अहमदनगर : पोलिस नियंत्रण कक्षात कार्यरत महिला पोलिस अंमलदार अर्चना रावसाहेब कासार यांची घरात गळफास घेऊन आत्महत्या केली. रविवारी सकाळी कामावरून परतल्यानंतर दरवाजा बंद करून घेतला. त्यानंतर काही वेळाने त्यांनी आत्महत्या केल्याचे आढळून आले. त्यामागील नेमके कारण अद्याप स्पष्ट झालेले नाही. मात्र कौटुंबिक वादातून त्यांनी हे पाऊल उचलले असावे, अशी पोलिस दलात चर्चा आहे. पोलिसांत असलेल्या पतीचे निधन झाल्यानंतर अनुकंपा तत्वावर त्या पोलिस सेवेत काही वर्षांपूर्वी भरती झाल्या होत्या. नगरच्या पोलिस अधीक्षक कार्यालयातील जिल्हा पोलिस नियंत्रण कक्षात कासार कार्यरत होत्या. शनिवारी रात्री त्यांची ड्युटी होती. ती संपवून रविवारी सकाळी त्या बोल्हेगाव उपनगरातील त्यांच्या घरी परतल्या. घरातील खोलीत त्या गेल्या. बराच वेळ झाला तरीही दरवाजा उघडला नाही. त्यामुळे त्यांच्या मुलाला संशय आला. शेजाऱ्यांच्या मदतीने त्यांनी दरवाजा उघडला. तर कासार यांनी गळफास घेतल्याचे आढळून आले.
याची माहिती तोफखाना पोलिसांना कळविण्यात आली. पोलिसांनी तातडीने घटनास्थळी धाव घेतली. पोलिस निरीक्षक ज्योती गडकरी यांनी पथकाच्या मदतीने कासार यांना जिल्हा रुग्णालयात नेले. तेथे डॉक्टरांनी त्यांचा आधीच मृत्यू झाल्याचे सांगितले.
कासार यांचे पती पोलिस दलात होते. त्यांच्या पतीचा मृत्यू झाल्यानंतर त्यांच्या जागी अनुकंप तत्त्वावर कासार पोलिसांत भरती झाल्या. सध्या त्या नियंत्रण कक्षात कार्यरत होत्या. त्यांच्या मागे एक मुलगा, एक मुलगी आहे. आधी वडील गमावले आणि आता आई, अशी वेळ त्या मुलांवर आली आहे.
तोफखाना पोलिस ठाण्यात अकस्मिक मृत्यूची नोंद करण्यात आली आहे. कासार यांनी आत्महत्या कोणत्या कारणातून केली, यासंबंधी तपास सुरू असल्याचे पोलिसांनी सांगितले. त्यांनी सुसाईट नोट लिहून ठेवल्याचे सांगण्यात येत असले तरी त्याला अद्याप दुजोरा मिळू शकला नाही.
याची माहिती तोफखाना पोलिसांना कळविण्यात आली. पोलिसांनी तातडीने घटनास्थळी धाव घेतली. पोलिस निरीक्षक ज्योती गडकरी यांनी पथकाच्या मदतीने कासार यांना जिल्हा रुग्णालयात नेले. तेथे डॉक्टरांनी त्यांचा आधीच मृत्यू झाल्याचे सांगितले.
कासार यांचे पती पोलिस दलात होते. त्यांच्या पतीचा मृत्यू झाल्यानंतर त्यांच्या जागी अनुकंप तत्त्वावर कासार पोलिसांत भरती झाल्या. सध्या त्या नियंत्रण कक्षात कार्यरत होत्या. त्यांच्या मागे एक मुलगा, एक मुलगी आहे. आधी वडील गमावले आणि आता आई, अशी वेळ त्या मुलांवर आली आहे.
तोफखाना पोलिस ठाण्यात अकस्मिक मृत्यूची नोंद करण्यात आली आहे. कासार यांनी आत्महत्या कोणत्या कारणातून केली, यासंबंधी तपास सुरू असल्याचे पोलिसांनी सांगितले. त्यांनी सुसाईट नोट लिहून ठेवल्याचे सांगण्यात येत असले तरी त्याला अद्याप दुजोरा मिळू शकला नाही.