नगर : अहमदनगर जिल्हा खरेदी-विक्री सहकारी संघाच्या अध्यक्षपदी श्रीरामपूर येथील अॅड. विलास थोरात यांची व उपाध्यक्षपदी राहाता येथील मीनाक्षी गोंदकर यांची निवड झाली आहे. मार्केट यार्डमधील या संस्थेच्या कार्यालयात झालेल्या संचालक मंडळाच्या बैठकीत ही नवी पदाधिकारी निवड झाली.
जिल्हा उपनिबंधक कार्यालयाचे प्रतिनिधी एच. एस. कांबळे यांच्या अध्यक्षतेखाली झालेल्या बैठकीत अध्यक्षपदासाठी अॅड. थोरात यांच्या नावाची सूचना अण्णासाहेब चौधरी यांनी केली व त्याला शिवाजी मते यांनी अनुमोदन दिले. तर उपाध्यक्षपदासाठी गोंदकर यांच्या नावाची सूचना भाऊसाहेब मोटे यांनी केली व संजय गिरवले यांनी अनुमोदन दिले. दोन्ही पदांच्या निवडी बिनविरोध झाल्या. निवडीनंतर अॅड. थोरात व गोंदकर यांचा सत्कार करण्यात आला. य
संचालक मंडळ सदस्य सीताराम वर्पे, सुधाकर नरवडे, दादासाहेब साबळे, सुभाष जायभाय, भाऊसाहेब काळे, बाबासाहेब तेलोरे, रखमाबाई शिंगोटे, भगवान शिंदे, जयद्रथ होन, सुधीर राळेभात तसेच व्यवस्थापक देवेंद्र बेरड आदी या वेळी उपस्थित होते.
--