विजयसिंह होलम । अहमदनगर भाजपचे नगरचे खासदार डॉ. सुजय विखे पाटील (Sujay Vikhe Patil) यांच्या वाढदिवसानिमित्त त्यांच्या लोणी बुद्रुक गावातील चाहत्यांनी अक्षरक्ष: भव्य सत्कार केला. यासाठी विविध प्रकारच्या फुलांचा ३८० किलो वजनाचा आणि ३८ फूट लांबीचा हार आणला होता. तो उचलण्यासाठी क्रेनचा वापर करावा लागला. गुलालाऐवजी फुले उधळण्यात आली. त्यासाठीही जेसीबी आणला होता. कार्यकर्त्यांच्या या सत्कारामुळे विखे पाटील भारावून गेले.
वाढदिवसाच्या दिवशी डॉ. विखे पाटील बाहेरगावी होते. त्यामुळे गावातील कार्यकर्त्यांची सत्काराची संधी हुकली. रविवारी ते गावी परतले. त्यावेळी तरुणांनी जल्लोष करीत गुलालाऐवजी फुलांची उधळण करीत त्यांचा वाढदिवस साजरा केला. दोन दिवस उशिराने पण स्मरणात राहील अशा थाटात लोणीकरांनी त्यांचा सत्कार केला. गावातील पद्मश्री डॉ. विठ्ठलराव विखे पाटील यांच्या पुतळ्यासमोर सायंकाळच्या वेळी आकर्षक व्यासपीठ उभारण्यात आले. ३८० किलो वजनाचा आणि ३८ फूट लांबीचा विविधरंगी फुलांचा भव्य पुष्पहार बनवण्यात आला. त्यासाठी क्रेनची व्यवस्था करण्यात आली. पुष्पवृष्टी करण्यासाठी जेसीबी आणण्यात आला. ढोलीबाजा, फटाक्यांची आतषबाजी, चाहत्यांसाठी भगवे फेटे आणि शेकडो कार्यकर्त्यांची हजेरी लक्ष वेधून घेणारी ठरली. सुजय विखे पाटील आणि धनश्रीताई विखे पाटील यांना हा भव्य फुलांचा हार घालून जयघोष करीत लोणीकरांनी त्यांचे अभिष्टचिंतन केले.
वाचा: दक्षिण आफ्रिकेतून परतलेल्या खेळाडूंची भव्य मिरवणूक; नाशिकमध्ये घबराट
वाढदिवसानिमित्त विविध उपक्रमांचेही आयोजन करण्यात आले होते. यावेळी सिनेट सदस्य अनिल विखे, उपसरपंच गणेश विखे, अनिल विखे, किशोर धावणे, लक्ष्मण बनसोडे, रामभाऊ विखे, भाऊसाहेब धावणे, नवनाथ विखे, सोपान विखे, अॅड.नितीन विखे, दादासाहेब म्हस्के, प्रभाकर विखे यांच्यासह सुजय विखे पाटील युवा मंचचे कार्यकर्ते आणि ग्रामस्थ मोठ्या संख्येने उपस्थित होते.
वाचा: धक्कादायक! मृत महिलेच्या नावानं करोना लसीकरणाचे प्रमाणपत्र
वाढदिवसाच्या दिवशी डॉ. विखे पाटील बाहेरगावी होते. त्यामुळे गावातील कार्यकर्त्यांची सत्काराची संधी हुकली. रविवारी ते गावी परतले. त्यावेळी तरुणांनी जल्लोष करीत गुलालाऐवजी फुलांची उधळण करीत त्यांचा वाढदिवस साजरा केला. दोन दिवस उशिराने पण स्मरणात राहील अशा थाटात लोणीकरांनी त्यांचा सत्कार केला. गावातील पद्मश्री डॉ. विठ्ठलराव विखे पाटील यांच्या पुतळ्यासमोर सायंकाळच्या वेळी आकर्षक व्यासपीठ उभारण्यात आले. ३८० किलो वजनाचा आणि ३८ फूट लांबीचा विविधरंगी फुलांचा भव्य पुष्पहार बनवण्यात आला. त्यासाठी क्रेनची व्यवस्था करण्यात आली. पुष्पवृष्टी करण्यासाठी जेसीबी आणण्यात आला. ढोलीबाजा, फटाक्यांची आतषबाजी, चाहत्यांसाठी भगवे फेटे आणि शेकडो कार्यकर्त्यांची हजेरी लक्ष वेधून घेणारी ठरली. सुजय विखे पाटील आणि धनश्रीताई विखे पाटील यांना हा भव्य फुलांचा हार घालून जयघोष करीत लोणीकरांनी त्यांचे अभिष्टचिंतन केले.
वाचा: दक्षिण आफ्रिकेतून परतलेल्या खेळाडूंची भव्य मिरवणूक; नाशिकमध्ये घबराट
वाढदिवसानिमित्त विविध उपक्रमांचेही आयोजन करण्यात आले होते. यावेळी सिनेट सदस्य अनिल विखे, उपसरपंच गणेश विखे, अनिल विखे, किशोर धावणे, लक्ष्मण बनसोडे, रामभाऊ विखे, भाऊसाहेब धावणे, नवनाथ विखे, सोपान विखे, अॅड.नितीन विखे, दादासाहेब म्हस्के, प्रभाकर विखे यांच्यासह सुजय विखे पाटील युवा मंचचे कार्यकर्ते आणि ग्रामस्थ मोठ्या संख्येने उपस्थित होते.
वाचा: धक्कादायक! मृत महिलेच्या नावानं करोना लसीकरणाचे प्रमाणपत्र