सध्या आर माधवनचा मुलगा वेदांत याची जोरदार चर्चा रंगली आहे. वेदांतने डेनिश ओपन २०२२ मध्ये तैराकीत सुवर्ण आणि रौप्य पदक जिंकलं आहे. वेदांतने १५०० मीटर फ्रीस्टाइल तैराकी स्पर्धा केवळ १५:५७ ८६: वेळेत पूर्ण केली. आर माधवनने याचा व्हिडीओ शेअर केला आहे. पुरुषांच्या 1500 मीटर फ्रीस्टाइल स्पर्धेत रौप्य पदक मिळवले. वेदांतने १० जलतरणपटूंच्या अंतिम फेरीत 15.57.86 सेकंद वेळेसह दुसरे स्थान पटकावले याची सगळीकडेच चर्चा आहे.
आर माधवनच्या मुलाची ही कामगिरी खरंच कौतुकास्पद आहे. यामुळे वेदांतने संपूर्ण भारताचं नाव जगभरात पटकावलं आहे. वडिल म्हणून आर माधवनचे ५ गुण यासाठी खास ठरतात. ज्यामुळे वडिल - मुलांचं नातं तर खास आहे. (फोटो सौजन्य - आर माधवन इंस्टाग्राम आणि टाइम्स ऑफ इंडिया)
आपल्या यशाचा मुलांवर परिणाम होऊ दिला नाही
अभिनेता आर माधवन हे बॉलिवूड आणि टॉलिवूडमधील लोकप्रिय नाव. वयाच्या पन्नाशीनंतरही अभिनेता आर माधवनची लोकप्रियता कायम आहे. मॅडी म्हणून लोकप्रिय असलेला आर माधवन आजही अनेक मुलींच्या गळ्यातील ताईत आहे. असं असतानाही आर माधवनने आपली लोकप्रियता आणि यशाचा परिणाम आपल्या कुटुंबावर आणि मुलावर होऊ दिला नाही. आर माधवन याने यशाचं शिखर गाठलं पण स्वतः कायमच जमिनीवर राहिला. आपलं यश हे मेहनत आणि प्रयत्नाने मिळवलं आहे. प्रत्येकाला आपल्या यशाची व्याख्या ही स्वतः निर्माण करावी लागते. याची जाणीव आर माधवनने आपल्या मुलाला करून दिली आहे. त्यामुळे त्याच्या मुलाचं यश हे अतिशय कौतुकास्पद आहे.
(वाचा - Child Teeth Care : लहानपणापासूनच मुलांचे दात Cavity Free कसे ठेवाल? ५ टिप्स) )
मुलाचं भरभरून कौतुक केलं
आर माधवन याने कायमच आपल्या मुलाचं वेगळेपण जपून ठेवलं आहे. यशस्वी अभिनेता असूनही त्याने कधीच वेदांतला सिनेसृष्टीचं आकर्षण पडू दिलं नाही. मुलाची आवड जपून त्याला त्यामध्ये यशस्वी होण्यास मदत करणारे पालक खूप महत्वाची भूमिका बजावत असतात. आर माधवन कायमच वेदांतचं कौतुक करत असतो. सोशल मीडियावर अभिमानाने मुलाच्या यशाची पोस्ट टाकत असतो. मुलं घडत असताना त्यांना कौतुकाची नितांत गरज असते. पालक म्हणून योग्य संगोपन आणि कौतुकाचे चार शब्द देणं खूप आवश्यक असतं.
(वाचा - New Dad and Stress: पहिल्यांदाच बाबा होताना... मानसिकरित्या स्वतःला असं सांभाळा, तज्ज्ञांचा सल्ला) )
वेदांतने भारताची मान उंचावली, सुवर्ण पदक जिंकल
मुलाप्रती कायमच कृतज्ञ राहिला
अभिनेता आर माधवन कायमच कृतज्ञ राहतो. त्याच्या सोशल मीडियावरील पोस्टवरून कायमच जाणीव होते. मात्र मुलांप्रती कृतज्ञ राहणं ही खूपच मोठी गोष्ट आहे. आर माधवनने वेदांतच्या १६ व्या वाढदिवशी एक पोस्ट शेअर केली होती. यामधून तो मुलाच्याप्रती किती कृतज्ञ आहे याची जाणीव होते. मुलाचं कौतुक करताना मॅडी म्हणतो की,''मी ज्या गोष्टींमध्ये उत्तम आहे त्यात तू मला मागे टाकते सर्वोत्तम झाला आहेस, त्याबद्दल धन्यवाद. माझी छाती अभिमानाने फुलली आहे, त्याबद्दल धन्यवाद... मी नक्कीच तुझ्याकडून काही तरी शिकीन. १६ व्या वाढदिवासाच्या शुभेच्छा. माणूस म्हणून तू माझ्यापेक्षाही सर्वोत्तम होशील अशी अपेक्षा करतो. मी एक नशीबवान बाप आहे.''. आर माधवनचे हे शब्द बरंच काही शिकवून जातात.
वेदांतच्या १६ व्या वाढदिवशी खास इंस्टाग्राम पोस्ट
मुलाच्या प्रगतीसाठी तडजोड करण्यास तयार राहा
आर माधवनने फक्त मुलाचं कौतुक करून तो तिथेच थांबला नाही. तर त्याने मुलाच्या प्रगतीसाठी तडजोडीची तयारी देखील दाखवली. वेदांत सध्या ऑल्मिपिकची तयारी करत आहे. त्याला उत्तम मार्गदर्शन मिळावं म्हणून आर माधवन आणि त्याचं संपूर्ण कुटूंब दुबईत स्थायिक झालं आहे. मुलाने अभिनय क्षेत्रात यावं अशी अपेक्षा न करता मॅडीने मुलाला त्याच्या आनंदाचा मार्ग स्वीकारण्यास सांगितला. माझ्या करिअरपेक्षा मला वेदांतच करिअर अधिक महत्वाचं असल्याचं अनेकदा आर माधवन सांगतो. एवढंच नव्हे तर प्रत्येक पालकाने आपल्या मुलांना त्यांच्या पंखाने उडण्याचं बळ द्यावं. त्यांचा मार्ग त्यांना स्वतः निवडू द्यावा, असा सल्ला देखील दिला.
(वाचा - भारती सिंगचा व्हिडिओ पाहिला का? दाखवलं प्रेग्नेंसीत लेबर पेन दरम्यान काय काय घडलं, तिचा अनुभव पाहून येईल अंगावर काटा..! ) )
आर माधवनचा दुबईतील प्रवास
मुलाची नाळ जमिनीशी जोडून ठेवा
आर माधवनने आपल्या संस्कृतीशी वेदांतला जोडून ठेवलं आहे. आर माधवन वेदांत आणि आपल्या वडिलांसोबत पूजा करतानाचा एक फोटो सोशल मीडियावर प्रचंड व्हायरल झाला होता. या फोटोतून मॅडीने वेदांतची नाळ जमिनीशी जोडून ठेवल्याचं स्पष्ट होतं. आर माधवन आपल्या वडिलांबद्दल किती कृतज्ञ आहे हे त्याच्या पोस्टमधून त्याने मांडल आहे. आजोबा नातू यांच्यातील नातं देखील तेव्हा अधोरेखित होतं. आर माधवनच्या वडिलांचा आणि मुलाचा जान्हव घातलेला फोटो देखील सोशल मीडियावर खूप व्हायरल झाला होता.
(वाचा - का म्हटलं जातंय की नातं असावं तर प्रियांका चोप्रा आणि तिची आई मधुसारखं, दोघींमध्ये होते ‘या’ विषयांवर चर्चा..!) )