पालकही मुलांच्या अशा वागण्याला बळी पडतात आणि मुलांना घरीच ठेवून घेतात. अनेक वेळा, पालक मुलाला आळशी किंवा खोडकर समजतात आणि त्याला जबरदस्तीने शाळेत पाठवतात, परंतु यामुळे परिस्थिती आणखी गंभीर होते. मूल हट्टी आणि चिडखोर बनते आणि शाळेत जाण्यास आणखी संकोच करते. (फोटो सौजन्य - टाइम्स ऑफ इंडिया)
मुलं शाळेत जाण्यापासून का घाबरतात?
पालकांनी मुलांच्या शाळेत न जाण्याच्या हट्टाकडे गांभीर्याने पाहायला हवं. कारण शाळेत न जाण्या मागचं कारण मुलांकडून जाणून घेणं गरजेचं असतं. कारण मुलांना मोकळं किंवा बोलतं केल्याशिवाय त्यांच्या मनातील भावना कळणार नाही. शाळा ही मुलांच भवितव्य ठरवत असते. अशावेळी शाळेपासून दूर जाण्याचा विचार मुलांच्या मनात का येतोय हे पाहणं गरजेचं आहे.
अनेक कारणांमुळे मुलं करतात शाळेचा द्वेष
शाळेत जाताना रडण्यामागचं कारण मुलं वर्गात रुळलेली नसतात. तर काही मुलं वर्गातील इतर मुलांना घाबरत असतात, त्यामुळे त्यांना शाळेत नसतं जायचं. मुलांना शाळेत अनेकदा असे अनुभव येतात ज्यामुळे त्यांच्या मनात शाळेबद्दल भीती निर्माण होते. तसेच काही मुलांना शिक्षणाची भीती असते. शिकवलेलं काही कळत नसतं. त्यामुळे त्यांना भीती वाटत असते. तर काही मुलांना पालकांपासून दूर जाण्याची भीती वाटते त्यामुळे ते रडतात.
(वाचा - Food For Sperm Count : लो स्पर्म काऊंट वाढवण्यासाठी ५ पदार्थ ठरतात अधिक फायदेशीर)
मुलांच्या समस्येचं कारण समजून घ्या
मुलाची ही भीती काढण्याचा पहिला प्रयत्न करा. नक्की शाळेत न जाण्या मागचं कारण काय हे समजून घेणं गरजेचं असतं. तसेच शिक्षकांशी बोलून तुमच्या मुलाचं शाळेत वर्तन कसं आहे? हे देखील समजून घ्या. वर्गातील इतर मुलं तुमच्या मुलाशी कसे वागतात? हे देखील समजून घेणं गरजेचं आहे.
मुलांवर दबाव आणू नका
मुलांना ओरडून, दम देऊन शाळेत पाठवू नका. कारण अशा केल्यामुळे त्यांना अधिक भीती वाटू शकते. कारण मुलाने प्रेमाने आणि विश्वासाने शाळेत जाणं जास्त गरजेचं आहे. त्याच्या भवितव्याच्या दृष्टीकोनातून हे जास्त महत्वाचं आहे. कारण कोणत्याही समस्यांना सामोर जाण्यासाठी शाळाच बळ देत असते.
(वाचा - प्रेग्नेंसीमध्ये अजिबात करू नका ही ४ काम, प्रीमॅच्युअर डिलीवरीसोबत बाळासाठी मोठा धोका
मुलांचे मित्र बना
मुलांना शाळेत पोहोचवण्याचे किंवा नेण्याचे काम स्वतः करा. मुलाला शिक्षक आणि वर्गातील इतर मित्रांसह समाजात मिसळण्यास मदत करा. मुलाने चूक केली तर त्याला शिव्या देण्याऐवजी ती चूक सुधारण्यास मदत करा. शाळेतून आल्यानंतर मुलांशी बोला आणि दिवसभरात काय केले आणि काय नाही हे त्यांना विचारा. मुलांना हे समजण्यास मदत करा की शाळा ही एक मजेदार जागा आहे आणि जर मुल नियमितपणे शाळेत जात असेल तर तो किंवा ती दररोज नवीन मित्र बनवू शकेल आणि बरेच काही शिकू शकेल.
(वाचा - Worst Food For Kids Teeth : मुलांच्या दातांसाठी हे ५ पदार्थ हानिकारक, पदार्थांवर मारा फुल्ली) )