हावडा ब्रिज म्हणजेच रवींद्र सेतू हा प. बंगालची राजधानी कोलकात्याला हावडा शहराशी जोडणारा पूल आहे. सस्पेन्शन प्रकारातील हा पूल गंगा नदीच्या हुगळी या शाखेवर बांधला आहे. या पूलाचे बांधकाम सुरू झाले १९३६मध्ये. ते काम १९४२ला पूर्ण झाले. ३ फेब्रुवारी १९४३ रोजी हा पूल वाहतुकीसाठी खुला झाला. १४ जून १९६५ रोजी गुरुदेव रवींद्रनाथ टागोरांच्या नावावरून या पुलाचे नामकरण रवींद्र सेतू असे करण्यात आले. सध्या कोलकाता पोर्ट ट्रस्टतर्फे या पुलाची देखदेख केली जाते. सध्याच्या घडीला कँटीलीव्हर सस्पेन्शन प्रकारातील हा जगातील सहावा सर्वात मोठा पूल आहे. या पुलाची लांबी आहे ७०५ मीटर आणि रुंदी आहे ७१ फूट. पुलाच्या दोन्ही बाजूंना १५ फुटांचा पदपथ आहे.
हावडा ब्रिज
हावडा ब्रिज म्हणजेच रवींद्र सेतू हा प. बंगालची राजधानी कोलकात्याला हावडा शहराशी जोडणारा पूल आहे. सस्पेन्शन प्रकारातील हा पूल गंगा नदीच्या हुगळी या शाखेवर बांधला आहे.
Maharashtra Times 2 Jul 2016, 12:45 am