आज आपण या लेखातून त्याच बॉलीवूड अभिनेत्रींनी दिलेल्या योग टिप्स जाणून घेऊया, जेणेकरून त्यचा फायदा सर्वसामान्य स्त्रियांना देखील होईल. या टिप्स केवळ गरोदरपणाच्या काळात शरीर मजबूत ठेवणार नाहीत तर गरोदरपणा नंतरचा डिलिव्हरीचा काळ देखील सुकर करतील. शिवाय याचा फायदा गर्भातील बाळाला सुद्धा होतो.
अनुष्का शर्मा
अनुष्का शर्मा आई होणार असल्याची बातमी बाहेर आली आणि विराट व तिच्या चाहत्यांच्या आनंदाला पारावार उरला नाही. तिच्या या कठीण काळात विराट शक्य तितक्या प्रकारे तिची काळजी घेतो आहेच आणि अनुष्का सुद्धा सर्व प्रकारे स्वत:ला फिट ठेवण्यासाठी झटते आहे. काहीच दिवसांपूर्वी अनुष्काने आपल्या सोशल मिडीयावर शीर्षासन करतानाचा एक फोटो पोस्ट केला होता. विराटच्या मदतीने ती हे आसन करत होती. अनुष्काने सोबत हा सुद्धा संदेश दिला की अन्य गरोदर स्त्रिया सुद्धा विश्वासू व्यक्तीच्या वा ट्रेनरच्या देखरेखीखाली हे आसन करू शकतात. हे आसन अनुष्का गरोदरपणाच्या आधीपासून करते आहे हे विशेष!
(वाचा :- हाय ब्लड प्रेशरमुळे का करावी लागते सिझेरियन डिलिव्हरी? जाणून घ्या नॉर्मल डिलिव्हरीसाठी उपाय!)
करीना कपूर खान
करीना तर खूप वर्षांपासून योग करते आहे. दुसऱ्यांदा गरोदर असणारी करीना कपूर खान आपली डायटिशियन ऋतुजा दिवेकर हिच्या देखरेखीखाली स्वत:ला फिट ठेवते. 2020 च्या ऑगस्ट महिन्यात ऋतुजा दिवेकर हिने आपल्या इंस्टाग्राम पोस्टच्या माध्यमातून करीना कोणते व्यायाम प्रकार करते ते सांगितले होते. यात योगाचा उल्लेख तिने आवर्जून केला आणि करीना प्रमाणे प्रत्येक गरोदर स्त्रीने आवर्जून योग केला पाहिजे असे तिने नमूद केले. करीनाने सुद्धा वारंवार अनेक मुलाखतींमधून योगमुळे तिला झालेला फायदा सांगितला आहे.
(वाचा :- सिझेरियन डिलिव्हरीनंतर टाक्यांमध्ये होऊ शकतं इन्फेक्शन, या गोष्टींची घ्या काळजी!)
लिजा हेडन
लिआ हेडन हि अशी अभिनेत्री जी आपल्या फिटनेस मुळे नेहमीच चर्चेत असते. झिरो फिगर असणाऱ्या अभिनेत्रींमध्ये तिचे नाव आवर्जून घेतले जाते. तिने एका मुलाखतीमध्ये गरोदरपणात तिने केलेल्या व्यायाम प्रकाराबद्दल दिलखुलास चर्चा केली. तिने सांगितले की गरोदरपणाच्या दुसऱ्या तिमाहीमध्ये ती बेले वर्कआऊट करायची. जास्तीत जास्त फ्लोर एक्सरसाई वर व योगा वर तिने भर दिला आणि त्याचे फलित म्हणून गरोदरपणात सुद्धा ती स्वत:ला मेंटेन ठेवू शकली.
(वाचा :- थंडीत प्रेग्नेंट महिलांनी अशी घ्यावी स्वत:ची काळजी! जाणून घ्या काय करावं व काय टाळावं?)
कल्कि कोचलिन
गरोदरपणात फिट राहण्यासाठी कल्की सुद्धा योगचाच आधार घेते. तिच्या मते गरोदरपणात जर मानसिक आणि शारीरिक दोन्ही रित्या स्वस्थ राहायचे असेल तर योगला पर्याय नाही. जी स्त्री गरोदरपणात योग करते ती अधिक निरोगी राहते. कल्कीने गरोदरपणात मलासन करतानाचा एक फोटो शेअर केला होता. याशिवाय उत्कट कोनासन सुद्धा ती नियमित करायची. या आसनांमुळे नितंब मजबूत होतात आणि डिलिव्हरी सहज होते. त्यामुळेच ही आसने गरोदर स्त्रीने न चुकता करावीत.
(वाचा :- डिलिव्हरीनंतर रक्ताची कमतरता दूर करण्यासाठी जीवनशैलीत करा 'हे' खास बदल!)
गरोदरपणातील सुरक्षित आसने
गरोदरपणात शरीर अतिशय नाजूक असते. या काळात योग नक्की करावा. पण तुम्ही कोणतेही असं करू शकत नाही. गरोदरपणात करावयाची काही खास आसने आहेत. जसे की वक्रासन, उत्कटासन, कोणासन, हस्त पननगुस्तासन, पर्वतासन, यस्टिकासन यांसारखी आसने स्त्रीला गर्प्दार्पानात उपयुक्त ठरू शकतात. गरोदर स्त्रीला योग बद्दल जास्त माहिती नसेल तर तिने स्वत:हून कोणतेही असं करू नये. यामुळे शरीराच्या अवयांवर चुकीचा दबाव पडून समस्या उद्भवण्याचा धोका असतो. त्यामुळे गरोदर स्त्रीने प्रशिक्षित योग ट्रेनर वा डॉक्टरांच्या सल्ल्यानेच योग्य असणे योग्य प्रकारे करावीत. हा लेख जास्तीत जास्त लोकांपर्यंत पोहोचवा. जेणेकरून अनेक गरोदर स्त्रियांना योगचे महत्त्व कळेल आणि त्या गरोदरपणात योग करून स्वत:ला व बाळाला सुरक्षित ठेवू शकतील.
(वाचा :- आईच्या ‘या’ चुकांमुळे पोटातच होऊ शकतो बाळाचा मृत्यु! काय काळजी घ्यावी?)