नगर: नगरमध्ये करोना रुग्णांची संख्या झपाट्याने वाढत असून आज नगरमध्ये मुख्य बाजारपेठेच्या लगत असणारा आडतेबाजार हा परिसर कंटेन्मेंट झोन म्हणून जाहीर केला आहे. त्यामुळे आता शहरातील मुख्य बाजारपेठेचा काही भाग कंटेन्मेंट झोन व काही भाग हा बफर झोनमध्ये आल्याने पुढील चौदा दिवस मुख्य बाजारपेठच बंद राहणार आहे. दरम्यान, करोना रुग्णांची संख्या वाढत असल्याने प्रशासन चिंतेत असून वेगाने होणारा फैलाव रोखण्याचे आव्हान त्यांच्यासमोर उभे राहिले आहे. ( Coronavirus in Ahmednagar )
वाचा: काळजी घ्या! 'ही' आहेत करोना संसर्गाची तीन नवीन लक्षणे
नगरमध्ये तोफखाना, सिद्धार्थनगर व नालेगाव या परिसरात करोनाचे रुग्ण आढळण्याचे प्रमाण जास्त असल्याने हा भाग यापूर्वीच कंटेन्मेंट झोन म्हणून घोषित केला आहे. हे तीन भाग कंटेन्मेंट झोन व आजूबाजूचा परिसर बफर झोन झाला असल्यामुळे यापूर्वीच दिल्लीगेट, चितळे रोडसह निम्मे अहमदनगर शहर लॉकडाऊन झाले आहे. त्यातच गेल्या दोन दिवसांमध्ये शहराच्या मुख्य बाजारपेठेच्या लगत असणाऱ्या आडते बाजार येथेही सहा करोना बाधित सापडले आहेत. किराणा मालाची जिल्ह्यातील प्रमुख होलसेल बाजारपेठ म्हणून आडतेबाजार हा परिसर ओळखला जातो. तर, आडतेबाजाराच्या लगतच कापडबाजार, सारडा गल्ली, मोची गल्ली, जुना कापडबाजार, गंजबाजार, सुभेदार गल्ली, पारशाखुट, शहाजी रोड, तांबटकर गल्ली, सर्जेपुरा चौक आदी परिसर आहे. हा परिसर म्हणजे नगरची मुख्य बाजारपेठ म्हणून ओळखला जातो. याठिकाणी नगर जिल्ह्यासह मराठवाड्यातून सुद्धा खरेदीसाठी मोठ्या प्रमाणात ग्राहक येत असतात. मात्र आता आडते बाजारच कंटेन्मेंट झोन म्हणून घोषित करण्यात आला असून आजूबाजूची बाजारपेठ ही बफर झोनमध्ये गेली आहे. त्यामुळे पुढील चौदा दिवस शहरातील मुख्य बाजारपेठच बंद राहणार आहे.
वाचा: सोशल डिस्टनसिंगच्या नियमांचे उल्लंघन केल्यास दुकानांवर कारवाई
जिल्हाधिकाऱ्यांनी केली पाहणी
आडतेबाजारमध्ये करोना रुग्ण आढळू लागल्याने आज दुपारी जिल्हाधिकारी राहुल द्विवेदी यांनी या परिसराची पाहणी केली. यावेळी अहमदनगर महापालिका आयुक्त श्रीकांत मायकलवार, पोलिस उपअधीक्षक संदीप मिटके, शहर अभियंता सुरेश इथापे आदी त्यांच्यासोबत होते. नियमानुसार कंटेन्मेंट झोनमध्ये अत्यावश्यक सेवेची दुकाने बंद ठेवा. तर, बफर झोनमध्ये अत्यावश्यक सेवेची दुकाने वगळून इतर सर्व आस्थापना, दुकाने बंद ठेवा, असे निर्देशही त्यांनी दिले आहेत. जिल्हाधिकारी द्विवेदी यांनी अन्य अधिकाऱ्यांसह कोंड्यामामा चौक, रामचंद्र खुंट, मंगल गेट, डाळ मंडई आदी भागात भेटी देऊन तेथील परिस्थितीची पाहणी केली व स्थितीचा आढावा घेतला. जिल्हाधिकाऱ्यांनी याआधीही नगरमधील दाट लोकवस्तीत जाऊन करोना संसर्गाच्या अनुशंगाने आढावा घेतला होता.
वाचा: फडणवीसांनी पाहुणचार घेतलेल्या भाजपच्या 'त्या' आमदाराला करोना
वाचा: काळजी घ्या! 'ही' आहेत करोना संसर्गाची तीन नवीन लक्षणे
नगरमध्ये तोफखाना, सिद्धार्थनगर व नालेगाव या परिसरात करोनाचे रुग्ण आढळण्याचे प्रमाण जास्त असल्याने हा भाग यापूर्वीच कंटेन्मेंट झोन म्हणून घोषित केला आहे. हे तीन भाग कंटेन्मेंट झोन व आजूबाजूचा परिसर बफर झोन झाला असल्यामुळे यापूर्वीच दिल्लीगेट, चितळे रोडसह निम्मे अहमदनगर शहर लॉकडाऊन झाले आहे. त्यातच गेल्या दोन दिवसांमध्ये शहराच्या मुख्य बाजारपेठेच्या लगत असणाऱ्या आडते बाजार येथेही सहा करोना बाधित सापडले आहेत. किराणा मालाची जिल्ह्यातील प्रमुख होलसेल बाजारपेठ म्हणून आडतेबाजार हा परिसर ओळखला जातो. तर, आडतेबाजाराच्या लगतच कापडबाजार, सारडा गल्ली, मोची गल्ली, जुना कापडबाजार, गंजबाजार, सुभेदार गल्ली, पारशाखुट, शहाजी रोड, तांबटकर गल्ली, सर्जेपुरा चौक आदी परिसर आहे. हा परिसर म्हणजे नगरची मुख्य बाजारपेठ म्हणून ओळखला जातो. याठिकाणी नगर जिल्ह्यासह मराठवाड्यातून सुद्धा खरेदीसाठी मोठ्या प्रमाणात ग्राहक येत असतात. मात्र आता आडते बाजारच कंटेन्मेंट झोन म्हणून घोषित करण्यात आला असून आजूबाजूची बाजारपेठ ही बफर झोनमध्ये गेली आहे. त्यामुळे पुढील चौदा दिवस शहरातील मुख्य बाजारपेठच बंद राहणार आहे.
वाचा: सोशल डिस्टनसिंगच्या नियमांचे उल्लंघन केल्यास दुकानांवर कारवाई
जिल्हाधिकाऱ्यांनी केली पाहणी
आडतेबाजारमध्ये करोना रुग्ण आढळू लागल्याने आज दुपारी जिल्हाधिकारी राहुल द्विवेदी यांनी या परिसराची पाहणी केली. यावेळी अहमदनगर महापालिका आयुक्त श्रीकांत मायकलवार, पोलिस उपअधीक्षक संदीप मिटके, शहर अभियंता सुरेश इथापे आदी त्यांच्यासोबत होते. नियमानुसार कंटेन्मेंट झोनमध्ये अत्यावश्यक सेवेची दुकाने बंद ठेवा. तर, बफर झोनमध्ये अत्यावश्यक सेवेची दुकाने वगळून इतर सर्व आस्थापना, दुकाने बंद ठेवा, असे निर्देशही त्यांनी दिले आहेत. जिल्हाधिकारी द्विवेदी यांनी अन्य अधिकाऱ्यांसह कोंड्यामामा चौक, रामचंद्र खुंट, मंगल गेट, डाळ मंडई आदी भागात भेटी देऊन तेथील परिस्थितीची पाहणी केली व स्थितीचा आढावा घेतला. जिल्हाधिकाऱ्यांनी याआधीही नगरमधील दाट लोकवस्तीत जाऊन करोना संसर्गाच्या अनुशंगाने आढावा घेतला होता.
वाचा: फडणवीसांनी पाहुणचार घेतलेल्या भाजपच्या 'त्या' आमदाराला करोना