या आधी मुलगा आणि मुलगी असा भेदभाव देखील व्हायचा. पण आता तसं होताना दिसत नाही. अनेक पालक मुलगा - मुलगी असा भेद नाही करत. आता मुलांपेक्षा मुलींवर पालक अधिक प्रेम करतात, असं चित्र पाहायला मिळतं. असं असलं तरी काही पालक मुलींवर संस्कार करताना काही मोठ्या चुका करतात. ज्याचा थेट परिणाम मुलींच्या भविष्यावर होत असतो. अशा कोणत्या चुका आहेत, ज्या मुली घडवताना पालकांनी अजिबात करू नयेत. (फोटो सौजन्य - टाइम्स ऑफ इंडिया)
फक्त मुलांना प्राथमिकता देऊ नका
आता पालक तसे जेंडर पार्शलिटी करत नाहीत. मात्र अनेकदा मुलांच्या चुकांकडे दुर्लक्ष केलं जातं. ज्यामुळे तुमच्या मुलीवर याचा विचित्र परिणाम होतो. मुलगा असो किंवा मुलगी त्यांना समान वागणूक द्या. ज्यामुळे त्यांच्या जीवनावर सकारात्मक परिणाम होतो.
मुलींकरता मर्यादा आखू नका
मुलाकरता कोणत्याच मर्यादा नाही पण मुलीकरता सगळ्या मर्यादा. या गोष्टी कटाक्षाने टाळा. यामुळे मुलीच्या जीवनावर नकारात्मक परिणाम होतो. तसेच मुलगा आणि मुलगी यांना स्वतंत्रपणे जगू द्या. त्या दोघांना वेग वेगळ्या मर्यादा घालू नका.
दोघांना समान वागणूक द्या
अनेकदा असं होतं की, काही पालक मुलासाठी खूप गोष्टी आणतात तर मुलीसाठी काहीच नाही. मुलांसाठी वेगळा नियम आणि मुलींसाठी वेगळा, असं असू नये. पालक कधी कळत नकळत या चुका करतात. तेव्हा मुलींना चुकीची वागणूक मिळते.
(वाचा - Parenting Tips : 3 वर्षांच्या मुलांना घरीच शिकवा या ५ गोष्टी, शाळेत जाण्यापूर्वीच सकारात्मक बदल अनुभवाल) )
मुलींना देखील आपलं मत मांडण्याची संधी द्या
मुलगा आणि मुली असा भेद न करता या मुलांना मोकळेपणाने बोलायला संधी द्या. दोघांची मते जाणून घ्या. कारण असं न केल्यामुळे फक्त तुम्ही मुलीलाच चुकीची वागणूक न देता मुलालाही चुकीची वागणूक देता. ज्याचा मुलांच्या जीवनावर वाईट संस्कार घडत आहे.
(वाचा - How To Make Your Kids Smarter : मुलांना स्मार्ट बनवण्यासाठी त्यांना जरूर शिकवा 'या' ६ गोष्टी)
चुकूनही तुलना करू नका
मुलगा आणि मुलगी अशी तुलना कधीच करू नका. यामुळे तुम्ही दोघांवरही विचित्र संस्कार करता. मुलगी तर परक्याचं धन असतं, असं वाक्य सतत बोलू नका. यामुळे मुलांना तेवढंच फावत आणि त्याचा विपरित परिणाम मुलींवर होतो. मोठं झाल्यावर या दोघांमध्ये मतभेद निर्माण व्हायला याच गोष्टी कारणीभूत असतात.
(वाचा - अंडाशयातील गाठ ठरू शकते वंध्यत्व कारण, डॉक्टरांनी दिलेल्या या टिप्स ठरु शकतात वरदान) )