शिएंग खुआन

शिएंग खुआन हे लाओसमधील प्रख्यात शिल्पउद्यान आहे. मेकाँग नदीकाठी वसलेल्या या उद्यानात हिंदू आणि बौद्ध संस्कृतींचा मिलाफ साधणारी, कलाकुसर केलेली ही काँक्रीटची तब्बल २०० शिल्पे आहेत. यामुळेच या उद्यानाला वाट शिएंग खुआन किंवा स्पिरिट सिटी असे म्हटले जाते. लुआंग पू ब्युनलू सुलिलात या धर्मगुरूने १९५८मध्ये हे उद्यान स्थापन केले. लोकप्रिय पर्यटनस्थळ म्हणून हे उद्यान विकसित करण्यात आले आहे. यात काही विचित्र शिल्पेही आहेत. पृथ्वी, स्वर्ग आणि नरक यांची प्रतीके असलेला तीन मजल्यांचा आवाढव्य भोपळा हे या उद्यानातील एक वैशिष्ट्यपूर्ण शिल्प.