प्रीती झिंटाची पोस्ट
काही दिवसांपूर्वी प्रिती झिंटाने तिच्या इंस्टाग्राम अकाउंटवर एक पोस्ट टाकली होती. यामध्ये तिने आपल्या एका जुळ्या मुलांसोबतचा फोटो पोस्ट केला आहे. प्रितीच्या खांद्यावर एक बर्प क्लोथही होतं. या पोस्टवर प्रितीने कॅप्शनमध्ये लिहिले की, 'बर्प क्लॉथ, डायपर आणि बेबीज... हे सर्व खूप क्यूट आहे'. जर तुम्ही अभिनेत्री प्रीती झिंटा सारखी जुळी मुले सांभाळत असाल तर पुढे दिलेल्या काही टिप्स तुमच्यासाठी उपयुक्त ठरू शकतात.
एकच शेड्युल ठेवणे
तुम्ही प्रयत्न केला पाहिजे की दोन्ही मुलांच्या झोपण्याचे आणि खाण्याचे शेड्युल एकच असेल. जर एकाच वेळी दोन्ही मुले झोपत असतील व एकाच वेळी त्यांचे जेवण होत असेल तर तुमची डबल मेहनत वाचते. शिवाय जेव्हा ते दोघेही झोपलेले असतील तेव्हा तुम्हाला आराम मिळेल. त्यामुळे दोन्ही मुलांच्या खाण्याच्या आणि झोपण्याच्या वेळा ठरवण्याचा प्रयत्न केला तर पालक म्हणून तुमचं आयुष्य नक्कीच सुखकर होईल.
दोन दोन गोष्टी खरेदी करू नका
अनेक पालक एक चुकी करतात की ते आपल्या दोन मुलांसाठी सेम गोष्टी खरेदी करतात. ही चूक यासाठी आहे कारण प्रत्येक मुलाची आवड वेगळी असते. त्यामुळे तुम्ही खरेदी केलेली वस्तू एका मुलाला आवडेल पण दुसऱ्या मुलाला आवडेलच असे नाही. पालक या विचाराने एकच गोष्ट खरेदी करतात की त्यांच्यात भांडणे होऊ नये. पण हा विचार न करता मुलांची आवड काय त्यानुसार गोष्टी खरेदी केलेल्या उत्तम!
स्वत:ला सुद्धा वेळ द्या
पालकांनी सतत मुलांच्या काळजीपोटी स्वत:ला त्रास करून घेण्यात अर्थ नाही. पालकांनी त्यांची काळजी घेण्यासोबतच स्वत:च्या जीवाला देखील वेळ दिला पाहिजे. अशावेळी पालकांनी हा विचार केला पाहिजे की उद्या जर त्यांना बरं नसेल वा ते आजारी पडले तर मुलांची काळजी कोण घेणार, पण मुलांची काळजी घेण्यासोबतच स्वत:च्या आरोग्याची आणि तब्येतीची काळजी सुद्धा पालकांनी आवर्जून घेतली पाहिजे. जेणेकरून त्यांचे पालनपोषण नीट होईल.
मुलांना वेगळे करू नका
अनेक पालकांना वाटते की आपल्या मुलांना वेगवेगळे ठेवले तर त्यांना चांगली झोप लागेल. पण हा एक गैरसमज असुन उलट तुम्ही त्यांना एकत्र झोपवले तर तुम्ही त्यांची एकत्र काळजी घेऊ शकता. म्हणून मुलांच्या नेहमी सोबत राहा. यामुळे त्यांना सुद्धा कधी काही गरज पडली तर तुम्ही नेहमी त्यांच्या सोबत असाल. त्यांना सुद्धा आपले आई वडील सोबत आहेत याचा विश्वास असेल आणि ते शांत राहू शकतील. त्यामुळे शक्य असल्यास नेहमी मुलांसोबत राहा.