म.टा.प्रतिनिधी,नगर
जैनमुनी आचार्यश्री आनंदऋषिजी महाराजांची जन्मभूमी असलेल्या पाथर्डी तालुक्यातील शिराळ चिचोंडी येथे गुरू आनंद फाउंडेशनद्वारे ‘आनंद तीर्थ’ उभारले जात असून, यातील पहिल्या टप्प्यातील ‘आनंदऋषी गुरुचरण तीर्थ’चे उदघाटन येत्या रविवारी (१७ डिसेंबर) सकाळी नऊ वाजता प्रवीणऋषि महाराजांच्या उपस्थितीत होणार आहे. यानिमित्ताने आनंद तीर्थच्या दुसऱ्या टप्प्याचे भूमिपूजनही होणार आहे. या कार्यक्रमास देशभरातून जैन साधू-साध्वी व भाविक येणार आहेत.
जैनमुनी आनंदऋषिजी महाराजांचा जन्म शिराळ चिचोंडी येथे झाला आहे. पाथर्डी तालुक्यातीलच मिरी येथे त्यांचा दीक्षा समारंभ झाला होता. त्यानंतर चातुर्मास वा अन्य धार्मिक उपक्रमांच्या निमित्ताने ते देशभर फिरले असले तरी त्यांची मुख्य कर्मभूमी नगर शहर हीच होती. येथेच २८ मार्च १९९२ रोजी त्यांचे महानिर्वाण झाले. त्यांच्या स्मृति चिरंतन राहण्यासाठी स्थानकवासी जैन भाविकांद्वारे शिराळ चिचोंडी येथे ३५ एकरात आनंद तीर्थ उभारले जाणार आहे. यात श्रद्धातीर्थ, संस्कार तीर्थ, विधानतीर्थ, ज्ञान-विद्यातीर्थ, अमृत तीर्थ, सेवातीर्थ व कलातीर्थ अशा सप्ततीर्थांची निर्मिती केली जाणार आहे.
२० कोटी रुपये खर्च करून यातील पहिल्या टप्प्यातील आनंदऋषी गुरुचरण तीर्थ, वर्षीतप साधनेसाठी तपस्यालय, आनंदालय वृद्धाश्रम, कर्मचारी निवास व गौतम प्रसादालय आदी कामे पूर्ण झाली आहेत. त्यांचे लोकार्पण येत्या रविवारी (१७ डिसेंबर) होणार आहे. गुरूचरण तीर्थाचे उद्घाटन नगरचे उद्योजक नरेंद्र फिरोदिया यांच्या तर तपस्यालयाचे उद्घाटन बंगलोर येथील सैनिकराज चोरडिया व परिवाराच्या हस्ते होणार आहे. यावेळी कुंदनऋषी महाराज, पारसमुनी महाराज, प्रवीणऋषी महाराज, रमणिकमुनी महाराज, लोकेशऋषी महाराज, पद्मऋषी महाराज, श्रेयसऋषी महाराज, परागमुनी महाराज, प्रियदर्शना महाराज, विश्वदर्शना महाराज आदींसह अन्य साधू-साध्वी उपस्थित राहणार आहेत. गुरू आनंद फाउंडेशनचे अध्यक्ष सतीश सुराणा, विश्वस्त सुरेंद्र संचेती तसेच नगरचे बाबूशेठ बोरा, राजेंद्र चोपडा, अशोक पितळे, नंदलाल कोठारी व अन्य भाविकांनी या कार्यक्रमाचे नियोजन केले आहे. आनंद तीर्थच्या दुसऱ्या टप्प्यातील ऑडिटोरियम, नवकार कलश तीर्थ, श्रुतपीठ, श्रीगौतमलब्धी यंत्र, आनंददर्शन तीर्थ, वाचनालय व अन्य कामांचे यावेळी भूमिपूजन होणार आहे. २५ कोटींची ही कामे येत्या दोन वर्षात पूर्ण करण्याचे नियोजन आहे.
जैनमुनी आचार्यश्री आनंदऋषिजी महाराजांची जन्मभूमी असलेल्या पाथर्डी तालुक्यातील शिराळ चिचोंडी येथे गुरू आनंद फाउंडेशनद्वारे ‘आनंद तीर्थ’ उभारले जात असून, यातील पहिल्या टप्प्यातील ‘आनंदऋषी गुरुचरण तीर्थ’चे उदघाटन येत्या रविवारी (१७ डिसेंबर) सकाळी नऊ वाजता प्रवीणऋषि महाराजांच्या उपस्थितीत होणार आहे. यानिमित्ताने आनंद तीर्थच्या दुसऱ्या टप्प्याचे भूमिपूजनही होणार आहे. या कार्यक्रमास देशभरातून जैन साधू-साध्वी व भाविक येणार आहेत.
जैनमुनी आनंदऋषिजी महाराजांचा जन्म शिराळ चिचोंडी येथे झाला आहे. पाथर्डी तालुक्यातीलच मिरी येथे त्यांचा दीक्षा समारंभ झाला होता. त्यानंतर चातुर्मास वा अन्य धार्मिक उपक्रमांच्या निमित्ताने ते देशभर फिरले असले तरी त्यांची मुख्य कर्मभूमी नगर शहर हीच होती. येथेच २८ मार्च १९९२ रोजी त्यांचे महानिर्वाण झाले. त्यांच्या स्मृति चिरंतन राहण्यासाठी स्थानकवासी जैन भाविकांद्वारे शिराळ चिचोंडी येथे ३५ एकरात आनंद तीर्थ उभारले जाणार आहे. यात श्रद्धातीर्थ, संस्कार तीर्थ, विधानतीर्थ, ज्ञान-विद्यातीर्थ, अमृत तीर्थ, सेवातीर्थ व कलातीर्थ अशा सप्ततीर्थांची निर्मिती केली जाणार आहे.
२० कोटी रुपये खर्च करून यातील पहिल्या टप्प्यातील आनंदऋषी गुरुचरण तीर्थ, वर्षीतप साधनेसाठी तपस्यालय, आनंदालय वृद्धाश्रम, कर्मचारी निवास व गौतम प्रसादालय आदी कामे पूर्ण झाली आहेत. त्यांचे लोकार्पण येत्या रविवारी (१७ डिसेंबर) होणार आहे. गुरूचरण तीर्थाचे उद्घाटन नगरचे उद्योजक नरेंद्र फिरोदिया यांच्या तर तपस्यालयाचे उद्घाटन बंगलोर येथील सैनिकराज चोरडिया व परिवाराच्या हस्ते होणार आहे. यावेळी कुंदनऋषी महाराज, पारसमुनी महाराज, प्रवीणऋषी महाराज, रमणिकमुनी महाराज, लोकेशऋषी महाराज, पद्मऋषी महाराज, श्रेयसऋषी महाराज, परागमुनी महाराज, प्रियदर्शना महाराज, विश्वदर्शना महाराज आदींसह अन्य साधू-साध्वी उपस्थित राहणार आहेत. गुरू आनंद फाउंडेशनचे अध्यक्ष सतीश सुराणा, विश्वस्त सुरेंद्र संचेती तसेच नगरचे बाबूशेठ बोरा, राजेंद्र चोपडा, अशोक पितळे, नंदलाल कोठारी व अन्य भाविकांनी या कार्यक्रमाचे नियोजन केले आहे. आनंद तीर्थच्या दुसऱ्या टप्प्यातील ऑडिटोरियम, नवकार कलश तीर्थ, श्रुतपीठ, श्रीगौतमलब्धी यंत्र, आनंददर्शन तीर्थ, वाचनालय व अन्य कामांचे यावेळी भूमिपूजन होणार आहे. २५ कोटींची ही कामे येत्या दोन वर्षात पूर्ण करण्याचे नियोजन आहे.