जम्मू-काश्मीरच्या लडाख भागातील खारदुंगला पास हा सामान्यतः सर्वाधिक उंचीवरील गाडीरस्ता समजला जातो. याची उंची आहे १७,५८२ फूट. तिबेटी भाषेत ला म्हणजे खिंड. लेहच्या उत्तरेला असलेली ही खिंड म्हणजे श्योक आणि नुब्रा खोऱ्याकडे जाणारा एकमेव मार्ग आहे. लष्करीदृष्ट्या महत्त्वाची सियाचेन हिमनदी हा नुब्रा खोऱ्याचाच भाग आहे. हा रस्ता १९७६मध्ये बांधण्यात आला, तर १९८८मध्ये तो सर्वांसाठी खुला झाला. तेव्हापासून साहसवीरांसाठी तसेच पर्यटकांसाठी खारदुंगला पास हे आकर्षणाचे केंद्र राहिले आहे. सध्या हा मार्ग बॉर्डर रोड ऑर्गनायझेशनच्या अधिपत्याखाली असून सियाचेनमधील लष्कराला रसद पुरवठा करण्याच्या दृष्टीने खारदुंगला पास हा मोक्याचा मार्ग आहे.
खारदुंगला पास
जम्मू-काश्मीरच्या लडाख भागातील खारदुंगला पास हा सामान्यतः सर्वाधिक उंचीवरील गाडीरस्ता समजला जातो. याची उंची आहे १७,५८२ फूट. तिबेटी भाषेत ला म्हणजे खिंड. लेहच्या उत्तरेला असलेली ही खिंड म्हणजे श्योक आणि नुब्रा खोऱ्याकडे जाणारा एकमेव मार्ग आहे.
Maharashtra Times 23 Apr 2016, 12:12 am