श्रीरामपूरमध्ये ऑइल पेंट कंपनीला मोठी आग; तेलामुळं आग इतकी भडकली की...

अहमदनगर: श्रीरामपूरच्या दत्तनगर औद्योगिक वसाहतीतील (एमआयडीसी) एका ऑइल पेंट कंपनीला सोमवारी दुपारी आग लागली. या आगीत कंपनीचे मोठे नुकसान झाले आहे. अग्निशामक दलाचे आगीवर नियंत्रण मिळविण्यासाठी मोठे प्रयत्न केले, मात्र ऑइलमुळे आग भडकली होती.

श्रीरामपूर एमआयडीसीमध्ये राज्य परिवहन महामंडळाच्या (एसटी) विभागीय कार्यशाळेच्या बाजूला ही ऑइल पेंटची कंपनी आहे. तेथे भर दुपारी आग लागली. कंपनीतील ऑइल आणि बाहेर कडक उन यामुळे आग भडकत गेली. कंपनीत शॉर्ट सर्किट होऊन ही आग लागल्याचे सांगण्यात आले.

वाचा: लक्ष्य महाविकास आघाडी? अहमदनगरच्या राजकारणात विखे पाटील टाकणार नवा डाव

आगीमुळे मोठ्या प्रमाणावर काळ्या धुरांचे लोट आकाशात जात होते. याची माहिती स्थानिकांनी प्रशासनाला कळविली. धुराचे लोट चार ते पाच किलोमीटरवर पसरले होते. आगीत कंपनीतील मोठ्या प्रमाणावर नुकसान झाल्याचे प्रत्यक्षदर्शींनीनी सांगितले आहे. जिवीत हानीसंबंधीची माहिती अद्याप उपलब्ध झाली नाही.

वाचा: भाजपचं अजित पवारांवरील प्रेम पुतणा मावशीचं; संजय राऊत यांचा टोला