आई बनण्यासाठी मोठ मोठ्या अभिनेत्रींनी केलंय एग फ्रीजिंग! जाणून घ्या तुम्ही कधी करू शकता?

आई होण्याचं योग्य वय आहे 20 ते 30 मध्ये, पण जर एखादी स्त्री 20 ते 30 या वयात आई बनू इच्छीत नाही आणि जर आपल्या करियरमुळे किंवा अन्य कारणामुळे तिला 30 वयानंतर आई बनायचे असेल तर अशावेळी एग फ्रीजिंग पद्धतीचा वापर करून ती आई होण्याचे आपले स्वप्न साकार करू शकते. हॉलीवूडची जगविख्यात अभिनेत्री डायना हेडन हिचं देखील याबाबतीत एक उदाहरण नेहमी दिलं जातं. चला आज आपण याच तंत्रज्ञानाबद्दल जाणून घेणार आहोत.

(वाचा :- डिलिव्हरीनंतर चरबी वाढल्याने पोट सुटलेलं दिसतंय? 'या' उपायांनी मिळवा सपाट पोट व आकर्षक बांधा!)

हि प्रक्रिया म्हणजे कोणत्याही स्त्रीच्या करियर साठी वरदान आहे असे अनेक स्त्रियांचे मत आहे. कारण यामुळे स्त्रीला तिच्या इच्छेनुसार आई होण्याचे स्वातंत्र्य मिळते. तिला आपल्या करियर वर पाणी सोडावे लागत नाही. घरच्यांचा किंवा पार्टनरचा दबाव सहन करून करियरचा घात करावा लागत नाही. या प्रक्रियेमुळे ती दोन्ही बाजूंना सांभाळू शकते. ती स्वत:चे एग्ज उत्तम स्थितीत ठेवू शकते आणि पुढे आपले करियर देखील पूर्ण करू शकते आणि योग्य वय आल्यावर आर्थिकदृष्ट्या सक्षम झाल्यावर आई होण्याचा निर्णय घेऊ शकते.

(वाचा :- करिश्मा कपूरने बहिण करीनाला दिलेल्या ‘या’ प्रेग्नेंसी टिप्स सर्वच महिलांसाठी का आहेत खास?)

अनेकदा आपलं वय निघून जाईल आणि मग पुढे आई होण्यास अडचणी होतील म्हणून मुली घाई घाईत लग्न करतात. मग ज्या मुलासोबत आपण आयुष्य काढणार आहोत त्याला त्या नीट ओळखूही शकत नाही. त्यामुळे असं निर्णय चुकण्याची शक्यता असते. मात्र या प्रक्रीयेमुळे जास्त वयात आई होण्यात निर्माण होणाऱ्या अडचणी संपतात आणि अगदी मान्सारखा जोडीदार मिळेपर्यंत स्त्री वाट पाहू शकते. ही प्रक्रिया भविष्य सावरते असे म्हटले तरी वावगे ठरू नये. ज्या स्त्रियांना आई व्हायचे आहे पण एका विशिष्ट वयात त्यांनी आवर्जून ही प्रक्रिया करून घेतली पाहिजे असा सल्ला जाणकार सुद्धा देतात. आता आपण या प्रक्रिये विषयी काही माहिती जाणून घेऊया.

(वाचा :- नॉर्मल असो वा सिझेरियन, कमजोरी दूर करण्यासाठी सव्वा महिना करा ‘या’ पदार्थांचे सेवन!)

एग्ज फ्रीजिंग या प्रक्रियेमध्ये स्त्रींच्या अंडाशयातील अंडी काढून त्यांना प्रयोग शाळेत सुरक्षितपणे स्टोर केले जाते. वैद्यकीय भाषेत एग्ज फ्रीजिंगला क्राइयोप्रिजर्वेशन असे म्हटले जाते. एग्ज फ्रीजिंग नंतर स्त्री तिला हव्या त्या वयात आई बनू शकते. तिची अंडी हि प्रयोग शाळेत सुरक्षित आणि निरोगी असल्या कारणाने त्या सहाय्याने ती सहजपणे गरोदर राहू शकते. जगभरात हि प्रक्रिया अतिशय प्रसिद्ध असून यशस्वी होण्याचे चान्सेस खूप असतात.

(वाचा :- डिलिव्हरीनंतर कंबरदुखीने हैराण असाल तर 'हे' घरगुती उपाय नक्की ट्राय करा!)

स्त्रियांची प्रजनन क्षमता अर्थात फर्टिलिटी वाढत्या वयासोबत कमी व्हायला सुरुवात होते. अनेकदा काही विशिष्ट कारणांमुळे वा काही शारीरिक समस्यांमुळे एग्जची क्वालिटी आणि प्रमाण सुद्धा कमी होऊ लागते. यामुळेच एका विशिष्ट वयानंतर स्त्रियांना नैसर्गिकरीत्या गरोदर होणे शक्य होत नाही. म्हणून तरुण वयातच जर हि प्रक्रिया केली तर उत्तम ठरते कारण या वयात स्त्रियांच्या अंडाशयातील एग्ज हे चांगल्या क्वालिटीचे आणि अधिक प्रमाणात असतात. म्हणूनच या प्रक्रीयेसाठी योग्य वय असणे गरजेचे असते.

(वाचा :- प्रेग्नेंसीत 'या’ कारणामुळे होतात बेंबीमध्ये वेदना, जाणून घ्या रामबाण उपाय!)