यातून रिकव्हर होण्यासही खूप कालावधी लागतो आणि मुख्य म्हणजे शरीरावर शस्त्रक्रियेच्या खुणा राहतात. या खुणा रिकव्हर झाल्यावर सुद्धा अनेक काळ दिसतात. या खुणांपासून सुटका व्हावी अशी अशावेळी गरोदर स्त्रीला वाटत असते. पण त्यावर नेमके काय उपाय करावे हे तिला कळत नाही. आज या लेखातून आम्ही या खुणा दूर करण्याकरता काय करता येईल त्याबद्दल उपाय सांगणार आहोत.
सिझेरियन डिलिव्हरीची शस्त्रक्रिया
सिझेरियन डिलिव्हरील स्त्रिया घाबरतात कारण त्यात पोटावर शस्त्रक्रिया केली जाते. यासाठी पोटावर कट मारली जाते. नॉर्मल डिलिव्हरी मध्ये योनीमार्गे बाळाला बाहेर काढले जाते पण ते शक्य नसते तेव्हा सिझेरियन डिलिव्हरीचा पर्याय वापरून पोटातून बाळाला बाहेर काढले जाते. डिलिव्हरी यशस्वी झाली की मग टाके घालून पोट बंद केले जाते. यामुळेच सिझेरियन डिलिव्हरी नंतर स्त्रीला भयंकर वेदना होतात आणि या टाक्यांमुळेच संक्रमणाचा धोका सुद्धा उद्भवतो. सिझेरियन डिलिव्हरी होणाऱ्या स्त्रियांमध्ये जवळपास 6 ते 11 टक्के स्त्रियांना संक्रमण होण्याचा धोका असतो.
(वाचा :- आयव्हीएफ ट्रिटमेंटनंतर गर्भपात टाळून आई-बाबा बनायचं असल्यास फॉलो करा ‘या’ टिप्स!)
व्हिटॅमिन ई आणि कांद्याचा रस
सिझेरियन डिलिव्हरी वेळी बाळाला बाहेर काढण्यासाठी सहा इंचाचा टाका मारला जातो. ती जखम तर भरते पण डाग तसाच राहतो. या डागापासून सुटका करून घेण्यासाठी स्त्री व्हिटॅमिन ई आणि कांद्याच्या रसाचा वापर करू शकते. व्हिटॅमिन ई आणि कांद्याचा रस मिळून स्कार टिश्यू कमी करण्यात मदत करतात. हे स्कार अर्थात डाग वाढण्यास रोखतात. बाजारातून व्हिटॅमिन ई कॅप्सूल घेऊन या आणि त्यात कांद्याचा रस मिसळून रोज ज्या जागी खूण आहे त्यावर लावा. नियमित या मिश्रणाचा वापर केल्याने निशाण हळूहळू मिटायला सुरुवात होते.
(वाचा :- प्रेग्नेंसीमध्ये जेवण पचवणं होऊन बसतं अवघड, ‘हे’ ५ उपाय देतील पोटाला आराम!)
मध आणि कोकोआ बटर
त्वचेसाठी मध हे अत्यंत फायदेशीर असते. मधामुळे शरीरावरचे डाग वा खुणा कमी होण्यास मदत होते. मध नैसर्गिक प्रकारे जखम बरी करते. परंतु याचा वापर करण्यापूर्वी एकदा डॉक्टरांचा अवश्य सल्ला घ्या. याशिवाय कोकोआ बटर देखील सिझेरियन डिलिव्हरीचे निशाण कमी करण्यास मदत करते. कोकोआ बटर नैसर्गिक अँटीऑक्सीडेंट सारखे काम करते. हे केवळ निशाण कमी करायलाच मदत करत नाही तर जखम भरण्यास सुद्धा मदत करते. कोकोआ बटर क्रीमने ज्या जागी खुण आहे त्यावर मालिश करा यामुळे निशाण पुसट होत जाईल.
(वाचा :- जन्मापासूनच आंधळी असतात काही मुलं, प्रेग्नेंसीमध्ये ‘या’ चूका केल्याचे असतात हे परिणाम!)
व्हिटॅमिन ई आणि कोरफडीचा गर
व्हिटॅमिन ई शरीरावरचे डाग नष्ट करण्यात सहाय्य करते. व्हिटॅमिन ई ऑईलने मालिश केल्याने टिश्यू नरम होतात आणि स्कीन बरी होऊ लागते. हे तेल जास्त चिपचीपीत नसते आणि तुम्ही कोणत्याही ऋतूमध्ये याचा वापर करू शकता. तुम्ही सिझेरियनचे निशाण दूर करण्यासाठी कोरफड जेलचा सुद्धा वापर करू शकता. तुम्ही घरच्या घरी एलोव्हेराच्या पानांपासून त्याची जेल काढू शकता. एलोव्हेरा जेल टाक्यामुळे पडलेले निशाण दूर करते. यामुळे त्वचेवर जर खाज येत असेल तर त्यापासून देखील आराम मिळतो.
(वाचा :- डॉक्टर रिमा सावजी यांनी दिली सोनोग्राफीबाबत असणा-या प्रश्न व चुकीच्या समज-गैरसमजांची उत्तरे!)
लिंबू
स्कार आणि निशाण नष्ट करण्यासाठी लिंबूचा वापर केला जातो. त्वचेवरील कोणत्याही प्रकारचा डाग व निशाण हे लिंबू दूर करू शकते वा कमी करू शकते. ज्यात सिझेरियन डिलिव्हरीमुळे निर्माण होणाऱ्या निशाणाचा सुद्धा समावेश आहे. लिंबू हे एक सिट्रस फळ आहे म्हणून टाके पूर्णपणे भरल्यावरच तुम्ही त्यावर लिंबाचा रस लावावा. जेव्हा ज्या जागी टाके आहेत त्या जागेवर वेदना होणे थांबेल तेव्हाच त्यावर लिंबाचा रस लावावा. जर जखम पूर्ण भरली नसेल वा वेदना होत असेल तर लिंबाचा वापर अजिबात करू नये.
(वाचा :- पहिल्यांदा आई-वडील बनू इच्छिणा-या जोडप्यांसाठी ‘या’ टिप्स येतील भरपूर कामी!)
NOTE :- ऑपरेशननंतरही काही त्रास जाणवत असेल किंवा काही गुंतागत असेल तर डॉक्टरांचा सल्ला घेतल्यानंतरच हे उपाय ट्राय करा.