म.टा. प्रतिनिधी । अहमदनगर दौंड-मनमाड रेल्वे मार्गावर रात्रीच्या वेळी रेल्वे गाड्यांमध्ये लुटमारीच्या घटना नेहमीच होतात. अनेकदा झटापट होऊन प्रवासी जखमी झाल्याची उदाहरणेही आहेत. मात्र, काल रात्री चोरीच्या उद्देशाने रेल्वेत चढलेल्या श्रीरामपूरमधील एका युवकाचा रेल्वेतून पडून मृत्यू झाला, प्रवाशांनी आरडाओरड केल्याने त्याने गाडीतून उडी मारली, मात्र त्याच वेळी विरुद्ध बाजूने आलेल्या दुसऱ्या गाडीची त्याला धडक बसली.
श्रीरामपूर रेल्वे स्थानकावर ही घटना घडली. मुजाहिद मस्तान शेख (वय २०, रा. फकिरवाडा, श्रीरामपूर) असे मृताचे नाव आहे. सुरुवातीला रेल्वे रुळाच्या बाजूला त्याचा मृतदेह आढळून आला होता. तोपर्यंत घटनेचा उलगडा झाला नाही. मात्र, पोलिसांनी सखोल तपास केल्यानंतर त्याचे अन्य साथीदार पकडले गेले आणि खरा प्रकार समोर आला. श्रीरामपूर शहर पोलिसांनी आता हे प्रकरण रेल्वे पोलिसांकडे वर्ग केले आहे.
वाचा: चंद्रपुरात भोजनालय चालक दाम्पत्याची आत्महत्या; कुजलेल्या अवस्थेत सापडले मृतदेह
मृतदेहाची माहिती मिळाल्यानंतर पोलिस निरीक्षक संजय सानप यांनी तपास सुरू केला. गोपनीय माहिती मिळाल्यानंतर पोलिसांनी जुबेर हरुण शेख (वय २० रा. डावखर रोड, श्रीरामपूर), इरफान मैनुद्दिन सय्यद उर्फ काझी उर्फ इप्या (वय १८, रा. मिल्लतनगर, श्रीरामपूर), अरबाज जब्बर शहा (वय २२, रा. फकिरवाडा, श्रीरामपूर) व आदम युसूफ शहा (वय २५, रा. काझीबाबा रोड, श्रीरामपूर) यांना ताब्यात घेऊन चौकशी केली. त्यांच्याकडून घटनेचा उलगडा झाला. मृत युवकासोबत हे सर्व जण त्या रात्री श्रीरामपूर रेल्वे स्थानकात चोरी करण्यासाठी गेले होते. मध्यरात्रीच्या सुमारास महाराष्ट्र एक्स्प्रेस तेथे आली. त्यावेळी मुजाहिद शेख एका बोगीत शिरला. त्याला पाहून जागे असलेल्या प्रवाशांना संशय आला. प्रवाशांनी आरडाओरड केली. पकडले जाण्याच्या भीतीने त्याने आल्या पावली मागे वळून उडी मारली. त्यावेळी शेजारच्या रुळांवरून हबीबगंज एक्सप्रेस जात होती. त्या गाडीची त्याला धडक बसली.
वाचा: मुख्यमंत्र्यांबद्दल बोलताना नारायण राणेंचा तोल गेला; म्हणाले, सीएम बीएम...
गाडी पुढे गेल्यावर त्याचे साथीदार मदतीला धावले. त्यांनी त्याला उचलून रेल्वे वसाहतीपर्यंत आणले. तोपर्यंत त्यांचे कुटुंबीय तेथे आले. त्यांनी त्याला रुग्णालयात नेले. मात्र, डॉक्टारांनी त्याला मृत्यू झाल्याचे सांगितले. त्यांनी त्याचा मृतदेह पुन्हा फकीरवाडा येथे आणला. तोपर्यंत पोलिसांनी माहिती मिळाली होती. पोलिसांनी तेथे येऊन चौकशी केली. त्याचे साथीदारही हाती लागले आणि घटनेचा उलगडा झाला.
श्रीरामपूर रेल्वे स्थानकावर ही घटना घडली. मुजाहिद मस्तान शेख (वय २०, रा. फकिरवाडा, श्रीरामपूर) असे मृताचे नाव आहे. सुरुवातीला रेल्वे रुळाच्या बाजूला त्याचा मृतदेह आढळून आला होता. तोपर्यंत घटनेचा उलगडा झाला नाही. मात्र, पोलिसांनी सखोल तपास केल्यानंतर त्याचे अन्य साथीदार पकडले गेले आणि खरा प्रकार समोर आला. श्रीरामपूर शहर पोलिसांनी आता हे प्रकरण रेल्वे पोलिसांकडे वर्ग केले आहे.
वाचा: चंद्रपुरात भोजनालय चालक दाम्पत्याची आत्महत्या; कुजलेल्या अवस्थेत सापडले मृतदेह
मृतदेहाची माहिती मिळाल्यानंतर पोलिस निरीक्षक संजय सानप यांनी तपास सुरू केला. गोपनीय माहिती मिळाल्यानंतर पोलिसांनी जुबेर हरुण शेख (वय २० रा. डावखर रोड, श्रीरामपूर), इरफान मैनुद्दिन सय्यद उर्फ काझी उर्फ इप्या (वय १८, रा. मिल्लतनगर, श्रीरामपूर), अरबाज जब्बर शहा (वय २२, रा. फकिरवाडा, श्रीरामपूर) व आदम युसूफ शहा (वय २५, रा. काझीबाबा रोड, श्रीरामपूर) यांना ताब्यात घेऊन चौकशी केली. त्यांच्याकडून घटनेचा उलगडा झाला. मृत युवकासोबत हे सर्व जण त्या रात्री श्रीरामपूर रेल्वे स्थानकात चोरी करण्यासाठी गेले होते. मध्यरात्रीच्या सुमारास महाराष्ट्र एक्स्प्रेस तेथे आली. त्यावेळी मुजाहिद शेख एका बोगीत शिरला. त्याला पाहून जागे असलेल्या प्रवाशांना संशय आला. प्रवाशांनी आरडाओरड केली. पकडले जाण्याच्या भीतीने त्याने आल्या पावली मागे वळून उडी मारली. त्यावेळी शेजारच्या रुळांवरून हबीबगंज एक्सप्रेस जात होती. त्या गाडीची त्याला धडक बसली.
वाचा: मुख्यमंत्र्यांबद्दल बोलताना नारायण राणेंचा तोल गेला; म्हणाले, सीएम बीएम...
गाडी पुढे गेल्यावर त्याचे साथीदार मदतीला धावले. त्यांनी त्याला उचलून रेल्वे वसाहतीपर्यंत आणले. तोपर्यंत त्यांचे कुटुंबीय तेथे आले. त्यांनी त्याला रुग्णालयात नेले. मात्र, डॉक्टारांनी त्याला मृत्यू झाल्याचे सांगितले. त्यांनी त्याचा मृतदेह पुन्हा फकीरवाडा येथे आणला. तोपर्यंत पोलिसांनी माहिती मिळाली होती. पोलिसांनी तेथे येऊन चौकशी केली. त्याचे साथीदारही हाती लागले आणि घटनेचा उलगडा झाला.