हे सगळं एकाच वेळी व्हावं म्हणून अनेक पालक जुळ्या मुलांसाठी प्रयत्न करतात. तुमचा देखील हाच विचार असेल आणि तुम्हाला सुद्धा जुळ्या मुलांचे आई बाबा व्हायचे असेल तर आज या लेखातून आम्ही सांगणार आहोत असे काही उपाय जे तुमचं हे स्वप्न पूर्ण करू शकतात.
अधिक वय असताना
स्त्रीचं वय अधिक झाल्यावर तिने जुळ्या मुलांसाठी प्रयत्न करावेत. मेनोपॉजच्या आधी स्त्रियांची ओवारी जास्त सक्रीय असते आणि यात दर महिन्याला एक पेक्षा जास्त एग रिलीज होत असतात. अशात एस्ट्रोजन हार्मोन आणि फर्टीलीटी फॉलिकल स्टिमुलेटिंग हार्मोनच्या वाढण्याने फर्टिलिटी मध्ये सुद्धा सुधारणा होते. उदाहरण म्हणून तुम्ही बॉलीवूड मधील प्रसिद्ध डायरेक्टर आणि प्रोड्युसर फराह खानकडे पाहू शकता. फराह खान यांनी 40 वय उलटून गेल्यावर मुलांसाठी प्रयत्न केले आणि त्यांच्या पदरात तिळे अर्थात तीन मुलांचे दान पडले.
(वाचा :- मुलांबाबत हा बेजबाबदारपणा केल्यास तुमचं चांगले पालक बनण्याचं स्वप्न राहिल सदैव अपूर्णच!)
इन विट्रो फर्टिलाइजेशन (आईवीएफ)
असं म्हणतात की इन विट्रो फर्टिलाइजेशन अर्थात आईवीएफ ट्रिटमेंटने कंसीव केल्याने जुळी मुले होण्याची शक्यता सर्वाधिक असते. याशिवाय फर्टिलिटी औषधांनी ओवरी मध्ये अंड्यांच्या उत्पादनाला उत्तेजित करण्याची आणि जुळी मुळे होण्याची शक्यता वाढीस लागते. फर्टिलिटी वाढवणाऱ्या औषधांमध्ये ओवरीत जास्त एग्ज बनवण्याची क्षमता आसते. जर जास्त एग्ज बनतील तर एक पेक्षा जास्त एग रिलीज आणि पुन्हा फर्टिलाईज होण्याची संभावना सुद्धा जास्त असते. त्युमुळे जुळ्या मुलांचे पालक होण्यासाठी इन विट्रो फर्टिलाइजेशन अर्थात आईवीएफ हा चांगला मार्ग आहे.
(वाचा :- बाळाला डाळ भरवण्याचे 'हे' फायदे तुम्हाला माहित आहेत का?)
गर्भनिरोधक आणि फॉलिक अॅसिड सप्लीमेंट
जर तुम्ही गर्भनिरोधक औषधे घेत असाल तर ती बंद करून तुम्ही त्वरित कंसीव करण्यासाठी प्रयत्न करू शकता. या दरम्यान शरीर हे हार्मोन्सशी जुळवून घेत असतं म्हणून या वेळी एग्जच्या जास्त उत्पादनाची शक्यता जास्त असते. कंसीव करण्याच्या प्रयत्नावेळी फॉलिक अॅसिडचे सप्लीमेंट घेण्याने सुद्धा जुळी मुळे होण्याची शक्यता वाढते. कंसीव करण्याच्या काही महिन्याआधीपासूनच फॉलिक अॅसिडचे सेवन करायला सुरुवात करा. डॉक्टरांचे म्हणणे आहे की गरोदरपणाच्या दरम्यान फॉलिक अॅसिड घेतल्याने स्पिना बिफिडा सारखे न्यूरल ट्यूब डिफेक्टच्या धोक्याला कमी केले जाऊ शकते.
(वाचा :- कुणाल खेमूला का मानलं जातं एक आदर्श पती आणि पिता?)
डायट
जुळ्या मुलांसाठी प्रयत्न करताना आपल्या डायटकडे सुद्धा विशेष लक्ष द्यावे. रताळी आणि काही कंदमुळे खाल्ल्याने ओवरी अधिक चांगल्या प्रकारे आणि प्रभावीपणे कार्य करते आणि यामुळे एग्जचे उत्पादन वाढून जुळी मुले होण्याची जास्त शक्यता निर्माण होते. याचे कारण म्हणजे ज्या भागात स्त्रिया कंदमुळे जास्त प्रमाणात खातात त्या भागातील स्त्रियांमध्ये जुळी मुले होण्याचे प्रमाण सर्वाधिक आहे. याशिवाय जर आधीपासूनच एक मुल असेल तर तुम्ही त्याला जेवढा जास्त काळ स्तनपान कराल तेवढी जुळी मुले होण्याची शक्यता वाढीस लागते.
(वाचा :- बाळासाठी घरच्या घरी बनवू शकता काजळ, जाणून घ्या सर्वात सोपी पद्धत!)
इतर महत्त्वाच्या गोष्टी
जुळ्या मुलांसाठी प्रयत्न करताना आवर्जून काही गोष्टींचा विचार करावा. सर्वप्रथम स्वत:च्या आरोग्याचा विचार करावा. जुळी मुले होणे म्हणजे शरीरावर जास्त भर पडणे आणि आरोग्याला किंचितसा धोका निर्माण होणे. या काळात स्त्रीला स्वत:ची सर्वाधिक काळजी घ्यावी लागते. कारण एक चूक तिच्या आणि मुलांच्या जीवाला घातक ठरू शकते. त्यामुळे जुळ्या मुलांसाठी प्रयत्न करण्यापूर्वी एखाद्या जाणकार व्यक्ती किंवा डॉक्टरचा सल्ला आवर्जून घ्यावा. त्यांच्या मार्गदर्शनानुसारच गोष्टी कराव्यात आणि जर त्यांनी काही धोके सांगितले तर शक्य असल्यास हा विचार टाळावा. जर काहीच समस्या येणार नसेल तर तुम्ही जुळ्या मुलांचे पालक होण्याचे स्वप्न पूर्ण करू शकता.