आणि जास्तीत जास्त प्रोटीन असते. मंदिरा नाश्त्यामध्ये फळे, दूध, लापशी, 3 अंड्यांचे आम्लेट असे पदार्थ खायची. याशिवाय प्रोटीन शेक सुद्धा पिण्यावर भर द्यायची. लंच मध्ये मंदिरा चपाती, डाळ आणि भाज्यांचे सलाड खायची. संध्याकाळच्या नाश्त्यामध्ये मका, सोया आणि स्प्राऊट्स हा आहार घ्यायची. रात्रीच्या जेवणात मंदिरा अगदी हलका आहार घ्यायची. वजन कमी करण्यासाठी आहारा संदर्भात या टिप्स प्रत्येक स्त्रीने फॉलो केल्या पाहिजेत.
(वाचा :- लेबर पेन सुरू होत नसेल तर घेऊ शकता ‘या’ हर्बल टीची मदत!
वजन कमी करण्यास कधी सुरुवात करू नये
स्त्रीची डिलिव्हरी झाल्यावर तिचे वजन थेट 6-7 किलोने कमी होते कारण तिच्या पोटातील बाळाचा भार कमी झालेला असतो आणि शरीरातून सर्व द्रव प्रदार्थ बाहेर पडलेले असतात. गरोदरपणा नंतरच्या पहिल्या आठवड्यात शरीरात अनेक बदल घडत असतात आणि यामागे हार्मोन्स कारणीभूत असतात. त्यामुळे या काळात अजिबात वजन कमी करण्याबाबत वा पोट कमी करण्याबाबत विचार करू नये वा त्यावर कोणते उपाय सुद्धा सुरु करू नयेत. यामुळे शरीरावर विचित्र परिणाम होऊ शकतो ज्याचा फटका आई व बाळ दोघांना बसू शकतो.
(वाचा :- अनुष्का शर्माच्या न्यूट्रिशनिस्टने सांगितली प्रेग्नेंसी वेट घटवण्याची योग्य पद्धत!)
काही विशेष टिप्स
या व्यतिरिक्त काही विशेष टिप्स सुद्धा डिलिव्हरी नंतर वजन कमी करण्यासाठी वापरता येऊ शकतात. रोज 20 मिनिटे वर्कआउट करणे जसे की चालणे, पाय-या चढणे आणि योग करणे इत्यादी. युट्युब वा इंटरनेट वर सुद्धा सोप्प्या पद्धती सापडतील ज्या तुम्ही घरच्या घरी स्वत:च करू शकता आणि त्यासाठी वेगळा खर्च वा मेहनत घेण्याची सुद्धा गरज भासणार नाही. मंदिरा बेदी सारखे झटपट वजन तुम्ही देखील कमी करू शकता पण त्यासाठी तेवढी मेहनत घेण्याची तयारी तुम्हाला ठेवावी लागेल.
(वाचा :- गर्भातील बाळाची प्रत्येक किक देते काहीतरी मौल्यवान संदेश, फक्त आईने घेतलं पाहिजे समजून!)