म. टा. प्रतिनिधी, नगर
तिसगाव (ता. पाथर्डी) येथील शाळकरी मुलीवर अत्याचार केल्याच्या गुन्ह्यात अत्याचार केलेल्या आरोपीचे ‘सीसीटीव्ही’ फुटेज पोलिसांना मिळाले आहेत. या फुटेजमध्ये आरोपीच्या मोटारसायकलवर बसून पीडित मुलगी जात असल्याचे दिसत आहे. त्यावरून आता पोलिसांनी परिसरातील गावात हे फुटेज दाखवून आरोपीचा शोध सुरू केला आहे.
मांडवे येथून तिसगाव येथे शाळेला जाण्यासाठी एका मुलीला मोटारसायकलवर लिफ्ट देणाऱ्यानेच पुढे शेतात नेऊन तिच्यावर बलात्कार केला. त्यानंतर शाळेजवळ सोडून दिले. तीन दिवसांपूर्वी घडलेल्या या घटनेचे तीव्र पडसाद जिल्ह्यात उमटत आहेत. पीडित मुलगी व तिच्या आईने केलेल्या वर्णनावरून आरोपीचे रेखाचित्र पोलिसांनी प्रसिद्ध केले होते. परंतु, त्यातून पोलिसांच्या हाती काही लागले नाही. त्यामुळे या गावातील दुकानांमध्ये कोठे ‘सीसीटीव्ही’ कॅमेरे आहेत का, याचा शोध पोलिस घेत होते.
रविवारी स्थानिक गुन्हे शाखेचे पोलिस निरीक्षक दिलीप पवार व पाथर्डी पोलिस स्टेशनचे पोलिस निरीक्षक राजेंद्र चव्हाण यांनी तिसगावमधील एका कम्प्युटर सेंटरमध्ये लावलेल्या ‘सीसीटीव्ही’चे फुटेज तपासले. यामध्ये आरोपी हा पीडित मुलीला मोटारसायकलवर पाठीमागे बसवून घेऊन जात असताना दिसत आहे. या फुटेजमध्ये शुक्रवारी सकाळी आरोपी मुलीला घेऊन जात असल्याचा ९ वाजून ३७ मिनिटांचा वेळ आला आहे. आरोपीकडे काळ्या रंगाची स्प्लेंडर मोटारसायकल असून, या फुटेजनुसार आरोपीचे वय चाळीस वर्षांपर्यंतचे वाटत आहे. या फुटेजचे फोटो व व्हिडिओ पोलिसांना व्हाट्सअॅपवर व्हायरल केले आहेत. ‘सीसीटीव्ही’ फुटेज अस्पष्ट असले तरी तपासाच्या दृष्टीने पुरेसे असल्याचे पोलिस अधिकारी सांगत आहेत. या आरोपीची माहिती देणाऱ्या व्यक्तीने पाथर्डी पोलिसांकडे संपर्क साधावा, असे आवाहनही करण्यात आले आहे. याशिवाय, या फुटेजच्या सहाय्याने पोलिसांनी पाथर्डी तालुक्यातील विविध गावांमध्ये आरोपीचा शोध सुरू केला आहे. पोलिस अधीक्षक रंजनकुमार शर्मा यांनीही पाथर्डीला जाऊन तपासी अधिकारी व पथकांना तपासाबाबत सूचना दिल्या आहेत. दरम्यान, ‘सीसीटीव्ही’ फुटेजव्यतिरिक्त आरोपीची ओळख पटविण्यासाठी मतदार यादीचीही मदत पोलिसांनी घेतली. पीडित मुलीचे गाव व तालुक्यातील इतर गावांतील मतदारांचे फोटो असलेल्या मतदार याद्या मुलीला व तिच्या आईला दाखविण्यात आल्या. परंतु, त्यात पोलिसांना आरोपीची माहिती मिळू शकली नाही.
तिसगाव (ता. पाथर्डी) येथील शाळकरी मुलीवर अत्याचार केल्याच्या गुन्ह्यात अत्याचार केलेल्या आरोपीचे ‘सीसीटीव्ही’ फुटेज पोलिसांना मिळाले आहेत. या फुटेजमध्ये आरोपीच्या मोटारसायकलवर बसून पीडित मुलगी जात असल्याचे दिसत आहे. त्यावरून आता पोलिसांनी परिसरातील गावात हे फुटेज दाखवून आरोपीचा शोध सुरू केला आहे.
मांडवे येथून तिसगाव येथे शाळेला जाण्यासाठी एका मुलीला मोटारसायकलवर लिफ्ट देणाऱ्यानेच पुढे शेतात नेऊन तिच्यावर बलात्कार केला. त्यानंतर शाळेजवळ सोडून दिले. तीन दिवसांपूर्वी घडलेल्या या घटनेचे तीव्र पडसाद जिल्ह्यात उमटत आहेत. पीडित मुलगी व तिच्या आईने केलेल्या वर्णनावरून आरोपीचे रेखाचित्र पोलिसांनी प्रसिद्ध केले होते. परंतु, त्यातून पोलिसांच्या हाती काही लागले नाही. त्यामुळे या गावातील दुकानांमध्ये कोठे ‘सीसीटीव्ही’ कॅमेरे आहेत का, याचा शोध पोलिस घेत होते.
रविवारी स्थानिक गुन्हे शाखेचे पोलिस निरीक्षक दिलीप पवार व पाथर्डी पोलिस स्टेशनचे पोलिस निरीक्षक राजेंद्र चव्हाण यांनी तिसगावमधील एका कम्प्युटर सेंटरमध्ये लावलेल्या ‘सीसीटीव्ही’चे फुटेज तपासले. यामध्ये आरोपी हा पीडित मुलीला मोटारसायकलवर पाठीमागे बसवून घेऊन जात असताना दिसत आहे. या फुटेजमध्ये शुक्रवारी सकाळी आरोपी मुलीला घेऊन जात असल्याचा ९ वाजून ३७ मिनिटांचा वेळ आला आहे. आरोपीकडे काळ्या रंगाची स्प्लेंडर मोटारसायकल असून, या फुटेजनुसार आरोपीचे वय चाळीस वर्षांपर्यंतचे वाटत आहे. या फुटेजचे फोटो व व्हिडिओ पोलिसांना व्हाट्सअॅपवर व्हायरल केले आहेत. ‘सीसीटीव्ही’ फुटेज अस्पष्ट असले तरी तपासाच्या दृष्टीने पुरेसे असल्याचे पोलिस अधिकारी सांगत आहेत. या आरोपीची माहिती देणाऱ्या व्यक्तीने पाथर्डी पोलिसांकडे संपर्क साधावा, असे आवाहनही करण्यात आले आहे. याशिवाय, या फुटेजच्या सहाय्याने पोलिसांनी पाथर्डी तालुक्यातील विविध गावांमध्ये आरोपीचा शोध सुरू केला आहे. पोलिस अधीक्षक रंजनकुमार शर्मा यांनीही पाथर्डीला जाऊन तपासी अधिकारी व पथकांना तपासाबाबत सूचना दिल्या आहेत. दरम्यान, ‘सीसीटीव्ही’ फुटेजव्यतिरिक्त आरोपीची ओळख पटविण्यासाठी मतदार यादीचीही मदत पोलिसांनी घेतली. पीडित मुलीचे गाव व तालुक्यातील इतर गावांतील मतदारांचे फोटो असलेल्या मतदार याद्या मुलीला व तिच्या आईला दाखविण्यात आल्या. परंतु, त्यात पोलिसांना आरोपीची माहिती मिळू शकली नाही.