मनशक्ती प्रयोग केंद्राद्वारे
मोफत व्याख्यानमाला
ज्ञानप्रकाश यात्रेनिमित्त तीन दिवस आयोजन
म. टा. प्रतिनिधी, नगर
लोणावळा येथील मनशक्ती प्रयोग केंद्राच्या पुढाकाराने नगरमध्ये येत्या २१ ते २३ नोव्हेंबरदरम्यान तीन दिवस मोफत व्याख्याने होणार आहेत. ज्ञानप्रकाश यात्रा उपक्रमानिमित्त ही व्याख्याने होणार आहेत. 'तन आणि मनाचे सर्वांगीण आरोग्य', 'मत्सर पात व वास्तुशुद्धी' आणि 'सुजाण पालकत्व' या विषयांवर मनशक्ती केंद्राचे तज्ज्ञ साधक या व्याख्यानमालेत मार्गदर्शन करणार आहेत.
लोणावळ्याच्या मनशक्ती प्रयोग केंद्राच्या वतीने दरवर्षी राज्याच्या विविध शहरांमध्ये ज्ञानप्रकाश यात्रेचे आयोजन केले जाते. यंदाच्या यात्रेचे येत्या १९ ते २३ नोव्हेंबरदरम्यान नगर शहरासह राज्यातील ८ शहरांमध्ये आयोजन करण्यात आले आहे. यात्रेच्या काळात नगर शहरात २१ ते २३ नोव्हेंबर या कालावधीत रोज सायंकाळी साडेसहा वाजता व्याख्यानमाला होणार आहे. सावेडीच्या गुलमोहोर रस्त्यावर जॉगिंग पार्कशेजारी असलेल्या खंडेलवाल सांस्कृतिक भवनात २१ रोजी 'तन आणि मनाचे सर्वांगीण आरोग्य,' २२ रोजी 'मत्सर पात व वास्तुशुद्धी' आणि २३ रोजी 'सुजाण पालकत्व' या विषयांवर तज्ज्ञांची व्याख्याने होणार आहेत. नाशिक केंद्राचे साधक दत्तात्रय कुलकर्णी व नगर केंद्राच्या संचालिका प्रा. मीरा पटारे यांच्यासह अन्य सदस्यांनी नियोजन केले आहे.
मनशक्ती केंद्राचे संस्थापक स्वामी विज्ञानानंद यांच्या स्मृतिदिनानिमित्त राज्यात नगरसह पालघर, सावंतवाडी, सोलापूर, खारघर, इचलकरंजी, भुसावळ व लोणावळा या ८ शहरांमध्ये ज्ञानप्रकाश यात्रेचे आयोजन करण्यात आले आहे. तणावमुक्ती, मत्सराचे दुष्परिणाम, परिवाराचे सुख आणि शांती, मनोधैर्यासाठी ध्यान, इच्छापूर्तीसाठी ज्योतिध्यान, मुलांचा सर्वांगीण विकास, अभ्यास यशाच्या युक्त्या, तारुण्यातील महत्त्वाकांक्षा, विद्यार्थी समस्या व उपाय अशा विविध विषयांवर मोफत मार्गदर्शन या यात्रेनिमित्ताने केले जाणार आहे. संपर्क-९०९६२४४४४५.
............
कार्यालयांतूनही मार्गदर्शन
ज्ञानप्रकाश यात्रेनिमित्त विविध संस्था, ऑफिस, कारखाने, बँका, बचत गट, पोलिस स्टेशन, ज्येष्ठ नागरिक संघ, शाळा, महाविद्यालये, खासगी क्लास अशा संस्थांमध्येही मनशक्ती केंद्राचे तज्ज्ञ स्वत: जाऊन विविध विषयांवर तासभर मार्गदर्शन करणार आहेत.
.............