त्यांची बुद्धी लहानपणापासूनच खूप फास्ट असल्याने ते अभ्यासात सुद्धा हुशार असतात. अशा मुलांची ही विशेषता पालकांनी समजून घेणे गरजेचे आहे. कोणत्याही प्रकारची गोष्ट त्यांना सांगा ती त्यांच्या बरोबर लक्षात राहते. त्याचा आयक्यू लेव्हल सुद्धा जास्त असते. अनेकदा तर अशा मुलांचा आयक्यू लेव्हल 130 पेक्षाही जास्त असल्याचे आढळले आहे.
जिज्ञासू वृत्ती
अशा मुलांची वृत्ती ही खूप जिज्ञासू असते. ते अभ्यासात हुशार असतात. शिवाय त्यांचे वाचन कौशल्य सुद्धा वयाच्या मानाने खूप जास्त असते. अशा मुलांना कोणतीही माहिती मिळाली की त्यावर ते खूप विचार करतात आणि त्यांच्या मनात त्याबद्दल खूप प्रश्न येतात. हे असेच का? हे तसेच का? असे प्रश्न या मुलांना सतत पडत असतात. अनेक पालक मुलांच्या अशा प्रश्नाला कंटाळतात, पण खरं तर अशा प्रश्नांना उत्तर देऊन त्यांच्या बुद्धीला चालना दिली पाहिजे.
शिकण्याची क्षमता
अशा लहान मुलांमध्ये दुसऱ्या मुलांपेक्षा शिकण्याची क्षमता खूप जास्त असते. अशी मुले कोणत्याही गोष्टीमागचे मुळ कारण समजून घेऊन त्यांच्या मनातील सर्व प्रश्न दूर करण्यासाठी कंसेप्ट क्लीयर करून घेणे पसंत करतात. अशा मुलांमध्ये पब्लिक स्पिकिंगची क्वालिटी देखिल असते. ते कोणासमोरही आपली बाजू मांडण्यास घाबरत नाहीत. आपल्या विचारांवर त्यांना निष्ठा असते. आपली गोष्ट दुसऱ्यांना पटवून देण्याचे कौशल्य देखील त्यांच्याकडे असते. म्हणूनच अशी मुले इतर मुलांपेक्षा जास्त प्रगती करतात.
(वाचा :- सावधान, ‘या’ राशीच्या मुलांना खोटं बोलण्याची असते प्रचंड सवय, आई-वडिलांनाही सहज बनवतात उल्लू!)
शार्प मेमरी
अशा मुलांची मेमरी अत्यंत शार्प असते. अगदी भरपूर महिन्यांपूर्वी घडलेली घटना सुद्धा त्यांना अगदी नीट आठवते. फार कमी गोष्टी ही मुले विसरतात. ते खूप वेळ एकाच जागी बसून एखाद्या गोष्टीकडे खूप वेळ पाहत ध्यानस्थ राहू शकतात. त्यांची कॉन्‍संट्रेशन पावर अत्यंत भारी असते. कोणतीही प्रश्न सोडवायचा म्हटला तर त्यांना जास्त वेळ लागत नाही. सर्वात महत्त्वाची गोष्ट ते खूप वेळ वाचन करू शकतात. वाचन जेवढे जास्त कराल तेवढी बुद्धी अधिक प्रगल्भ होते आणि म्हणून हे अशा मुलांसाठी एक प्रकारचे वरदानच ठरते.
काम संपवल्याशिवाय स्वस्थ बसत नाहीत
अशी मुले त्यांना जे काम अत्यंत आवडते हे एकदा हाती घेतले की ते संपवल्याशिवाय उठतच नाहीत. ते फार कमी वेळा कंटाळतात. अर्थात पण काम सुद्धा त्यांच्या आवडीच हवं. त्यांना बुद्धीच्या जोरावर सोडवले जाणारे पझल्स सॉल्व्ह करणे खूप आवडते. कोणत्याही समस्येचे निवारण पटकन आणि स्मार्टरित्या करण्यात ही मुले तरबेज असतात. अशा मुलांची काल्पनिक शक्ती सुद्धा खूप चांगली असते. ते गोष्टी रंगवण्यात हुशार असतात. एखादी गोष्ट सरळ पद्धतीने सांगण्यापेक्षा रंगवून सांगणे त्यांना जास्त आवडते. नवनवीन गोष्ट शोधणे हा तर त्यांचा छंदच असतो.
सकारात्मक
अशा मुलांची सर्वात विशेष गोष्ट म्हणजे ते अत्यंत सकारात्मक असतात. शिवाय ते सत्यावर अडून बसणारे असतात. त्यामुळे अशी मुले कधी कधी हट्टी म्हणून सुद्धा ओळखली जातात. पण त्याला हट्ट म्हणणे चुकीचे ठरते. कारण जी गोष्ट खरी आहे ती गोष्ट ते धरून असतात. तर मंडळी तुमच्या मुलामध्ये सुद्धा अशा गोष्टी तुम्हाला दिसत असतील तर त्याला चालना द्या. त्याच्या बुद्धीच्या कक्षा रुंद करा. त्याला नवनवीन गोष्टी शिकू द्या. त्याला अधिक प्रगल्भ होऊ द्या. तेव्हाच त्याच्या या कौशल्याचा योग्य वापर तो करू शकेल.
(वाचा :- लहान बाळ हाताच्या मुठी का ठेवतं कायम बंद? कारण ऐकून व्हाल हैराण!)