पतीसोबत वाद झाल्यानं चार मुलांसह तिनं घर सोडलं आणि...

अहमदनगर: आईसह चार मुले बेपत्ता झाल्याची घटना सावेडीच्या प्रेमदान हाडकोमध्ये घडली. या प्रकरणी तोफखाना पोलीस ठाण्यात बेपत्ता झाल्याची तक्रार दाखल करण्यात आली आहे. बाळासाहेब गणपत पानसरे (वय ४५) यांनी ही तक्रार दिली आहे. (Man Files Missing Complaint At Topkhana Police Station)

वाचा: आधी वडील आणि आजोबांचा खून केला, मग तरुणाने...

बाळासाहेब पानसरे यांची पत्नी पल्लवी पानसरे (वय ३६), मुलगी वैष्णवी पानसरे (वय १८), वैभवी पानसरे (वय १८), सोनल पानसरे (वय १७) असे बेपत्ता झालेल्यांची नावे आहेत. ३ फेब्रुवारीला सकाळी बाळासाहेब यांचे पत्नी पल्लवी सोबत किरकोळ कारणावरून वाद झाले होते. त्यानंतर पल्लवी आपल्या चार मुलांना घेऊन शिक्रापूर (जि. पुणे) येथे बाळासाहेब यांच्या साडूची मुलगी प्रिती जाधव यांचेकडे गेली. यानंतर बाळासाहेब यांचे साडू विजय भगत यांनी बाळासाहेब यांना फोन करून सांगितले की, पल्लवीने सोशल मीडियावर मी आत्महत्या करीत आहे, असा मेसेज पाठवला आहे. यानंतर पत्नी पल्लवीसोबत संपर्क झाला नसल्याने बाळासाहेब यांनी पत्नी व मुले बेपत्ता झाल्याची तक्रार दाखल केली आहे.

वाचा: 'शिवसेनेचा मुख्यमंत्री होताच सचिन वाझे पुन्हा पोलीस सेवेत कसे?'